អ្នកប្រដាល់ ឪម សំរេច ក្លិបកងពលតូចទ័ពឆ័ត្រយោង៩១១ បានសុំជួបជាមួយ ឯម លីថូ អ្នកប្រដាល់ក្លិបឫទ្ធីពោធិសែនជ័យ នាល្ងាចថ្ងៃសៅរ៍ ទី១១ ខែកក្កដា ឆ្នាំ២០១៥នេះ នៅលើសង្វៀនបាយ័នស្ទឹងមានជ័យ ដើម្បីទូទាត់បំណុលចាស់។
សំរេច ធ្លាប់ជួប ឯម លីថូ ម្ដងហើយ កាលពីថ្ងៃទី៣០ ខែមករា ឆ្នាំ២០១៥កន្លងមកនោះ ប៉ុន្តែគេត្រូវបរាជ័យ ដោយវាយចាញ់ លីថូ ដោយពិន្ទុ។ ទោះជាវាយចាញ់ក៏ដោយ ក៏ ឪម សំរេច បានធ្វើឲ្យ លីថូ ឈឺសាច់ និងវេទនាខ្លួនគួរសមដែរ។ សំរេច ប្រកួតជាមួយ លីថូ កន្លងមកនោះ គេវាយបានល្អ និងខ្លាំង គ្រាន់តែការវាយចេញរបស់គេភាគច្រើនមិនចំគោលដៅល្អប៉ុណ្ណោះ ដែលធ្វើឲ្យចាញ់ពិន្ទុលីថូ នោះ ដោយក្នុងចំណោមចៅក្រម៥នាក់ មាន៣នាក់ឲ្យ លីថូ ឈ្នះ ហើយ២នាក់ឲ្យ សំរេច ឈ្នះ ។
សំរេច ប្រកួតល្អ និងខ្លាំង ឃើញបានពីរ ឬបីទឹកដំបូងប៉ុណ្ណោះ តែចាប់ពីចុងទឹកទី៣ ទៅដល់នោះទឹកទី៥ គឺការប្រកួតរបស់គេចាប់ផ្ដើមថមថយ និងធ្លាក់ចុះហើយ។ ម្ល៉ោះហើយ ទើបចាញ់ លីថូ ។ យ៉ាងណា ឪម សំរេច ឡើងសងសឹកលើកនេះ ក៏មិនប្រាកដថាអាចឈ្នះ លីថូ ដែរ ព្រោះ សំរេចមួយរយះចុងក្រោយនេះ គេវាយធ្លាក់មែនទែន ពោលគឺ១០ប្រកួតចុងក្រោយនេះ គេចាញ់រហូតមិនដែលអ្នកណាឡើយ។
ឯម លីថូ ជាអ្នកប្រដាល់ជើងចាស់ តែមិនជាខ្លាំងលើស ឪម សំរេច ប៉ុន្មានទេ ដោយសារបច្ចុប្បន្ននេះគេថមថយកម្លាំង មិនខ្លាំងដូចពីមុន តែចិត្តប្រដាល់របស់គេនៅតែធំ ព្រមទាំងអំណត់ខ្ពស់ និងមានកលល្បិចក្នុងការប្រកួតខ្ពស់ជាង សំរេច ប៉ុណ្ណោះ។ ចាំមើល លើកនេះ តើ ឯម លីថូអាចយកឈ្នះ ឪម សំរេច បានទៀត ឬអត់?
ជុន សាវុធ អ្នកប្រដាល់ក្លិបពោធិជ័យកីឡា ក៏នឹងឡើងប្រកួតសងសឹកជាមួយ ឯម សារ៉ាក់ អ្នកប្រដាល់ក្លិបឫទី្ធពោធិសែនជ័យដែរ។ ពីរនាក់នេះ ធ្លាប់ជួបគ្នាចំនួន៤លើកហើយ ដែលជួបលើកទី១ លើកទី២ សារ៉ាក់ វាយចាញ់ សាវុធ និងលើកទី៣ ទី៤ ទើប សារ៉ាក់ បានឈ្នះ សាវុធ ដោយពិន្ទុវិញនោះ។
ឯម សារ៉ាក់ ជាអ្នកប្រដាល់ដែលមានផ្លែល្អ ទាំងកណ្ដាប់ដៃ ទាំងទាត់ និងជង្គង់ កែង ម្ល៉ោះហើយ ជុន សាវុធ ដែលមានមាឌស្ដើង និងកម្លាំងស៊ុហ្វមិនសូវគ្រប់គ្រាន់ផងនោះ សង្ឃឹមឈ្នះសារ៉ាក់ តិចបំផុតសម្រាប់ជំនួបសងសឹកនេះ។
សារ៉ាក់ ប្រកួតចុងក្រោយនេះ វាយឈ្នះ ជុន សាវុធ នេះឯង។ ឯការប្រកួតចុងក្រោយរបស់សាវុធ គឺវាយចាញ់ សារ៉ាក់ ក្នុងទឹកទី១នោះ។ តាមពិត ជុន សាវុធ គេមានផ្លែល្អដែរ ប៉ុន្តែគឺអន់កម្លាំងស៊ុហ្វតែមួយមុខគត់។ ចាំមើល ជុន សាវុធ អាចសងសឹក ឯម សារ៉ាក់ បានសម្រេច ឬអត់?
ឡៅ ផានាថ អ្នកប្រដាល់ក្លិបរស្មីកុមារកំព្រា នឹងត្រូវជួបប្រកួតសាកកណ្ដាប់ដៃជាមួយ ផង់ សុភ័ស្ស អ្នកប្រដាល់ក្លិបតាឡីដំរីមានរិទ្ធ។ ពីរនាក់នេះ ប្រកួតគ្នាក្នុងប្រភេទទម្ងន់៦៣,៥០០គីឡូក្រាម។
ផានាថ គេទើបតែប្រកួតចាញ់ នូវ ស៊ីថា ក្លិបតាឡីដំរីមានរិទ្ធដោយពិន្ទុ កាលពីថ្ងៃទី០៥ ខែកក្កដាកន្លងមកនេះ ដែល ស៊ីថា ក៏ជាសិស្សរួមគ្រូជាមួយ ផង់ សុភ័ស្ស ដែរ។ តែសម្រាប់ការជួបជាមួយ សុភ័ស្ស លើកនេះ ផានាថ មិនប្រាកដថាចាញ់នោះទេ ព្រោះ សុភ័ស្ស មិនជាខ្លាំងដូច ស៊ីថានោះឡើយ។
ផង់ សុភ័ស្ស បានកម្លាំងកាយសម្បទា ប៉ុន្តែក្បាច់ប្រដាល់ និងល្បិចកលប្រកួត មិនដល់នូវ ស៊ីថាទេ។ ដូច្នេះការជួបប្រកួតជាមួយ ឡៅ ផានាថ ក៏ពិបាកសន្និដ្ឋានថានឹងអាចឈ្នះ ឡៅ ផានាថនោះដែរ។ ចាំមើល ការជួបគ្នាលើកដំបូងនេះ តើ ឡៅ ផានាថ ឈ្នះ ឬក៏ ផង់ សុភ័ស្សជាអ្នកឈ្នះ?
អ្នកប្រដាល់ជើងថ្មី ម៉ុន ស៊ីម៉ាក់ ក្លិបអមតៈគុនខ្មែរខេត្តសៀមរាប ត្រូវគេផ្គូផ្គងឲ្យជួបប្រកួតជាមួយអ្នកប្រដាល់ជើងថ្មីដូចគ្នា គឺចាន់ សាន់ ក្លិបនិរោធមានជ័យ។ ពីរនាក់នេះ ប្រកួតគ្នាក្នុងទម្ងន់៥១គីឡូក្រាម៕
សំរេច ធ្លាប់ជួប ឯម លីថូ ម្ដងហើយ កាលពីថ្ងៃទី៣០ ខែមករា ឆ្នាំ២០១៥កន្លងមកនោះ ប៉ុន្តែគេត្រូវបរាជ័យ ដោយវាយចាញ់ លីថូ ដោយពិន្ទុ។ ទោះជាវាយចាញ់ក៏ដោយ ក៏ ឪម សំរេច បានធ្វើឲ្យ លីថូ ឈឺសាច់ និងវេទនាខ្លួនគួរសមដែរ។ សំរេច ប្រកួតជាមួយ លីថូ កន្លងមកនោះ គេវាយបានល្អ និងខ្លាំង គ្រាន់តែការវាយចេញរបស់គេភាគច្រើនមិនចំគោលដៅល្អប៉ុណ្ណោះ ដែលធ្វើឲ្យចាញ់ពិន្ទុលីថូ នោះ ដោយក្នុងចំណោមចៅក្រម៥នាក់ មាន៣នាក់ឲ្យ លីថូ ឈ្នះ ហើយ២នាក់ឲ្យ សំរេច ឈ្នះ ។
សំរេច ប្រកួតល្អ និងខ្លាំង ឃើញបានពីរ ឬបីទឹកដំបូងប៉ុណ្ណោះ តែចាប់ពីចុងទឹកទី៣ ទៅដល់នោះទឹកទី៥ គឺការប្រកួតរបស់គេចាប់ផ្ដើមថមថយ និងធ្លាក់ចុះហើយ។ ម្ល៉ោះហើយ ទើបចាញ់ លីថូ ។ យ៉ាងណា ឪម សំរេច ឡើងសងសឹកលើកនេះ ក៏មិនប្រាកដថាអាចឈ្នះ លីថូ ដែរ ព្រោះ សំរេចមួយរយះចុងក្រោយនេះ គេវាយធ្លាក់មែនទែន ពោលគឺ១០ប្រកួតចុងក្រោយនេះ គេចាញ់រហូតមិនដែលអ្នកណាឡើយ។
ឯម លីថូ ជាអ្នកប្រដាល់ជើងចាស់ តែមិនជាខ្លាំងលើស ឪម សំរេច ប៉ុន្មានទេ ដោយសារបច្ចុប្បន្ននេះគេថមថយកម្លាំង មិនខ្លាំងដូចពីមុន តែចិត្តប្រដាល់របស់គេនៅតែធំ ព្រមទាំងអំណត់ខ្ពស់ និងមានកលល្បិចក្នុងការប្រកួតខ្ពស់ជាង សំរេច ប៉ុណ្ណោះ។ ចាំមើល លើកនេះ តើ ឯម លីថូអាចយកឈ្នះ ឪម សំរេច បានទៀត ឬអត់?
ជុន សាវុធ អ្នកប្រដាល់ក្លិបពោធិជ័យកីឡា ក៏នឹងឡើងប្រកួតសងសឹកជាមួយ ឯម សារ៉ាក់ អ្នកប្រដាល់ក្លិបឫទី្ធពោធិសែនជ័យដែរ។ ពីរនាក់នេះ ធ្លាប់ជួបគ្នាចំនួន៤លើកហើយ ដែលជួបលើកទី១ លើកទី២ សារ៉ាក់ វាយចាញ់ សាវុធ និងលើកទី៣ ទី៤ ទើប សារ៉ាក់ បានឈ្នះ សាវុធ ដោយពិន្ទុវិញនោះ។
ឯម សារ៉ាក់ ជាអ្នកប្រដាល់ដែលមានផ្លែល្អ ទាំងកណ្ដាប់ដៃ ទាំងទាត់ និងជង្គង់ កែង ម្ល៉ោះហើយ ជុន សាវុធ ដែលមានមាឌស្ដើង និងកម្លាំងស៊ុហ្វមិនសូវគ្រប់គ្រាន់ផងនោះ សង្ឃឹមឈ្នះសារ៉ាក់ តិចបំផុតសម្រាប់ជំនួបសងសឹកនេះ។
សារ៉ាក់ ប្រកួតចុងក្រោយនេះ វាយឈ្នះ ជុន សាវុធ នេះឯង។ ឯការប្រកួតចុងក្រោយរបស់សាវុធ គឺវាយចាញ់ សារ៉ាក់ ក្នុងទឹកទី១នោះ។ តាមពិត ជុន សាវុធ គេមានផ្លែល្អដែរ ប៉ុន្តែគឺអន់កម្លាំងស៊ុហ្វតែមួយមុខគត់។ ចាំមើល ជុន សាវុធ អាចសងសឹក ឯម សារ៉ាក់ បានសម្រេច ឬអត់?
ឡៅ ផានាថ អ្នកប្រដាល់ក្លិបរស្មីកុមារកំព្រា នឹងត្រូវជួបប្រកួតសាកកណ្ដាប់ដៃជាមួយ ផង់ សុភ័ស្ស អ្នកប្រដាល់ក្លិបតាឡីដំរីមានរិទ្ធ។ ពីរនាក់នេះ ប្រកួតគ្នាក្នុងប្រភេទទម្ងន់៦៣,៥០០គីឡូក្រាម។
ផានាថ គេទើបតែប្រកួតចាញ់ នូវ ស៊ីថា ក្លិបតាឡីដំរីមានរិទ្ធដោយពិន្ទុ កាលពីថ្ងៃទី០៥ ខែកក្កដាកន្លងមកនេះ ដែល ស៊ីថា ក៏ជាសិស្សរួមគ្រូជាមួយ ផង់ សុភ័ស្ស ដែរ។ តែសម្រាប់ការជួបជាមួយ សុភ័ស្ស លើកនេះ ផានាថ មិនប្រាកដថាចាញ់នោះទេ ព្រោះ សុភ័ស្ស មិនជាខ្លាំងដូច ស៊ីថានោះឡើយ។
ផង់ សុភ័ស្ស បានកម្លាំងកាយសម្បទា ប៉ុន្តែក្បាច់ប្រដាល់ និងល្បិចកលប្រកួត មិនដល់នូវ ស៊ីថាទេ។ ដូច្នេះការជួបប្រកួតជាមួយ ឡៅ ផានាថ ក៏ពិបាកសន្និដ្ឋានថានឹងអាចឈ្នះ ឡៅ ផានាថនោះដែរ។ ចាំមើល ការជួបគ្នាលើកដំបូងនេះ តើ ឡៅ ផានាថ ឈ្នះ ឬក៏ ផង់ សុភ័ស្សជាអ្នកឈ្នះ?
អ្នកប្រដាល់ជើងថ្មី ម៉ុន ស៊ីម៉ាក់ ក្លិបអមតៈគុនខ្មែរខេត្តសៀមរាប ត្រូវគេផ្គូផ្គងឲ្យជួបប្រកួតជាមួយអ្នកប្រដាល់ជើងថ្មីដូចគ្នា គឺចាន់ សាន់ ក្លិបនិរោធមានជ័យ។ ពីរនាក់នេះ ប្រកួតគ្នាក្នុងទម្ងន់៥១គីឡូក្រាម៕
Post a Comment