វ៉ាន់ ចាន់វ៉េត អ្នកប្រដាល់ក្លិបគីសែមានរិទ្ធ បានសុំជួបប្រកួតជម្រះបញ្ជីជាមួយ រឿម វណ្ណៈ អ្នកប្រដាល់សមាគមកីឡាក្រសួងការពារជាតិនៅលើសង្វៀនSEA-TV នាល្ងាចថ្ងៃសៅរ៍ ទី២៧ ខែមិថុនា ឆ្នាំ២០១៥នេះ។
ពួកគេទាំងពីរនេះ ធ្លាប់ជួបគ្នា៥លើកហើយកន្លងមក ដែលក្នុងការជួបគ្នា៥លើកនោះ វ៉ាន់ ចាន់វ៉េត វាយឈ្នះ រឿម វណ្ណះ ដោយពិន្ទុពីរលើក និងចាញ់ វណ្ណះ ដោយពិន្ទុបីលើក។ អ្នកទាំង២ជាអ្នកប្រដាល់ដែលវាយខ្លាំងដូចគ្នា។ តែ វ៉ាន់ ចាន់វ៉េត គេចាស់វស្សាជាង រឿម វណ្ណៈ។ ទាំង វ៉ាន់ ចាន់វ៉េត ទាំង រឿង វណ្ណះ មានផ្លែល្អប្រហាក់ប្រហែលគ្នា ប៉ុន្តែបើនិយាយពីទម្ងន់ដៃ និងទម្ងន់ជើង គឺ វណ្ណះ ធ្ងន់ជាង។
វ៉ាន់ ចាន់វ៉េត បើតាមអ្នកវិភាគកីឡាប្រដាល់ក្នុងស្រុកអះអាងថា ពិបាកសង្ឃឹមរឿងឈ្នះណាស់ ព្រោះ ចាន់ វ៉េត ត្បិតតែមានស្នៀតប្រដាល់ល្អ ប៉ុន្តែគេមានចិត្តប្រដាល់តូច និងវាយយឺតណាស់។
ប៉ុន្តែយ៉ាងណា មួយរយះចុងក្រោយនេះ ចាន់វ៉េត គេប្ដូរឥរិយាបថប្រកួត គឺវាយរាងលឿនជាងមុនហើយ។ ការប្រកួតចុងក្រោយរបស់ វ៉ាន់ ចាន់វ៉េត គឺវាយស្មើជាមួយ ឈិន ក្វាន់ង៉ុយ ដែលជាជើងខ្លាំង នៃក្លិបម្កុដរាជសីហ៍។
រឿម វណ្ណៈ ជាអ្នកប្រដាល់ជាយដែន ដែលមានបទពិសោធន៍ និងតិចនិកក្នុងការប្រកួតច្រើន។ មួយរយៈពេលចុងក្រោយនេះ វណ្ណៈ រាងមានការរីកចម្រើនជាងមុន ពោលគឺហ្វឹកហាត់ជាប់លាប់ ធ្វើឲ្យកម្លាំងស៊ុហ្វរបស់គេកើនឡើងវិញ។ ប៉ុន្តែអ្នកប្រដាល់រូបនេះ ច្រើនតែមានអំនួតមុនការប្រកួត។
ចាំមើល ការប្រកួតលើកនេះ រឿម វណ្ណះ គេអាចយកឈ្នះ វ៉ាន់ ចាន់វ៉េត បានទៀតឬអត់?
ពេជ្រ ម្ទេសខ្មាំង អ្នកប្រដាល់ក្លិបអារុណរះកីឡា នឹងឡើងសងសឹក អាំង សំអាត អ្នកប្រដាល់ក្លិបតាព្រហ្មមានជ័យ។ ពីរនាក់នេះ ធ្លាប់ប៉ះគ្នា១ដងតែប៉ុណ្ណោះ កាលពីថ្ងៃទី១៣ ខែធ្នូ ឆ្នាំ២០១៤ ហើយ សំអាត ឈ្នះម្ទេសខ្មាំងដោយពិន្ទុ។
អាំង សំអាត គេចាស់វស្សាជាងម្ទេសខ្មាំង។ សំអាតនេះ មានចិត្តប្រដាល់ធំណាស់ ស្នៀតប្រដាល់មិនជាប៉ុន្មានទេ។ គេប្រកួតចុងក្រោយ វាយឈ្នះ សេង កំសត់ អ្នកប្រដាល់ក្លិបគីសែមានរិទ្ធដោយពិន្ទុនៅSEA-TVនេះ។ ចំណែកការប្រកួតចុងក្រោយរបស់ ពេជ្រ ម្ទេសខ្មាំង គឺវាយឈ្នះអ្នកប្រដាល់ថៃPhai Mai Khit ក្នុងទឹកទី១។
សម្រាប់ការជួបសងសឹកនេះ ពេជ្រ ម្ទេសខ្មាំងមិនដឹងថាអាចធ្វើបានសម្រេចឬអត់នោះឡើយ ។ ម្ទេសខ្មាំងនេះ ឡើងប្រកួតជិត១០ប្រកួតចុងក្រោយនេះ វាយមិនដែលចាញ់ម្ដងនៅឡើយទេ។ អ្នកប្រដាល់វ័យក្មេងរូបនេះ ក៏មានចិត្តប្រដាល់ធំណាស់ដែរ។
ទោះជាយ៉ាងណា សម្រាប់ការជួបជាមួយ អាំង សំអាតនេះ ពេជ្រ ម្ទេសខ្មាំង មិនអាចធ្វេសប្រហែសបានឡើយ។ បើមិនដូច្នេះទេ គ្មានសំណាងក្នុងការយកឈ្នះលើ សំអាត បាននោះទេ។
គឹម វាសនា អ្នកប្រដាល់ក្លិបកងពលតូចទ័ពឆ័ត្រយោង៩១១ នឹងឡើងសងសឹក អ៊ុំ កំសត់ អ្នកប្រដាល់ក្លិបព្រៃទទឹងខេត្តបាត់ដំបង។ អ្នកប្រដាល់ជើងថ្មី គឹម វាសនានេះ មានស្នៀតប្រដាល់ល្អ ប៉ុន្តែមកពីគេវាយមើលស្រាលគូប្រកួតខ្លាំងពេក ទើបបរាជ័យក្រោមកណ្ដាប់ដៃរបស់ អ៊ុំ កំសត់នោះ ។ ចាំមើល វាសនា អាចសងសឹក កំសត់ បានសម្រេចឬអត់?
អ៊ុំ កំសត់ ប្រកួតលើកចុងក្រោយនេះ វាយចាញ់ សេក គឹមភាព អ្នកប្រដាល់ក្លិបអង្គរមានជ័យខេត្តសៀមរាប ក្នុងទឹកទី៤។
អ៊ី វ៉ាន់ស័ក្ត អ្នកប្រដាល់ក្លិបរស្មីភូមិគាបខេត្តបន្ទាយមានជ័យ នឹងត្រូវជួបប្រកួតជាមួយលី តឿន អ្នកប្រដាល់ក្លិបមិត្តប៉ូលិស។ ពីរនាក់នេះជួបគ្នាក្នុងទម្ងន់៥៧គីឡូក្រាម។ ពួកគេពុំដែលជួបគ្នាទេកន្លងមក។ ចំពោះអ្នកណាឈ្នះ អ្នកណាចាញ់នោះ មិនអាចទាយមុនបានឡើយ៕
ពួកគេទាំងពីរនេះ ធ្លាប់ជួបគ្នា៥លើកហើយកន្លងមក ដែលក្នុងការជួបគ្នា៥លើកនោះ វ៉ាន់ ចាន់វ៉េត វាយឈ្នះ រឿម វណ្ណះ ដោយពិន្ទុពីរលើក និងចាញ់ វណ្ណះ ដោយពិន្ទុបីលើក។ អ្នកទាំង២ជាអ្នកប្រដាល់ដែលវាយខ្លាំងដូចគ្នា។ តែ វ៉ាន់ ចាន់វ៉េត គេចាស់វស្សាជាង រឿម វណ្ណៈ។ ទាំង វ៉ាន់ ចាន់វ៉េត ទាំង រឿង វណ្ណះ មានផ្លែល្អប្រហាក់ប្រហែលគ្នា ប៉ុន្តែបើនិយាយពីទម្ងន់ដៃ និងទម្ងន់ជើង គឺ វណ្ណះ ធ្ងន់ជាង។
វ៉ាន់ ចាន់វ៉េត បើតាមអ្នកវិភាគកីឡាប្រដាល់ក្នុងស្រុកអះអាងថា ពិបាកសង្ឃឹមរឿងឈ្នះណាស់ ព្រោះ ចាន់ វ៉េត ត្បិតតែមានស្នៀតប្រដាល់ល្អ ប៉ុន្តែគេមានចិត្តប្រដាល់តូច និងវាយយឺតណាស់។
ប៉ុន្តែយ៉ាងណា មួយរយះចុងក្រោយនេះ ចាន់វ៉េត គេប្ដូរឥរិយាបថប្រកួត គឺវាយរាងលឿនជាងមុនហើយ។ ការប្រកួតចុងក្រោយរបស់ វ៉ាន់ ចាន់វ៉េត គឺវាយស្មើជាមួយ ឈិន ក្វាន់ង៉ុយ ដែលជាជើងខ្លាំង នៃក្លិបម្កុដរាជសីហ៍។
រឿម វណ្ណៈ ជាអ្នកប្រដាល់ជាយដែន ដែលមានបទពិសោធន៍ និងតិចនិកក្នុងការប្រកួតច្រើន។ មួយរយៈពេលចុងក្រោយនេះ វណ្ណៈ រាងមានការរីកចម្រើនជាងមុន ពោលគឺហ្វឹកហាត់ជាប់លាប់ ធ្វើឲ្យកម្លាំងស៊ុហ្វរបស់គេកើនឡើងវិញ។ ប៉ុន្តែអ្នកប្រដាល់រូបនេះ ច្រើនតែមានអំនួតមុនការប្រកួត។
ចាំមើល ការប្រកួតលើកនេះ រឿម វណ្ណះ គេអាចយកឈ្នះ វ៉ាន់ ចាន់វ៉េត បានទៀតឬអត់?
ពេជ្រ ម្ទេសខ្មាំង អ្នកប្រដាល់ក្លិបអារុណរះកីឡា នឹងឡើងសងសឹក អាំង សំអាត អ្នកប្រដាល់ក្លិបតាព្រហ្មមានជ័យ។ ពីរនាក់នេះ ធ្លាប់ប៉ះគ្នា១ដងតែប៉ុណ្ណោះ កាលពីថ្ងៃទី១៣ ខែធ្នូ ឆ្នាំ២០១៤ ហើយ សំអាត ឈ្នះម្ទេសខ្មាំងដោយពិន្ទុ។
អាំង សំអាត គេចាស់វស្សាជាងម្ទេសខ្មាំង។ សំអាតនេះ មានចិត្តប្រដាល់ធំណាស់ ស្នៀតប្រដាល់មិនជាប៉ុន្មានទេ។ គេប្រកួតចុងក្រោយ វាយឈ្នះ សេង កំសត់ អ្នកប្រដាល់ក្លិបគីសែមានរិទ្ធដោយពិន្ទុនៅSEA-TVនេះ។ ចំណែកការប្រកួតចុងក្រោយរបស់ ពេជ្រ ម្ទេសខ្មាំង គឺវាយឈ្នះអ្នកប្រដាល់ថៃPhai Mai Khit ក្នុងទឹកទី១។
សម្រាប់ការជួបសងសឹកនេះ ពេជ្រ ម្ទេសខ្មាំងមិនដឹងថាអាចធ្វើបានសម្រេចឬអត់នោះឡើយ ។ ម្ទេសខ្មាំងនេះ ឡើងប្រកួតជិត១០ប្រកួតចុងក្រោយនេះ វាយមិនដែលចាញ់ម្ដងនៅឡើយទេ។ អ្នកប្រដាល់វ័យក្មេងរូបនេះ ក៏មានចិត្តប្រដាល់ធំណាស់ដែរ។
ទោះជាយ៉ាងណា សម្រាប់ការជួបជាមួយ អាំង សំអាតនេះ ពេជ្រ ម្ទេសខ្មាំង មិនអាចធ្វេសប្រហែសបានឡើយ។ បើមិនដូច្នេះទេ គ្មានសំណាងក្នុងការយកឈ្នះលើ សំអាត បាននោះទេ។
គឹម វាសនា អ្នកប្រដាល់ក្លិបកងពលតូចទ័ពឆ័ត្រយោង៩១១ នឹងឡើងសងសឹក អ៊ុំ កំសត់ អ្នកប្រដាល់ក្លិបព្រៃទទឹងខេត្តបាត់ដំបង។ អ្នកប្រដាល់ជើងថ្មី គឹម វាសនានេះ មានស្នៀតប្រដាល់ល្អ ប៉ុន្តែមកពីគេវាយមើលស្រាលគូប្រកួតខ្លាំងពេក ទើបបរាជ័យក្រោមកណ្ដាប់ដៃរបស់ អ៊ុំ កំសត់នោះ ។ ចាំមើល វាសនា អាចសងសឹក កំសត់ បានសម្រេចឬអត់?
អ៊ុំ កំសត់ ប្រកួតលើកចុងក្រោយនេះ វាយចាញ់ សេក គឹមភាព អ្នកប្រដាល់ក្លិបអង្គរមានជ័យខេត្តសៀមរាប ក្នុងទឹកទី៤។
អ៊ី វ៉ាន់ស័ក្ត អ្នកប្រដាល់ក្លិបរស្មីភូមិគាបខេត្តបន្ទាយមានជ័យ នឹងត្រូវជួបប្រកួតជាមួយលី តឿន អ្នកប្រដាល់ក្លិបមិត្តប៉ូលិស។ ពីរនាក់នេះជួបគ្នាក្នុងទម្ងន់៥៧គីឡូក្រាម។ ពួកគេពុំដែលជួបគ្នាទេកន្លងមក។ ចំពោះអ្នកណាឈ្នះ អ្នកណាចាញ់នោះ មិនអាចទាយមុនបានឡើយ៕
Post a Comment