លោកគ្រូបង្វឹក Massimiliano Allegri បញ្ជាក់ថា Juventus នឹងត្រៀមខ្លួនរួចរល់ក្នុងការទប់ទល់នឹង «ខ្សែប្រយុទ្ធទាំងបីដ៏មុតស្រួច» ដែលរួមមាន Luis Suarez, Neymar និង Lionel Messi នៅពេលដែលក្រុមយក្សក្នុងទីក្រុង Turin មួយនេះ ត្រូវជួប Barcelona ក្នុងការប្រកួត Champions League វគ្គផ្តាច់ព្រ័ត្រថ្ងៃសៅរ៍នេះ។
រដូវកាលរបស់ក្រុម Juventus បានស្ថិតក្នុងកម្រិតដ៏ល្អឥតខ្ចោះក្រោមការដឹកនាំរបស់លោក Allegri បានឈ្នះជួយឲ្យក្រុមសេះបង្កង់មួយនេះឈ្នះពានរង្វាន់ Serie A ជាលើកទី ៤ ជាប់ៗគ្នារបស់ពួកគេ និងពាន League Cup ក្នុងរដូវកាលតែមួយជាលើកដំបូងក្នុងរយៈពេល ២០ ឆ្នាំក្នុងការកាន់តំណែងក្នុងរដូវកាលទី ១ របស់លោក។
ប៉ុន្តែ ក្តីសង្ឃឹមរបស់ក្រុម Juventus ក្នុងការឈ្នះឲ្យបានពានបីក្នុងរដូវកាលតែមួយដូចអ្វីដែលក្រុម Inter Milan ធ្វើបានកាលពីឆ្នាំ ២០១០ ហាក់ស្ថិតក្នុងភាពស្តួចស្តើងដោយសារតែពួកគេត្រូវធ្វើដំណើរទៅកាន់ទីក្រុងប៊ែរឡាំងសម្រាប់ការប្រកួតវគ្គផ្តាច់ព្រ័ត្រនៅថ្ងៃសៅរ៍នេះក្នុងនាមជាក្រុមដែលមានក្តីសង្ឃឹមតិចក្នុងការឈ្នះ។
ក្នុងចំណោមខ្សែប្រយុទ្ធដ៏ឆ្នើមទាំងបីដែលរួមមានខ្សែប្រយុទ្ធអន្តរជាតិអ៊ុយរូហ្គាយ Suarez (រកបាន ២៤ គ្រាប់) ខ្សែប្រយុទ្ធអន្តរជាតិប្រេស៊ីល Neymar ( ៣៨ គ្រាប់) និងខ្សែប្រយុទ្ធអន្តរជាតិអាហ្សង់ទីន Messi ( ៥៨ គ្រាប់) សុទ្ធសឹងបានស៊ុតបាល់បញ្ចូលទីសរុប ១២០ គ្រាប់នៅរដូវកាលនេះដើម្បីជួយឲ្យក្រុម Barcelona ឈ្នះពានរង្វាន់លីក និង King's Cup ក្នុងរដូវកាលតែមួយ។
អ្វីដែលគួរឲ្យចាប់អារម្មណ៍នោះ Messi កំពុងតែស្ថិតក្នុងទម្រង់លេងយ៉ាងល្អ ក្រោយពីបានរកគ្រាប់បាល់ទី ៤០០ របស់គេសម្រាប់ក្លិបមានមូលដ្ឋាននៅ Catalonia មួយនេះកាលពីខែមុន រកគ្រាប់បាល់ឈ្នះនៅពេលប្រកួតជាមួយនឹងក្រុម Atletico Madrid ដើម្បីលើកពានលីក និងបានរកគ្រាប់បាល់បញ្ចូលទីយ៉ាងល្អក្នុងពេលក្រុមរបស់ខ្លួនទទួលជ័យជម្នះ ៣-១ លើក្រុម Athletic Bilbao ដើម្បីលើកពាន King's Cup កាលពីថ្ងៃសៅរ៍។
ភាពមុតស្រួចកាលពីពេលថ្មីៗនេះរបស់ Messi មិនអាចធ្វើឲ្យកីឡាកររបស់ក្រុម Juventus ប្រកែងបានឡើយ ហើយលោក Allegri បានទទួលស្គាល់ថា៖ «ខ្ញុំគិតថា អ្វីដែលរូបគេបានធ្វើកាលពីថ្ងៃសៅរ៍មុន ពិតជារឿងដ៏ល្អ ប៉ុន្តែ រូបគេក៏បានស៊ុតបាល់បញ្ចូលទីល្អជាងជាច្រើនផងដែរ»។ ខ្សែការពារ Leonardo Bonucci របស់ក្រុម Juventus បាននិយាយថា៖ «រូបគេជាមនុស្សពិភពផ្សេងម្នាក់»។
នៅពេលដែលកីឡាកររូបនេះមើលឃើញកីឡាករទាំងបីលេងជាមួយគ្នានេះ Bonucci បានទទួលស្គាល់ថា៖ «អ្វីដែលអ្នកអាចធ្វើបានគឺការទះដៃកោតសរសើរ»។ ការប្រកួតនៅថ្ងៃសៅរ៍នេះនឹងចាប់ផ្តើមនៅម៉ោង ១:៤៥ ទៀបភ្លឺ (ម៉ោងនៅកម្ពុជា)៕
រដូវកាលរបស់ក្រុម Juventus បានស្ថិតក្នុងកម្រិតដ៏ល្អឥតខ្ចោះក្រោមការដឹកនាំរបស់លោក Allegri បានឈ្នះជួយឲ្យក្រុមសេះបង្កង់មួយនេះឈ្នះពានរង្វាន់ Serie A ជាលើកទី ៤ ជាប់ៗគ្នារបស់ពួកគេ និងពាន League Cup ក្នុងរដូវកាលតែមួយជាលើកដំបូងក្នុងរយៈពេល ២០ ឆ្នាំក្នុងការកាន់តំណែងក្នុងរដូវកាលទី ១ របស់លោក។
ប៉ុន្តែ ក្តីសង្ឃឹមរបស់ក្រុម Juventus ក្នុងការឈ្នះឲ្យបានពានបីក្នុងរដូវកាលតែមួយដូចអ្វីដែលក្រុម Inter Milan ធ្វើបានកាលពីឆ្នាំ ២០១០ ហាក់ស្ថិតក្នុងភាពស្តួចស្តើងដោយសារតែពួកគេត្រូវធ្វើដំណើរទៅកាន់ទីក្រុងប៊ែរឡាំងសម្រាប់ការប្រកួតវគ្គផ្តាច់ព្រ័ត្រនៅថ្ងៃសៅរ៍នេះក្នុងនាមជាក្រុមដែលមានក្តីសង្ឃឹមតិចក្នុងការឈ្នះ។
ក្នុងចំណោមខ្សែប្រយុទ្ធដ៏ឆ្នើមទាំងបីដែលរួមមានខ្សែប្រយុទ្ធអន្តរជាតិអ៊ុយរូហ្គាយ Suarez (រកបាន ២៤ គ្រាប់) ខ្សែប្រយុទ្ធអន្តរជាតិប្រេស៊ីល Neymar ( ៣៨ គ្រាប់) និងខ្សែប្រយុទ្ធអន្តរជាតិអាហ្សង់ទីន Messi ( ៥៨ គ្រាប់) សុទ្ធសឹងបានស៊ុតបាល់បញ្ចូលទីសរុប ១២០ គ្រាប់នៅរដូវកាលនេះដើម្បីជួយឲ្យក្រុម Barcelona ឈ្នះពានរង្វាន់លីក និង King's Cup ក្នុងរដូវកាលតែមួយ។
អ្វីដែលគួរឲ្យចាប់អារម្មណ៍នោះ Messi កំពុងតែស្ថិតក្នុងទម្រង់លេងយ៉ាងល្អ ក្រោយពីបានរកគ្រាប់បាល់ទី ៤០០ របស់គេសម្រាប់ក្លិបមានមូលដ្ឋាននៅ Catalonia មួយនេះកាលពីខែមុន រកគ្រាប់បាល់ឈ្នះនៅពេលប្រកួតជាមួយនឹងក្រុម Atletico Madrid ដើម្បីលើកពានលីក និងបានរកគ្រាប់បាល់បញ្ចូលទីយ៉ាងល្អក្នុងពេលក្រុមរបស់ខ្លួនទទួលជ័យជម្នះ ៣-១ លើក្រុម Athletic Bilbao ដើម្បីលើកពាន King's Cup កាលពីថ្ងៃសៅរ៍។
ភាពមុតស្រួចកាលពីពេលថ្មីៗនេះរបស់ Messi មិនអាចធ្វើឲ្យកីឡាកររបស់ក្រុម Juventus ប្រកែងបានឡើយ ហើយលោក Allegri បានទទួលស្គាល់ថា៖ «ខ្ញុំគិតថា អ្វីដែលរូបគេបានធ្វើកាលពីថ្ងៃសៅរ៍មុន ពិតជារឿងដ៏ល្អ ប៉ុន្តែ រូបគេក៏បានស៊ុតបាល់បញ្ចូលទីល្អជាងជាច្រើនផងដែរ»។ ខ្សែការពារ Leonardo Bonucci របស់ក្រុម Juventus បាននិយាយថា៖ «រូបគេជាមនុស្សពិភពផ្សេងម្នាក់»។
នៅពេលដែលកីឡាកររូបនេះមើលឃើញកីឡាករទាំងបីលេងជាមួយគ្នានេះ Bonucci បានទទួលស្គាល់ថា៖ «អ្វីដែលអ្នកអាចធ្វើបានគឺការទះដៃកោតសរសើរ»។ ការប្រកួតនៅថ្ងៃសៅរ៍នេះនឹងចាប់ផ្តើមនៅម៉ោង ១:៤៥ ទៀបភ្លឺ (ម៉ោងនៅកម្ពុជា)៕
Post a Comment