ជាការពិតណាស់ថា កីឡាករ Lionel Messi នឹងស្ថិតនៅក្នុងចំណោមតារាបាល់ទាត់ដ៏គួរឲ្យចាប់អារម្មណ៍ជាងគេ សម្រាប់ប្រកួតវគ្គផ្តាច់ព្រ័ត្រ UEFA Champions Leagueរវាងក្រុម Barcelonaនិងក្រុម Juventusនៅរាត្រីថ្ងៃសៅរ៍ នាទីក្រុងប៊ែកឡាំង របស់ប្រទេសអាល្លឺម៉ង់។
កីឡាករអាហ្សង់ទីនម្នាក់នេះ នឹងបង្ហាញវត្តមានរួមគ្នាជាមួយកីឡាករអ៊ុយរូហ្គាយ Luis Suarez និងខ្សែប្រយុទ្ធសញ្ជាតិប្រេស៊ីល Neymar នៅខ្សែប្រយុទ្ធរបស់ក្រុម Barcelona និងជាខ្សែប្រយុទ្ធដ៏មុតស្រួចបំផុតនៅលើពិភពលោក ប៉ុន្តែគេក៏មិនទាន់ភ្លេចដែរថា ក្រុម Juventus មុននឹងឡើងមកដំណាក់កាលនេះ គឺពួកគេបានលុតក្រុមអធិរាជមិនឲ្យងើបមុខរួច ម្យ៉ាងក្រុមយក្សអ៊ីតាលីមួយនេះ ប្រមូលផ្តុំទៅដោយខ្សែប្រយុទ្ធឆ្នើមជាច្រើនដូចជាកីឡាករ Carlos Tevez, Paul Pogba និងកីឡាករ Andrea Pirlo ដែលសុទ្ធសឹងជាខ្លាកំណាចប្រចាំនៅក្របខណ្ឌបាល់ទាត់ Serie A។
ការប្រកួតដ៏អស្ចារ្យនេះដែរ នឹងក្លាយជាការប្រកួតផ្តាច់ព្រ័ត្ររបស់កីឡាករ Pirlo លេងឲ្យក្រុម Juventus ក៏ដូចជាដំណាច់យុគសម័យបាល់ទាត់ដ៏យូរលង់ របស់កីឡាករ Xaviផងដែរ សម្រាប់ក្រុម Barcelona ក្រោយពីគាត់បានប្រកាសដើរចេញពីក្លិបយក្សអេស្ប៉ាញមួយនេះ រួចមកនោះ។
ដោយឡែក បាល់ទាត់ដែលត្រូវប្រើប្រាស់សម្រាប់ការប្រកួតធំបំផុតនៅអឺរ៉ុប គឺជាផលិតផលរបស់ក្រុមហ៊ុន Adidas។
ខណៈនោះដែរ ពិធីបុណ្យប្រចាំឆ្នាំសម្រាប់ការប្រកួត UEFA Champions League ក៏បានចាប់ផ្តើមផងដែរ កាលពីថ្ងៃព្រហស្បតិ៍ នៅឯច្រកចូល Brandenburg Gate នាទីក្រុងប៊ែកឡាំង ហើយពិធីនេះ នឹងត្រូវអូសបន្លាយពេលរហូតដល់បញ្ចប់ការប្រកួតនេះ ដែលត្រូវនឹងថ្ងៃអាទិត្យ។
នៅក្នុងពិធីបុណ្យនេះដែរ មានការបង្ហាញពានរង្វាន់បាល់ទាត់ Champions League ក៏ដូចជាការថតរូបអនុស្សាវរីយ៍ពីសំណាក់ក្រុមអ្នកគាំទ្រផងដែរ៕
កីឡាករអាហ្សង់ទីនម្នាក់នេះ នឹងបង្ហាញវត្តមានរួមគ្នាជាមួយកីឡាករអ៊ុយរូហ្គាយ Luis Suarez និងខ្សែប្រយុទ្ធសញ្ជាតិប្រេស៊ីល Neymar នៅខ្សែប្រយុទ្ធរបស់ក្រុម Barcelona និងជាខ្សែប្រយុទ្ធដ៏មុតស្រួចបំផុតនៅលើពិភពលោក ប៉ុន្តែគេក៏មិនទាន់ភ្លេចដែរថា ក្រុម Juventus មុននឹងឡើងមកដំណាក់កាលនេះ គឺពួកគេបានលុតក្រុមអធិរាជមិនឲ្យងើបមុខរួច ម្យ៉ាងក្រុមយក្សអ៊ីតាលីមួយនេះ ប្រមូលផ្តុំទៅដោយខ្សែប្រយុទ្ធឆ្នើមជាច្រើនដូចជាកីឡាករ Carlos Tevez, Paul Pogba និងកីឡាករ Andrea Pirlo ដែលសុទ្ធសឹងជាខ្លាកំណាចប្រចាំនៅក្របខណ្ឌបាល់ទាត់ Serie A។
ការប្រកួតដ៏អស្ចារ្យនេះដែរ នឹងក្លាយជាការប្រកួតផ្តាច់ព្រ័ត្ររបស់កីឡាករ Pirlo លេងឲ្យក្រុម Juventus ក៏ដូចជាដំណាច់យុគសម័យបាល់ទាត់ដ៏យូរលង់ របស់កីឡាករ Xaviផងដែរ សម្រាប់ក្រុម Barcelona ក្រោយពីគាត់បានប្រកាសដើរចេញពីក្លិបយក្សអេស្ប៉ាញមួយនេះ រួចមកនោះ។
ដោយឡែក បាល់ទាត់ដែលត្រូវប្រើប្រាស់សម្រាប់ការប្រកួតធំបំផុតនៅអឺរ៉ុប គឺជាផលិតផលរបស់ក្រុមហ៊ុន Adidas។
ខណៈនោះដែរ ពិធីបុណ្យប្រចាំឆ្នាំសម្រាប់ការប្រកួត UEFA Champions League ក៏បានចាប់ផ្តើមផងដែរ កាលពីថ្ងៃព្រហស្បតិ៍ នៅឯច្រកចូល Brandenburg Gate នាទីក្រុងប៊ែកឡាំង ហើយពិធីនេះ នឹងត្រូវអូសបន្លាយពេលរហូតដល់បញ្ចប់ការប្រកួតនេះ ដែលត្រូវនឹងថ្ងៃអាទិត្យ។
នៅក្នុងពិធីបុណ្យនេះដែរ មានការបង្ហាញពានរង្វាន់បាល់ទាត់ Champions League ក៏ដូចជាការថតរូបអនុស្សាវរីយ៍ពីសំណាក់ក្រុមអ្នកគាំទ្រផងដែរ៕
Post a Comment