កីឡាករ Xabi Alonsoបានមើលឃើញការប្រកួតលើកទី១០០របស់គាត់នៅក្របខណ្ឌ Champions Leagueបញ្ចប់ទៅមុនកាលកំណត់ ថ្វីត្បិតកាតក្រហមរបស់គាត់មិនប៉ះពាល់ដល់ទម្រង់លេងរបស់ក្រុម Bayern Munichយ៉ាងណាក៏ដោយ អំឡុងការប្រកួតស្មើ០-០ជាមួយក្រុម Shakhtar Donetsk។
ការប្រកួតជើងទី១នៃវគ្គ១៦ក្រុមចុងក្រោយនៃការប្រកួតដណ្តើមជើងឯកបាល់ទាត់អឺរ៉ុបមួយនេះ ហាក់លេងដោយយុត្តិធម៌ត្រឹមត្រូវ ប៉ុន្តែក្រុមរបស់លោក Pep Guardiolaទំនងជាមិនបានលេងដល់កម្រិតដូចដែលពួកគេបានយកឈ្នះក្រុម Hamburg៨-០នៅការប្រកួត Bundesligaកាលពីចុងសប្តាហ៍កន្លងទៅនោះទេ។
ទោះបីជាយ៉ាងណាក៏ដោយ ក្រុម Shakhtar មិនបានក្តាប់យកឱកាសខ្លួនឯងនោះទេ ក្រោយពីមានកាតក្រហមរបស់កីឡាករ Alonsoនៅក្នុងតង់ទី២។
អតីតខ្សែបម្រើរបស់ក្លិបហង្សក្រហម Liverpoolនិងក្លិប Real Madridម្នាក់នេះ ត្រូវបានអាជ្ញាកណ្តាលបណ្តេញចេញពីការប្រកួតសម្រាប់ការព្រមានជាលើកទី២នៅ២៥នាទីចុងក្រោយ ប៉ុន្តែការបណ្តេញចេញពីការប្រកួតនេះ មិនបានប៉ះពាល់ដល់ទម្រង់លេងរបស់ក្រុម Bayern Munichនោះទេ ក្រោមអាកាសធាតុក្រោមសូន្យអង្សាសេនៅក្នុងទឹកដី Arena Lviv។
លោកទទួលបានកាតលឿងជាលើកទី២ សម្រាប់ការទាញកីឡាករ Alex Teixeira ធ្វើឲ្យក្រុម Bayern Munichនៅសល់គ្នាត្រឹម១០នាក់ប៉ុណ្ណោះ ប៉ុន្តែកីឡាកររបស់លោក Guardiolaមិនបានចុះញ៉មនោះឡើយ ហើយស៊ូដល់ទីបញ្ចប់បើទោះជាលេងក្នុងទឹកដីរបស់គេយ៉ាងណាក៏ដោយ៕
Post a Comment