អ្នកចាត់ការរបស់ក្លិបបិសាចក្រហម Man Utdលោក Louis van Gaal បានអះអាងថា លោកនឹងតវ៉ាប្រឆាំងនឹងការចោទប្រកាន់របស់សមាគមបាល់ទាត់ FA ប្រឆាំងគាត់ ដោយសារតែគាត់មិនបានធ្វើអ្វីខុសនោះទេ។
សូមបញ្ជាក់ថា FA បាននិយាយថា អនុសាសន៍របស់គាត់ បន្ទាប់ពីទាត់ស្មើ០-០ជាមួយក្រុម Cambridge United កាលពីខែមករា មកលើអាជ្ញាកណ្តាល គឺជារឿងមួយដែលមិនអាចអត់ឱនឲ្យបាន។គួរឲ្យដឹងថា គ្រូបង្វឹកសញ្ជាតិហុល្លង់ម្នាក់នេះ បានអះអាងថា រាល់ទស្សនីយភាពក្នុងការប្រកួតសុទ្ធតែបានប្រឆាំងនឹងរូបលោកទាំងទីលានទាត់បាល់អាជ្ញាកណ្តាល និងក្រុមអ្នកគាំទ្រ។ ប៉ុន្តែនៅពេលសួរថា តើគាត់នឹងតវ៉ានឹងការចោទប្រកាន់នេះឬ? លោក Van Gaal បានឆ្លើយតបដោយមិនស្ទាក់ស្ទើរថា ជាការពិតណាស់ ម្យ៉ាងដោយសារតែគាត់មិនបានធ្វើអ្វីខុសឆ្គងនោះទេ។ លោកមិនដែលនិយាយអ្វីខុសផង ហើយអ្នករាល់គ្នាអាចធ្វើជាសាក្សីបាន តាមរយៈសារព័ត៌មានថា គាត់មិនដែលនិយាយអាក្រក់ពីបុគ្គលណាម្នាក់នោះទេ។ លោកមិនខឹងទេ ហើយក៏មិនខកចិត្តនោះដែរ។លោកបានបន្តទៀតថា លោកធ្វើជាគ្រូបង្វឹកគេ និងជាអ្នកចាត់ការអស់រយៈពេលជាង៣០ឆ្នាំមកហើយ មិនដែលចេះនិយាយពីក្រោយខ្នងគេម្តងណាឡើយ ហើយចូលចិត្តតែនិយាយអ្វីដែលត្រឹមត្រូវ ប្រាសចាកពីការពិតតែប៉ុណ្ណោះ៕
Post a Comment