ក្រុមបាល់ទាត់ជម្រើសជាតិកម្ពុជាបានធ្លាក់ចំណាត់ថ្នាក់ FIFA World Ranking ដល់ទៅ៥លេខ នៅក្នុងកុម្ភៈនេះ ពោលគឺធ្លាក់ពីលេខ១៧៩កាលពីខែមុន មកដល់១៨៤។ នេះបើយោងតាមការឲ្យដឹងពីគេហទំព័រ FIFA ។
ចំណាត់ថ្នាក់ទី១៨៥នេះ មានន័យថាក្រុមជម្រើសជាតិកម្ពុជា ស្ថិតនៅក្នុងលំដាប់ទី៩ បើគិតក្នុងចំណោមប្រទេសទាំង១១ក្នុងតំបន់អាស៊ីអាគ្នេយ៍ (AFF) នៅពីលើទីម័រខាងកើត (១៨៧) និងប្រ៊ុយណេ (១៩៨) ប៉ុន្តែចាញ់ក្រុម៨ផ្សេងទៀត។ ក្នុងតំបន់នេះ វៀតណាម និងហ្វីលីពីន (លេខ១៣២ដូចគ្នា) នៅឈរលើគេ តាមពីក្រោយដោយមីយ៉ាន់ម៉ា (១៤១) និងថៃ (១៤៤)។ ក្រុមចំណាត់ថ្នាក់បន្ទាប់ទៀត រួមមាន ម៉ាឡេស៊ី (១៥៤), សិង្ហបុរី (១៥៦), ឥណ្ឌូណេស៊ី (១៥៨) និងឡាវ (១៦១)។
បើនិយាយពីចំណាត់ថ្នាក់ជារួមវិញ ក្រុមកំពូលទាំង១០ មានការប្រែប្រួលតិចណាស់ គឺ អាល្លឺម៉ង់នៅតែលេខ១ តាមពីក្រោយដោយអាហ្សង់ទីន កូឡុំប៊ី បែលហ្សិក ហុល្លង់ និងប្រេស៊ីលដូចខែមុនដែរ។ អ្វីដែលផ្លាស់ប្ដូរ គឺបារាំងបានធ្លាក់ចុះពីលេខ៧ ទៅលេខ៨ អ៊ុយរុយហ្គាយឡើងពីលេខ១០ មកលេខ៩ និងអេស្ប៉ាញធ្លាក់ពីលេខ៩ ទៅលេខ១០។
Post a Comment