អតីតប្រធានក្រុមជម្រើសជាតិអង់គ្លេសលោក David Beckham បានក្លាយជាតារាជើងចាស់មួយរូប នៅលើកម្រាលព្រំ នៅក្នុងកម្មវិធីប្រគល់រង្វាន់ British Film Academy Film Awards ដែលរៀបចំឡើងនៅ Covent Garden ទីក្រុងឡុងដ៍ កាលពីល្ងាចថ្ងៃអាទិត្យ ជាកន្លែងដែលគាត់ទទួលបានរង្វាន់កិត្តិយស The Royal Opera House។
អតីតខ្សែបម្រើរបស់ក្លិបបិសាចក្រហម Man Utd វ័យ៣៩ឆ្នាំម្នាក់នេះ ធ្លាប់ប្រឈមនឹងពេលវេលាដ៏តានតឹងបំផុតនៅក្នុងអាជីពបាល់ទាត់របស់លោកប៉ុន្តែពេលនេះ លោកបាននិយាយទទួលស្គាល់ថា ការបង្ហាញវត្តមាននៅលើវេទិកា គឺជារឿងអស្ចារ្យខ្លាំងណាស់ ជាកន្លែងដែលគាត់ទទួលរង្វាន់កិត្តិយស សម្រាប់ខ្សែភាពយន្តអង់គ្លេសឆ្នើមបំផុត។
លោក Beckham បាននិយាយថា លោកពិតជាមានមោទនភាពខ្លាំងណាស់ចំពោះវត្តមាននៅយប់នេះ។ វាហាក់ដូចជាភ័យបន្តិចមែន ប៉ុន្តែវាគួរឲ្យរំភើបចិត្តខ្លាំង ណាស់។
បច្ចុប្បន្នលោក Beckham រស់នៅទីក្រុងឡូសអែនជឺឡេស សហរដ្ឋអាមេរិក ប៉ុន្តែលោកតែងតែចេញចូលប្រទេសកំណើតរបស់លោកជាញឹកញាប់។ លោកធ្លាប់លេងបាន១១៥ប្រកួតឲ្យក្រុមជម្រើសជាតិអង់គ្លេស ក៏ដូចជាឈ្នះជើងឯកបាល់ទាត់ Premier League ៦លើក និងជើងឯក Champions League មួយលើកជាមួយក្រុម Man Utd។
លោកបានចាកចេញពីទឹកដី Old Traffordនៅក្នុងឆ្នាំ២០០៣ ដើម្បីផ្ទេរទៅលេងជាមួយក្លិប Real Madrid និងជាកន្លែងដែលលោកឈ្នះជើងឯក La Liga នៅក្នុងឆ្នាំ២០០៧ មុនពេលផ្ទេរទៅលេងជាមួយក្លិប Los Angeles Galaxyនៅឆ្នាំដដែលនោះ។
Beckham មាននូវការផ្ទេរជាកីឡាករខ្ចីជើង២លើកផងដែរ ជាមួយក្លិប AC Milan និងក្លិប Paris Saint-Germain៕
booking012452005
angkor-new-18-12-2014
stapana-01-07-2014
Post a Comment