ការប្រកួតជម្រុះវិលជុំ ដើម្បីឈានទៅដណ្តើមខ្សែក្រវាត់ជើងឯកLeoទម្ងន់ ៦៧ គីឡូក្រាម នៅថ្ងៃអាទិត្យទី១១ ខែតុលា ឆ្នាំ២០១៥ នៅលើសង្វៀនបាយ័នបឹងស្នោនោះ គឺជាការប្រកួតជុំទី៧ដែលជាជុំចុងក្រោយ របស់ធា នុរាជ អ្នកប្រដាល់ក្លិបពោធិជ័យកីឡាដែលត្រូវជួបប្រកួតជាមួយសល់ ប៊ុនហ៊ូវអ្នកប្រដាល់ក្លិបកុសលកីឡា។ ឯ វី សេរីចាន់ឌីន អ្នកប្រដាល់ក្លិបខ្លារខិនមានរិទ្ធ ត្រូវជួបពុទ្ធ ផនកុសល អ្នកប្រដាល់ក្លិបពុទ្ធសេរីវង្សកីឡា។
ការសន្សំពិន្ទុរបស់អ្នកប្រដាល់ទាំង៤នាក់ ក្នុង៦ប្រកួតកន្លងមកនេះ ធា នុរាជឈ្នះ២ ប្រកួត ចាញ់៤ប្រកួត បាន១០ពិន្ទុ ឯ សល់ ប៊ុនហ៊ូវ គេបាន៦ពិន្ទុប៉ុណ្ណោះ ដោយចាញ់ទាំង៦ ប្រកួត។ ចំពោះ វី សេរីចាន់ឌីន គេបាន១២ពិន្ទុ ដោយឈ្នះ៣ប្រកួត និងចាញ់៣ ប្រកួត ហើយពុទ្ធ ផនកុសល គេប្រកួតឈ្នះ៤ ប្រកួត ចាញ់២ប្រកួត មាន១៤ពិន្ទុ។
ដូច្នេះក្នុងការប្រកួតជុំទី៧ ដែលជាជុំចុងក្រោយនេះ ក្នុងចំណោម៤នាក់នេះធា នុរាជ និង វី សេរីចាន់ឌីន ពួកគេទាំងពីរត្រូវការឈ្នះដូចគ្នា ដើម្បីបានជាប់ក្នុង ចំណោម៤នាក់ដែលត្រូវឡើងទៅប្រកួតបន្តនៅក្នុងវគ្គពាក់កណ្តាលផ្ដាច់ព្រ័ត្រ។
វី សេរីចាន់ឌីន បើសិនជាលើកនេះចាញ់ គឺអាចមានបញ្ហាចោទហើយ ខណៈដែលធា នុរាជឈ្នះក្នុងការប្រកួតចុងក្រោយនេះ គេនឹងមានពិន្ទុស្មើមិនខាន ដែលទាមទារត្រូវត្រួតពិនិត្យមើលចំនួនទឹកដែលពួកគេឈ្នះ និងចាញ់ តើនរណាដែលត្រូវបានឡើង និងនរណាត្រូវជ្រុះធ្លាក់នោះ។
សម្រាប់ការជុំចុងក្រោយនេះ ធានុរាជ គេដឹងតែពីឈ្នះសល់ ប៊ុនហ៊ូវហើយ ព្រោះប៊ុនហ៊ូវ អន់ជាង ហើយណាមួយប៊ុនហ៊ូវចាញ់៦ប្រកួតជាប់ៗគ្នាទៅហើយ គឺដឹងខ្លួនឯងថាត្រូវធ្លាក់បាត់ទៅហើយ ទោះជាការប្រកួតលើកនេះ គេឈ្នះឬចាញ់ក៏ដោយនោះ។ ដូច្នេះធា នុរាជ គេនឹងមានពិន្ទុ១៣ ស្មើជាមួយវី សេរីចាន់ឌីន នៅពេលដែលចាន់ឌីនប្រកួតលើកចុងក្រោយនេះ ចាញ់ពុទ្ធផន កុសលនោះ។
វី សេរីចាន់ឌីន គេជួបប្រកួតជាមួយពុទ្ធ ផនកុសល មិនដឹងថាអាចឈ្នះ ឬមួយចាញ់ផនកុសលនោះទេ ព្រោះថាកុសលគេខ្លាំង ហើយណាមួយគេមិនមានការភ័យ ព្រួយពីរឿងចាញ់ទេ ដោយសារគេមានពិន្ទុច្រើនហើយ។
ក្នុង៦ប្រកួតកន្លងមក ពុទ្ធ ផនកុសល គេឈ្នះ៤ប្រកួត និងចាញ់២ប្រកួតមាន១៤ពិន្ទុទៅហើយ ទោះជាលើកនេះគេចាញ់ ក៏គេនៅតែបានឡើងទៅពាក់កណ្ដាលផ្ដាច់ព្រ័ត្រដែរ។ យ៉ាប់តែវី សេរីចាន់ឌីនប៉ុណ្ណោះ ដែលគេត្រូវការឈ្នះជាចាំបាច់ ដើម្បីបានឡើង ហើយបើចាញ់ វានឹងត្រូវក្តីក្តាំជាមួយធា នុរាជហើយ។
ទោះជាយ៉ាងណា រវាងពុទ្ធ ផនកុសល និង វី សេរីចាន់ឌីននេះ មិនទាន់ប្រាកដថាផនកុសលឈ្នះចាន់ឌីននោះទេ ត្បិតចាន់ឌីនគេក៏មានផ្លែល្អដែរ គ្រាន់តែចិត្តប្រដាល់មិនសូវធំតែប៉ុណ្ណោះ។ ដូច្នេះ ចាំមើលតើពុទ្ធ ផនកុសលឈ្នះ ឬ វី សេរីចាន់ឌីន ឈ្នះ សម្រាប់ការប្រកួតជម្រុះចុងក្រោយនេះ ?
គួរបញ្ជាក់ថា ការប្រកួតដណ្តើមខ្សែក្រវាត់Leoទម្ងន់៦៧គីឡូក្រាមនេះ មានអ្នកប្រដាល់ចូលរួមប្រកួតចំនួន៨រូប ហើយតម្រូវជ្រើសរើសយក៤រូប អ្នកដែលមានពិន្ទុច្រើនជាងគេ ដើម្បីឡើងទៅប្រកួតពាក់កណ្តាលផ្តាច់ព្រ័ត្រ និង ផ្តាច់ព្រ័ត្រ សម្រាប់ដណ្តើមតំណែងជើងឯកនិងគ្រប់គ្រងខ្សែក្រវាត់។
អ្នកប្រដាល់ពីររូបហើយ ដែលត្រូវបានជាប់ឡើងទៅពាក់កណ្តាលផ្ដាច់ព្រ័ត្រនោះគឺផង់ សុភាព ក្លិបរាជសីហ៍ខេត្តរតនគិរី ដែលបាន២១ពិន្ទុដោយឈ្នះទាំង៧ប្រកួត និងម្នាក់ទៀត គឺហ៊ឹម សារ៉ាន់ សមាគមកីឡាក្រសួងការពារជាតិ មាន១៥ពិន្ទុ៕
ការសន្សំពិន្ទុរបស់អ្នកប្រដាល់ទាំង៤នាក់ ក្នុង៦ប្រកួតកន្លងមកនេះ ធា នុរាជឈ្នះ២ ប្រកួត ចាញ់៤ប្រកួត បាន១០ពិន្ទុ ឯ សល់ ប៊ុនហ៊ូវ គេបាន៦ពិន្ទុប៉ុណ្ណោះ ដោយចាញ់ទាំង៦ ប្រកួត។ ចំពោះ វី សេរីចាន់ឌីន គេបាន១២ពិន្ទុ ដោយឈ្នះ៣ប្រកួត និងចាញ់៣ ប្រកួត ហើយពុទ្ធ ផនកុសល គេប្រកួតឈ្នះ៤ ប្រកួត ចាញ់២ប្រកួត មាន១៤ពិន្ទុ។
ដូច្នេះក្នុងការប្រកួតជុំទី៧ ដែលជាជុំចុងក្រោយនេះ ក្នុងចំណោម៤នាក់នេះធា នុរាជ និង វី សេរីចាន់ឌីន ពួកគេទាំងពីរត្រូវការឈ្នះដូចគ្នា ដើម្បីបានជាប់ក្នុង ចំណោម៤នាក់ដែលត្រូវឡើងទៅប្រកួតបន្តនៅក្នុងវគ្គពាក់កណ្តាលផ្ដាច់ព្រ័ត្រ។
វី សេរីចាន់ឌីន បើសិនជាលើកនេះចាញ់ គឺអាចមានបញ្ហាចោទហើយ ខណៈដែលធា នុរាជឈ្នះក្នុងការប្រកួតចុងក្រោយនេះ គេនឹងមានពិន្ទុស្មើមិនខាន ដែលទាមទារត្រូវត្រួតពិនិត្យមើលចំនួនទឹកដែលពួកគេឈ្នះ និងចាញ់ តើនរណាដែលត្រូវបានឡើង និងនរណាត្រូវជ្រុះធ្លាក់នោះ។
សម្រាប់ការជុំចុងក្រោយនេះ ធានុរាជ គេដឹងតែពីឈ្នះសល់ ប៊ុនហ៊ូវហើយ ព្រោះប៊ុនហ៊ូវ អន់ជាង ហើយណាមួយប៊ុនហ៊ូវចាញ់៦ប្រកួតជាប់ៗគ្នាទៅហើយ គឺដឹងខ្លួនឯងថាត្រូវធ្លាក់បាត់ទៅហើយ ទោះជាការប្រកួតលើកនេះ គេឈ្នះឬចាញ់ក៏ដោយនោះ។ ដូច្នេះធា នុរាជ គេនឹងមានពិន្ទុ១៣ ស្មើជាមួយវី សេរីចាន់ឌីន នៅពេលដែលចាន់ឌីនប្រកួតលើកចុងក្រោយនេះ ចាញ់ពុទ្ធផន កុសលនោះ។
វី សេរីចាន់ឌីន គេជួបប្រកួតជាមួយពុទ្ធ ផនកុសល មិនដឹងថាអាចឈ្នះ ឬមួយចាញ់ផនកុសលនោះទេ ព្រោះថាកុសលគេខ្លាំង ហើយណាមួយគេមិនមានការភ័យ ព្រួយពីរឿងចាញ់ទេ ដោយសារគេមានពិន្ទុច្រើនហើយ។
ក្នុង៦ប្រកួតកន្លងមក ពុទ្ធ ផនកុសល គេឈ្នះ៤ប្រកួត និងចាញ់២ប្រកួតមាន១៤ពិន្ទុទៅហើយ ទោះជាលើកនេះគេចាញ់ ក៏គេនៅតែបានឡើងទៅពាក់កណ្ដាលផ្ដាច់ព្រ័ត្រដែរ។ យ៉ាប់តែវី សេរីចាន់ឌីនប៉ុណ្ណោះ ដែលគេត្រូវការឈ្នះជាចាំបាច់ ដើម្បីបានឡើង ហើយបើចាញ់ វានឹងត្រូវក្តីក្តាំជាមួយធា នុរាជហើយ។
ទោះជាយ៉ាងណា រវាងពុទ្ធ ផនកុសល និង វី សេរីចាន់ឌីននេះ មិនទាន់ប្រាកដថាផនកុសលឈ្នះចាន់ឌីននោះទេ ត្បិតចាន់ឌីនគេក៏មានផ្លែល្អដែរ គ្រាន់តែចិត្តប្រដាល់មិនសូវធំតែប៉ុណ្ណោះ។ ដូច្នេះ ចាំមើលតើពុទ្ធ ផនកុសលឈ្នះ ឬ វី សេរីចាន់ឌីន ឈ្នះ សម្រាប់ការប្រកួតជម្រុះចុងក្រោយនេះ ?
គួរបញ្ជាក់ថា ការប្រកួតដណ្តើមខ្សែក្រវាត់Leoទម្ងន់៦៧គីឡូក្រាមនេះ មានអ្នកប្រដាល់ចូលរួមប្រកួតចំនួន៨រូប ហើយតម្រូវជ្រើសរើសយក៤រូប អ្នកដែលមានពិន្ទុច្រើនជាងគេ ដើម្បីឡើងទៅប្រកួតពាក់កណ្តាលផ្តាច់ព្រ័ត្រ និង ផ្តាច់ព្រ័ត្រ សម្រាប់ដណ្តើមតំណែងជើងឯកនិងគ្រប់គ្រងខ្សែក្រវាត់។
អ្នកប្រដាល់ពីររូបហើយ ដែលត្រូវបានជាប់ឡើងទៅពាក់កណ្តាលផ្ដាច់ព្រ័ត្រនោះគឺផង់ សុភាព ក្លិបរាជសីហ៍ខេត្តរតនគិរី ដែលបាន២១ពិន្ទុដោយឈ្នះទាំង៧ប្រកួត និងម្នាក់ទៀត គឺហ៊ឹម សារ៉ាន់ សមាគមកីឡាក្រសួងការពារជាតិ មាន១៥ពិន្ទុ៕
Post a Comment