ព្រឹត្តិការណ៍ប្រកួតប្រដាល់នាយប់ថ្ងៃអាទិត្យទី០៩ ខែសីហា លើសង្វៀនSEA-TV អ្នកប្រដាល់ទម្ងន់មធ្យមសូត្រ ប៊ុនធី អ្នកប្រដាល់ស្រករក្រោយក្លិបបក្សីស្លាបដែក ត្រូវប៉ះជាមួយ ជើងចាស់វៀត ប៊ុនឌឿន អ្នកប្រដាល់សមាគមកីឡាក្រសួងការពារជាតិ។
សូត្រ ប៊ុនធី គេជាជើងខ្លាំងស្រករក្រោយ ទោះបីជាដឹងថាវៀត ប៊ុនឌឿនជាជើងចាស់ និងខ្លាំងយ៉ាងណាក្តី ក៏សូត្រ ប៊ុនធីនៅតែប្រកាសថា គេមិនខ្លាចវៀត ប៊ុនឌឿនដែរ ក្នុងការជួបប្រកួតគ្នានៅយប់ថ្ងៃអាទិត្យនេះ។
វៀត ប៊ុនឌឿន ពីមុនគេជាជើងខ្លាំងមួយរូបដែរ គេធ្លាប់ឈ្នះទាំងជើងខ្លាំងអ៊ុំ ចំរើនថែមទៀត ប៉ុន្តែក្រោយមកគេមានការស្រុតធ្លាក់បន្ទាប់ពីខានឡើងប្រកួត ដែលធ្វើឲ្យគេវាយចាញ់ផ្ទួនៗ ប៉ុន្តែមួយរយៈពេលចុងក្រោយនេះ គេរាងងើបឡើងបន្តិចវិញហើយ។ គេប្រកួតលើកចុងក្រោយគេនេះ វាយឈ្នះង៉ែត្រ រដ្ឋា អ្នកប្រដាល់ជើងខ្លាំងក្លិបតាព្រហ្មមានជ័យដោយពិន្ទុ។
រូបគេជាអ្នកប្រដាល់ដែលមានស្នៀតទាត់ និងជង្គង់ច្បាស់លាស់ និងមានល្បិចកលប្រកួតច្រើនថែមទៀត។ ប៊ុនឌឿន ក្នុងកំណត់ត្រាប្រកួត៥៨ដង វាយ ឈ្នះ៤៥ដង ចាញ់៨ ដង និងស្មើ៥ដង។
ប៉ុន្តែយ៉ាងណាការប្រកួតជាមួយសូត្រ ប៊ុនធី លើកនេះ គេមានប្រៀបឈ្នះលើប៊ុនធី តែត្រង់ល្បិចកល និងចិត្តប្រដាល់ធំប៉ុណ្ណោះ ឯអ្វីផ្សេងៗទៀតហាក់ដូចជាទៅមិនរួចជាមួយសូត្រ ប៊ុនធី នោះទេ។ សូត្រ ប៊ុនធី គេមានកម្ពស់ខ្ពស់ ដៃ ជើងវែង។ បើទោះជាកណ្តាប់ដៃមិនសូវខ្លាំង តែជង្គង់និងកែងរបស់គេ គួរឲ្យញញើត។ ក្នុងប្រវត្តិប្រកួតចំនួន៤៦ដង ប៊ុនធីវាយឈ្នះ២៨ដង ចាញ់១៦ដង និងស្មើ០២ដង។
សូត្រ ប៊ុនធី គេបរាជ័យក្នុងការប្រកួតដណ្តើមខ្សែក្រវាត់ទម្ងន់៦០គីឡូក្រាមកាលពីពេលថ្មីៗកន្លងមកនេះ។ ការបរាជ័យរបស់គេ ដោយសារតែគេចិត្តមិនសូវធំ និងហ៊ានប្តូរតែប៉ុណ្ណោះ។ សម្រាប់ការជួបវៀតប៊ុនឌឿនលើកនេះ មិនដឹងថា អាចទប់ទល់បានឬយ៉ាងណានោះទេ ។ ដូច្នេះ ចាំមើលរវាងប៊ុនឌឿននិង សូត្រ ប៊ុនធីនេះ តើនរណាឈ្នះក្នុងការជួបគ្នានេះ ?
អ្នកប្រដាល់ប្រកួតមិនសូវល្បីឈ្មោះ រិទ្ធ ប្រាក់ប៊ិន អ្នកប្រដាល់ក្លិបកងពលតូចលេខ៧០ គេក៏ប្រកាសថាអត់ខ្លាចចៅ ចេកខ្ចី អ្នកប្រដាល់ក្លិបសំរោងកោងខេត្តបាត់ដំបងដែរ សម្រាប់ការផ្គូផ្គងឲ្យគេជួបប្រកួតជាមួយចេកខ្ចីនេះ។
អ្នកប្រដាល់ពីរនាក់នេះ មិនដែលប៉ះគ្នាទេកាលពីពេលកន្លងមក។ ការប្រកាសរបស់រិទ្ធ ប្រាក់ប៊ិននេះ មិនត្រូវបានគេកត់សម្គាល់ទុកនោះទេ ដោយសារ៤ប្រកួតចុងក្រោយនេះ គេវាយចាញ់ទាំងអស់។ ការប្រកួតចុងក្រោយគេនេះ ប្រាក់ប៊ិន វាយចាញ់ថាន រ៉ាឌី អ្នកប្រដាល់ក្លិបតាព្រហ្មមានជ័យដោយពិន្ទុ។
ចំពោះចៅ ចេកខ្ចី គេជាអ្នកប្រដាល់ស្រករក្រោយដែរ តែគេមានស្នៀតប្រដាល់ល្អ វាយខ្លាំងនិងមានផ្លែល្អផងដែរ។ គេឧស្សាហ៍ឡើងមកប្រកួតនៅភ្នំពេញណាស់ តែពីរប្រកួតចុងក្រោយនេះ គេវាយចាញ់សំណាង ឌីណា ក្លិបដួងសែនសុខគុនខ្មែរដោយពិន្ទុទាំងពីរលើក។ សម្រាប់ការជួបជាមួយរិទ្ធ ប្រាក់ប៊ិនលើកនេះ គេមានជំនឿថា ចេកខ្ចីមិនចាញ់នោះឡើយ។
ណក់ ស៊ីនួន អ្នកប្រដាល់ចំណូលថ្មី មកពីក្លិបឃ្លាំងមឿងកីឡាខេត្តពោធិ៍សាត់ នឹងជួបប្រកួតជាមួយអ្នកប្រដាល់ម៉ន វ៉ាន្នី ក្លិបការិយាល័យទី៥ កងទ័ពជើងគោក។ ជាលើកដំបូងហើយ ដែលអ្នកប្រដាល់ណក់ ស៊ីនួន ឡើងប្រកួតនេះ។ សម្រាប់ការជួបគ្នានេះ មិនដឹងថានរណា ឈ្នះទេ?
ស្វាយ ចាន់ថន អ្នកប្រដាល់សកលអាជីព ក្លិបកងរាជអាវុធហត្ថរាជធានីភ្នំពេញ នឹងត្រូវឡើងប្រកួតសងសឹកជាមួយហង្ស រ៉ាម៉ន អ្នកប្រដាល់ក្លិបសកលកម្ពុជា។ ពីរនាក់នេះ ធ្លាប់ជួបគ្នាច្រើនដងហើយ ដោយវាយឈ្នះចាញ់គ្នាទៅវិញ ទៅមក តែការជួបគ្នាលើកចុងក្រោយនេះ ស្វាយ ចាន់ថន វាយចាញ់ពេជ្រ សំរិទ្ធក្លិបអារុណរះកីឡាដោយពិន្ទុ។ ការប្រកួតលើកនេះ ពុំដឹងថាអ្នកណាឈ្នះឡើយ?៕
សូត្រ ប៊ុនធី គេជាជើងខ្លាំងស្រករក្រោយ ទោះបីជាដឹងថាវៀត ប៊ុនឌឿនជាជើងចាស់ និងខ្លាំងយ៉ាងណាក្តី ក៏សូត្រ ប៊ុនធីនៅតែប្រកាសថា គេមិនខ្លាចវៀត ប៊ុនឌឿនដែរ ក្នុងការជួបប្រកួតគ្នានៅយប់ថ្ងៃអាទិត្យនេះ។
វៀត ប៊ុនឌឿន ពីមុនគេជាជើងខ្លាំងមួយរូបដែរ គេធ្លាប់ឈ្នះទាំងជើងខ្លាំងអ៊ុំ ចំរើនថែមទៀត ប៉ុន្តែក្រោយមកគេមានការស្រុតធ្លាក់បន្ទាប់ពីខានឡើងប្រកួត ដែលធ្វើឲ្យគេវាយចាញ់ផ្ទួនៗ ប៉ុន្តែមួយរយៈពេលចុងក្រោយនេះ គេរាងងើបឡើងបន្តិចវិញហើយ។ គេប្រកួតលើកចុងក្រោយគេនេះ វាយឈ្នះង៉ែត្រ រដ្ឋា អ្នកប្រដាល់ជើងខ្លាំងក្លិបតាព្រហ្មមានជ័យដោយពិន្ទុ។
រូបគេជាអ្នកប្រដាល់ដែលមានស្នៀតទាត់ និងជង្គង់ច្បាស់លាស់ និងមានល្បិចកលប្រកួតច្រើនថែមទៀត។ ប៊ុនឌឿន ក្នុងកំណត់ត្រាប្រកួត៥៨ដង វាយ ឈ្នះ៤៥ដង ចាញ់៨ ដង និងស្មើ៥ដង។
ប៉ុន្តែយ៉ាងណាការប្រកួតជាមួយសូត្រ ប៊ុនធី លើកនេះ គេមានប្រៀបឈ្នះលើប៊ុនធី តែត្រង់ល្បិចកល និងចិត្តប្រដាល់ធំប៉ុណ្ណោះ ឯអ្វីផ្សេងៗទៀតហាក់ដូចជាទៅមិនរួចជាមួយសូត្រ ប៊ុនធី នោះទេ។ សូត្រ ប៊ុនធី គេមានកម្ពស់ខ្ពស់ ដៃ ជើងវែង។ បើទោះជាកណ្តាប់ដៃមិនសូវខ្លាំង តែជង្គង់និងកែងរបស់គេ គួរឲ្យញញើត។ ក្នុងប្រវត្តិប្រកួតចំនួន៤៦ដង ប៊ុនធីវាយឈ្នះ២៨ដង ចាញ់១៦ដង និងស្មើ០២ដង។
សូត្រ ប៊ុនធី គេបរាជ័យក្នុងការប្រកួតដណ្តើមខ្សែក្រវាត់ទម្ងន់៦០គីឡូក្រាមកាលពីពេលថ្មីៗកន្លងមកនេះ។ ការបរាជ័យរបស់គេ ដោយសារតែគេចិត្តមិនសូវធំ និងហ៊ានប្តូរតែប៉ុណ្ណោះ។ សម្រាប់ការជួបវៀតប៊ុនឌឿនលើកនេះ មិនដឹងថា អាចទប់ទល់បានឬយ៉ាងណានោះទេ ។ ដូច្នេះ ចាំមើលរវាងប៊ុនឌឿននិង សូត្រ ប៊ុនធីនេះ តើនរណាឈ្នះក្នុងការជួបគ្នានេះ ?
អ្នកប្រដាល់ប្រកួតមិនសូវល្បីឈ្មោះ រិទ្ធ ប្រាក់ប៊ិន អ្នកប្រដាល់ក្លិបកងពលតូចលេខ៧០ គេក៏ប្រកាសថាអត់ខ្លាចចៅ ចេកខ្ចី អ្នកប្រដាល់ក្លិបសំរោងកោងខេត្តបាត់ដំបងដែរ សម្រាប់ការផ្គូផ្គងឲ្យគេជួបប្រកួតជាមួយចេកខ្ចីនេះ។
អ្នកប្រដាល់ពីរនាក់នេះ មិនដែលប៉ះគ្នាទេកាលពីពេលកន្លងមក។ ការប្រកាសរបស់រិទ្ធ ប្រាក់ប៊ិននេះ មិនត្រូវបានគេកត់សម្គាល់ទុកនោះទេ ដោយសារ៤ប្រកួតចុងក្រោយនេះ គេវាយចាញ់ទាំងអស់។ ការប្រកួតចុងក្រោយគេនេះ ប្រាក់ប៊ិន វាយចាញ់ថាន រ៉ាឌី អ្នកប្រដាល់ក្លិបតាព្រហ្មមានជ័យដោយពិន្ទុ។
ចំពោះចៅ ចេកខ្ចី គេជាអ្នកប្រដាល់ស្រករក្រោយដែរ តែគេមានស្នៀតប្រដាល់ល្អ វាយខ្លាំងនិងមានផ្លែល្អផងដែរ។ គេឧស្សាហ៍ឡើងមកប្រកួតនៅភ្នំពេញណាស់ តែពីរប្រកួតចុងក្រោយនេះ គេវាយចាញ់សំណាង ឌីណា ក្លិបដួងសែនសុខគុនខ្មែរដោយពិន្ទុទាំងពីរលើក។ សម្រាប់ការជួបជាមួយរិទ្ធ ប្រាក់ប៊ិនលើកនេះ គេមានជំនឿថា ចេកខ្ចីមិនចាញ់នោះឡើយ។
ណក់ ស៊ីនួន អ្នកប្រដាល់ចំណូលថ្មី មកពីក្លិបឃ្លាំងមឿងកីឡាខេត្តពោធិ៍សាត់ នឹងជួបប្រកួតជាមួយអ្នកប្រដាល់ម៉ន វ៉ាន្នី ក្លិបការិយាល័យទី៥ កងទ័ពជើងគោក។ ជាលើកដំបូងហើយ ដែលអ្នកប្រដាល់ណក់ ស៊ីនួន ឡើងប្រកួតនេះ។ សម្រាប់ការជួបគ្នានេះ មិនដឹងថានរណា ឈ្នះទេ?
ស្វាយ ចាន់ថន អ្នកប្រដាល់សកលអាជីព ក្លិបកងរាជអាវុធហត្ថរាជធានីភ្នំពេញ នឹងត្រូវឡើងប្រកួតសងសឹកជាមួយហង្ស រ៉ាម៉ន អ្នកប្រដាល់ក្លិបសកលកម្ពុជា។ ពីរនាក់នេះ ធ្លាប់ជួបគ្នាច្រើនដងហើយ ដោយវាយឈ្នះចាញ់គ្នាទៅវិញ ទៅមក តែការជួបគ្នាលើកចុងក្រោយនេះ ស្វាយ ចាន់ថន វាយចាញ់ពេជ្រ សំរិទ្ធក្លិបអារុណរះកីឡាដោយពិន្ទុ។ ការប្រកួតលើកនេះ ពុំដឹងថាអ្នកណាឈ្នះឡើយ?៕
Post a Comment