ខ្សែការពារដ៏រឹងមាំរបស់ក្លិប Barcelonaកីឡាករ Gerard Pique និងមិត្តស្រីដែលជាតារាចម្រៀងប៉ុបសញ្ជាតិកូឡុំប៊ីរបស់គាត់គឺនាង Shakira បានស្វាគមន៍បុត្រទីពីររបស់ពួកគេកាលពីរាត្រីថ្ងៃព្រហស្បតិ៍កន្លងទៅ។
នាង Shakira ផ្តល់កំណើតបានកូនប្រុសតាមការកំណត់ នៅឯមន្ទីរពេទ្យ Quiron Tecknon ក្រុង Barcelona ប្រទេសអេស្ប៉ាញ។កីឡាករ Pique វ័យ២៧ឆ្នាំ និងមិត្តស្រីវ័យ៣៧ឆ្នាំរបស់គាត់ បានប្រកាសសមាជិកថ្មីនេះ នៅក្នុងសេចក្តីថ្លែងការណ៍មួយ មុនពេលយប់ឈានចូលដល់ថ្ងៃសុក្រ។ទោះបីជាយ៉ាងណាក៏ដោយ ឈ្មោះកូនទី២ ដែលបានប្រសូតឡើងក្នុងរយៈពេលជាង២ឆ្នាំ ក្រោយកូនដំបូងរបស់ពួកគេឈ្មោះ Milan នោះ នៅមិនទាន់ដាក់ឈ្មោះនៅឡើយទេ។រយៈពេល២៤ម៉ោងមុនពេលសម្រាលបុត្រនេះ កីឡាករ Pique បានចូលលេងឲ្យក្រុម Barcelona អំឡុងជ័យជម្នះរបស់ពួកគេលើក្រុម Atletico Madrid នៅការប្រកួត Copa del Rey ក្នុងទឹកដី Vicente Calderon។សូមបញ្ជាក់ថា គូស្នេហ៍តារាពីររូបនេះ បានស្គាល់ និងរួមរស់ជាមួយគ្នាចាប់តាំងពីឆ្នាំ២០១០ ហើយពួកគេបានប្រកាសការមានផ្ទៃពោះជាលើកទី២កាលពីខែសីហា ឆ្នាំ២០១៤កន្លងទៅ៕
Post a Comment