Real ៖ ​ព្រលែង​ម្ចាស់​ស្រោម​ដៃមាស World Cup 2010 Casillas បើកផ្លូវឲ្យ De Gea

ក្លឹបអ្នកមាន Real Madrid បានសម្រេច ចែកផ្លូវជាមួយនឹងអ្នកចាំទីដៃស្អិតក្នុង World Cup ឆ្នាំ២០១០ នៅអាហ្រ្វិកខាងត្បូង Iker Casillas ជាផ្លូវការហើយ ដើម្បីផ្ទេរទៅកាន់ក្លឹបរបស់ព័រទុយហ្គាល់ FC Porto មុនចាប់ផ្តើមរដូវកាលថ្មី ឆ្នាំ២០១៥-២០១៦ ខាងមុខ ។

តាមរយៈសារព័ត៌មាន Bleacher Report បានឲ្យដឹងថា ក្លឹបជើងខ្លាំងទាំងពីរខាងលើបានព្រមព្រៀងគ្នារួចស្រេចហើយ ក្នុងផ្ទេរទ្រនំកីឡាករ ចាំទីវ័យ៣៤ឆ្នាំ Casillas ចេញពីទឹកដីអេស្ប៉ាញ ទៅកាន់ទឹកដីព័រទុយហ្គាល់វិញជាមួយនឹងពិធីជប់ លៀងលាគ្នាគ្រៀងនឹងធ្វើឡើង នៅប៉ុន្មានម៉ោងខាងមុខនេះទៀតនៅកីឡដ្ឋាន Santiago Bernabeu ។

បុរសជើងចាស់ Casillas ជាអតីតយុវជនថ្នាលរបស់ក្លឹបស្តេចស Real Madrid ដែលបានលេងនៅទឹកដីកំណើតរយៈ ពេល២៤ឆ្នាំមកហើយ និងជួយឲ្យ Real ឈ្នះពានធំប្រចាំអេស្ប៉ាញ La Liga បានចំនួន៥ដង និង Champions League បាន៣ដង ជាមួយនឹងក្រុមជម្រើសជាតិវិញ បានជួយឲ្យអេស្ប៉ាញឈ្នះពាន FIFA World Cup បានម្តងជាប្រ វត្តិសាស្រ្តឆ្នាំ២០១០ និងពានប្រចាំទ្វីបអឺរ៉ុប UEFA Euro បាន២សម័យកាល ជាប់គ្នាគឺឆ្នាំ២០០៨ និងឆ្នាំ២០១២ ។

យ៉ាងណាក៏ដោយទាំងក្លឹប Real Madrid និងក្លឹប FC Porto នៅមិនទាន់រំលេចតម្លៃខ្លួន ជាមួយនឹងកិច្ចសន្យាថ្មីជាមួយ និង Iker Casillas នៅឡើយទេដោសារ តែអ្នកចាំទីដៃទី១ក្នុងក្រុមអេស្ប៉ាញមួយនេះកំពុងស្ថិតនៅក្នុងទឹកដីអេស្ប៉ាញ នៅឡើយ ។ ការអត់មានពី Casillas ទៅ Real Madrid បានកំពុងតែតាមប្រម៉ាញ់ អ្នកចាំទីវ័យក្មេង David De Gea ពីក្លឹប Manchester United យ៉ាងប្រកៀកនាពេលបច្ចុប្បន្ន ៕