ក្លឹប Paris ដាក់សំណើសុំទិញ Ronaldo និង Di Maria មុនរដូវកាល ថ្មីចាប់ផ្តើម

ក្លឹបជើងឯកបារាំង Paris Saint Germain ថ្មីៗនេះបានដាក់ដាក់ចាប់អារម្មណ៍ និងសំណើសុំទិញកីឡាករ ដ៏មានឥទ្ធិពល២រូបពីក្លឹបធំៗគឹកីឡាករខ្សែប្រយុទ្ធ Cristiano Ronaldo របស់ក្លឹប Real Madrid និងកីឡាករខ្សែបម្រើ ប្រយុទ្ធល្បឿន Angel di Maria របស់ Manchester United ។

តាមរយៈគេហទំព័រសារព័ត៌មាន Bleacher Report បានឲ្យដឹងថា នេះមិនមែនជាលើកទី១នោះទេ ដែលក្លឹប PSG បានដាក់សំណើសុំទិញខ្សែប្រយុទ្ធប្រធាន ក្រុមជម្រើសជាតិព័តទុយហ្គាល់វ័យ៣០ឆ្នាំ Ronaldo ដែលហ៊ានឲ្យថ្លៃរហូត ដល់១១៩លានដុល្លារអាម៉េរិកឯណោះ ខណៈដែលខ្សែបម្រើជនជាតិ អាហ្សង់ទីន
Di Maria ក្លឹប Paris បានឲ្យតម្លៃ ខ្លួនត្រឹមតែ៨០ដុល្លារអាម៉េរិកប៉ុណ្ណោះ ។

តែយ៉ាងណាក៏ដោយ ការដាក់សំណើសុំទិញនេះ ប្រហែលជាមិនទទួលបានជោគជ័យនោះឡើយ ខណៈដែលក្លឹប Paris ពុំមែនជាគោលដៅរបស់កីឡាករ ឆ្នើម លំដាប់ពិភពលោកទាំងពីរនាក់នេះទេ ហើយបានធ្វើឡើងក្រោយពេលដែល Ronaldo បានបញ្ចាក់ថា នឹងមិនចាកចេញពីក្លឹប Real Madrid នោះឡើយ ហើយ ថែមទាំងជំរុញឲ្យកីឡាករមិត្ត រួមក្រុមខ្សែការពារ Sergio Ramos បន្តកិច្ចសន្យាលេងនៅទឹកដីអេស្ប៉ាញទៀតដែរ គ្រាដែលកិច្ចសន្យា Ramos បាន កំពុងតែ អស់សុពលភាពនៅកីឡដ្ឋាន Santiago Bernabeu ។

សម្រាប់ Angel di Maria ដែលបានកំពុងជួយឲ្យក្រុមជម្រើសជាតិអាហ្សង់ទីន ឡើងមកដល់វគ្គផ្តាច់ព្រ័ត្រនៃពានរង្វាន់ Copa America ឆ្នាំ២០១៥ ដោយជួប ម្ចាស់ ផ្ទះឈីលីនោះ ក៏ទំនងជាមិនចេញពីក្លឹប Manchester United របស់អង់ គ្លេសដែរ ដោយទើបតែផ្លាស់ចេញពី Real Madrid បាន១រដូវកាលប៉ុណ្ណោះ ហើយបានកំពុងតែបង្ហាញទម្រង់លេង យ៉ាងល្អនៅទឹកដី Old Trafford បើទោះបីជាញ៉ាំញីទៅដោយបញ្ហារបួសបន្តិចក៏ដោយ ៕