ក្លឹបរបស់តួកគី Fenerbahce បញ្ជាក់​ថា ទិញ​បាន​កីឡាករ​ឆ្នើម Nani ផ្លូវ​ការ​ហើយ

ក្លឹបលេងនៅលីកកំពូលតួកគី Fenerbahce បញ្ជាក់ឲ្យដឹងថា ក្លឹបបានឈានដល់កិច្ចព្រមព្រៀងក្នុង ការផ្ទេរកីឡាករខ្សែបម្រើប្រយុទ្ធឆ្នើម Nani ជាផ្លូវការហើយ ជាមួយនឹងក្លឹប Sporting Lisbon របស់ព័រទុយហ្គាល់ និង ឈានដល់ពិនិត្យសុខភាពនាព្រឹកថ្ងៃអាទិត្យចុងសប្តាហ៍នេះ មុននឹងចុះកិច្ចសន្យា ។

តាមរយៈគេហទំព័រសារព័តមាន Bleacher Report បានឲ្យដឹងថា ការផ្ទេរកីឡាករខ្សែបម្រើប្រយុទ្ធវ័យ២៨ឆ្នាំរូបនេះ ត្រូវបានគេប៉ាន់ប្រមាណថា ប្រហែល ៤.២៥ លានផោនប៉ុណ្ណោះ បន្ទាប់ពីបញ្ចប់ការខ្ចីជើងពីក្លឹប Manchester United ពេញមួយរដូវកាលឆ្នាំ ២០១៤-២០១៥ ដោយស៊ុតបញ្ចូលទីបាន១១គ្រាប់ ។

កាលលេងនៅក្លឹបអង់គ្លេស Manchester United រយៈពេល៥ឆ្នាំចាប់ឆ្នាំ២០០៧ Nani បានជួយបិសាចក្រហមឈ្នះ ពាន Premier League បាន៤ដង និង ពានធំប្រចាំទ្វីបអឺរ៉ុប UEFA Champions League បានម្តង ៕