បីសាចក្រហម ទិញបានខ្សែការពារ Darmain ម្នាក់ហើយពីក្លឹប Torino

ក្លឹបជើងខ្លាំងរបស់អង់គ្លេស Manchester United ទិញបានកីឡាករខ្សែការពារ Matteo Darmain ម្នាក់ហើយពីក្លឹប Torino របស់អ៊ីតាលី ក្រោមកិច្ចសន្យារយៈ ពេល ៤ឆ្នាំ ជាមួយនឹងកញ្ចប់ថវិកា១២.៧លានផោនដើម្បី លេងនៅទឹកដីកីឡដ្ឋាន Old Trafford រដូវកាលឆ្នាំ២០១៥-២០១៦ជាបន្តទៀត ។

តាមរយៈសារព័ត៌មាន Daily Mail បានឲ្យដឹងថា តម្លៃពលកម្មរបស់កីឡាករដែលអាចលេងការពារស្លាបស្តាំ ឬស្លាបឆ្វេងបានដូចគ្នា វ័យ២៥ឆ្នាំខាងលើនេះគឺ អាចនឹងកើនឡើងពី១២.៧ ទៅ១៤.៤លានផោន ប្រសិនបើ បំពេញតួនាទីបានល្អនៅទឹកដីអង់គ្លេស ដោយបានក្លាយទៅជាកីឡាករទី២សម្រាប់រដូវកាលថ្មី នេះដែល Man Utd ទិញបាន បន្ទាប់ពីកី ឡាករ Memphis Depay ជាកីឡាករទី១ដែលបិសាចក្រហមទិញបានមុនគេពីក្លឹបហូឡង់ PSV Eindhoven ។

Darmain នឹងត្រូវលេងជំនួសកន្លែងរបស់កីឡាករខ្សែការពារដូចគ្នាជនជាតិប្រេស៊ីល Rafael ដែលកំពុងតែធ្លាក់ទម្រង់ លេង និងគ្រូបង្វឹកជនជាតិហូឡង់ Louis van Gaal មិនដាក់ចូលលេងនោះទេ ដែលទាំងកីឡាករក្នុងក្រុមជម្រើសជាតិ អ៊ីតាលី Darmain និង Depay នឹងត្រូវប្រកាសឲ្យដឹងក្នុងសន្និសីទសារព័ត៌មាននា ព្រឹកថ្ងៃសុក្រស្អែកនេះ មុនពេលចាក ចេញពីទឹកដីអង់គ្លេសទៅកាន់ សហរដ្ឋអាម៉េរិក ដើម្បីប្រកួតមិត្តភាពអន្តរជាតិថ្ងៃទី១៣ កក្កដា ឆ្នាំ២០១៥ ។

គួរបញ្ជាក់ដែរថា រហូតមកទល់នឹងពេលនេះ Man Utd ទើបតែទិញកីឡាករថ្មីបញ្ចូលបាន២នាក់នៅឡើយទេ ជាមួយ បញ្ចប់កិច្ចសន្យាខ្ចីជើង ខ្សែប្រយុទ្ធជនជាតិ កូឡុំប៊ី Radamel Falcao ពីក្លឹប AS Monaco និងត្រូវបានក្លឹប ជើងឯកតោខៀវ Chelsea ខ្ចីជើងបន្ត ស្របពេលដែលអ្នកចាំទី David De Gea និងខ្សែប្រយុទ្ធ Robin van Persie កំពុងតែពិចា រណាអំពីកិច្ចសន្យាថ្មីនៅ Old Trafford ដូចគ្នា៕