Cristiano Ronaldo បានចេញមកបញ្ជាក់ថារូបគេសប្បាយចិត្តនៅ Real Madrid ណាស់ ហើយឱ្យកាសែតទាំងឡាយដែលចេះតែបំភ្លៃព័ត៌មានមិនពិតនោះគួរតែឈប់ចុះផ្សាយទៅរឿងរូបគេផ្លាស់ទៅក្លិបផ្សេងនោះ។
ក្រោយការចាកចេញរបស់លោក Carlo Ancelotti និងការចូលមកដល់របស់លោក Rafa Benitez នៅ Real Madrid មានដំណឹងជាច្រើនបានលេចឮមកថាខ្សែប្រយុទ្ធ Ronaldo អាចនឹងចាកចេញពីក្លិបមួយនេះ ដោយអាចទៅលេងនៅ Manchester United វិញ ព្រោះរូបគេមិនសប្បាយចិត្តចំពោះការសម្រេចចិត្តរបស់ម្ចាស់ក្លិបអធិរាជសនេះឡើយ។
ដោយសារតែដំណឹងខាងលើនេះហើយ CR7 ដែលខកខានមិននិយាយជាមួយអ្នកកាសែតអស់ពេលជាយូរមកហើយនោះ បានប្រាប់ទៅកាសែត Bola ថា ៖ “រឿងមិនសប្បាយចិត្តនិងចង់ចាកចេញពី Real Madrid នោះគឺមិនពិតនោះទេ។ ខ្ញុំសប្បាយចិត្តនឹងនៅក្លិបនេះណាស់ ហើយក៏មានទំនុកចិត្តថានឹងជោគជ័យក្នុងរដូវកាលថ្មីនេះដែរ។ ខ្ញុំមិនចង់និយាយអ្វីច្រើនទេ អំឡុងពេលវិស្សមកាលនេះ។ ខ្ញុំសូមឱ្យអ្នកគ្រប់គ្នាឈប់ទៅរឿងចុះផ្សាយព័ត៌មានមិនពិតនោះ ហើយឱ្យខ្ញុំមានពេលសម្រាកឱ្យស្រួលផង។ Real Madrid និងខ្ញុំគឺមានទំនាក់ទំនងនឹងគ្នាល្អណាស់”។
ខ្សែប្រយុទ្ធរបស់ក្រុមជម្រើសជាតិព័រទុយហ្គាល់រូបនេះជាតារាជើងស៊ុតប្រចាំនៅ Real Madrid ពោលគឺរយៈពេល៦ឆ្នាំមកនេះ រូបគេអាចរកគ្រាប់បាល់បាន៣១៣គ្រាប់ក្នុងការបង្ហាញខ្លួន៣០០ប្រកួត ឈរនៅចំណាត់ថ្នាក់លេខ២ប៉ុណ្ណោះអាសន្នក្នុងនាមជាកីឡាកររកគ្រាប់បាល់បានច្រើនជាងគេប្រចាំក្លិប Real Madrid ។ ខណៈដែលរដូវកាលទើបតែបញ្ចប់ទៅនេះ កីឡាករវ័យ៣០ឆ្នាំខាងលើរកបាន៦១គ្រាប់បើបូកគ្រប់កម្មវិធីប្រកួត ហើយក្នុងនោះនៅក្របខ័ណ្ឌ La Liga ៣៥ប្រកួត រូបគេរកបានដល់ទៅ៤៨គ្រាប់។
កីឡាករដែល៣ប្រកួតចុងក្រោយធ្វើបាន Hat-trick ទាំង៣ប្រកួតនោះ ធ្លាប់ត្រូវបានក្លិប Paris Saint-Germain និងបិសាចក្រហម Manchester United ដាក់តម្លៃខ្លួនទិញយកពី Real ម្ដងមកហើយ ប៉ុន្តែត្រូវបានបដិសេធវិញពីខាងលោក Florentino Pérez ដែលជាម្ចាស់ក្លិបផ្ទាល់៕
ក្រោយការចាកចេញរបស់លោក Carlo Ancelotti និងការចូលមកដល់របស់លោក Rafa Benitez នៅ Real Madrid មានដំណឹងជាច្រើនបានលេចឮមកថាខ្សែប្រយុទ្ធ Ronaldo អាចនឹងចាកចេញពីក្លិបមួយនេះ ដោយអាចទៅលេងនៅ Manchester United វិញ ព្រោះរូបគេមិនសប្បាយចិត្តចំពោះការសម្រេចចិត្តរបស់ម្ចាស់ក្លិបអធិរាជសនេះឡើយ។
ដោយសារតែដំណឹងខាងលើនេះហើយ CR7 ដែលខកខានមិននិយាយជាមួយអ្នកកាសែតអស់ពេលជាយូរមកហើយនោះ បានប្រាប់ទៅកាសែត Bola ថា ៖ “រឿងមិនសប្បាយចិត្តនិងចង់ចាកចេញពី Real Madrid នោះគឺមិនពិតនោះទេ។ ខ្ញុំសប្បាយចិត្តនឹងនៅក្លិបនេះណាស់ ហើយក៏មានទំនុកចិត្តថានឹងជោគជ័យក្នុងរដូវកាលថ្មីនេះដែរ។ ខ្ញុំមិនចង់និយាយអ្វីច្រើនទេ អំឡុងពេលវិស្សមកាលនេះ។ ខ្ញុំសូមឱ្យអ្នកគ្រប់គ្នាឈប់ទៅរឿងចុះផ្សាយព័ត៌មានមិនពិតនោះ ហើយឱ្យខ្ញុំមានពេលសម្រាកឱ្យស្រួលផង។ Real Madrid និងខ្ញុំគឺមានទំនាក់ទំនងនឹងគ្នាល្អណាស់”។
ខ្សែប្រយុទ្ធរបស់ក្រុមជម្រើសជាតិព័រទុយហ្គាល់រូបនេះជាតារាជើងស៊ុតប្រចាំនៅ Real Madrid ពោលគឺរយៈពេល៦ឆ្នាំមកនេះ រូបគេអាចរកគ្រាប់បាល់បាន៣១៣គ្រាប់ក្នុងការបង្ហាញខ្លួន៣០០ប្រកួត ឈរនៅចំណាត់ថ្នាក់លេខ២ប៉ុណ្ណោះអាសន្នក្នុងនាមជាកីឡាកររកគ្រាប់បាល់បានច្រើនជាងគេប្រចាំក្លិប Real Madrid ។ ខណៈដែលរដូវកាលទើបតែបញ្ចប់ទៅនេះ កីឡាករវ័យ៣០ឆ្នាំខាងលើរកបាន៦១គ្រាប់បើបូកគ្រប់កម្មវិធីប្រកួត ហើយក្នុងនោះនៅក្របខ័ណ្ឌ La Liga ៣៥ប្រកួត រូបគេរកបានដល់ទៅ៤៨គ្រាប់។
កីឡាករដែល៣ប្រកួតចុងក្រោយធ្វើបាន Hat-trick ទាំង៣ប្រកួតនោះ ធ្លាប់ត្រូវបានក្លិប Paris Saint-Germain និងបិសាចក្រហម Manchester United ដាក់តម្លៃខ្លួនទិញយកពី Real ម្ដងមកហើយ ប៉ុន្តែត្រូវបានបដិសេធវិញពីខាងលោក Florentino Pérez ដែលជាម្ចាស់ក្លិបផ្ទាល់៕
Post a Comment