Real Madrid មិនព្រមទិញខ្សែប្រយុុទ្ធ Javier Hernandez ដាច់ពី Manchester United ទេ បន្ទាប់ពីអស់កុងត្រាខ្ចីជើងរដូវកាលនេះ តែមានដំណឹងមកថាក្លិបនេះកំពុងត្រៀមទិញយកខ្សែប្រយុទ្ធ Sergio Aguero របស់ក្រុម Manchester City ឯណោះវិញ។
Chicharito ជាខ្សែប្រយុទ្ធដែលក្រុម Real Madrid ខ្ចីជើងពី Man Utd មកកាលពីរដូវកាលមុន ហើយរយៈពេលមួយរដូវកាលមកនេះ រូបគេបានបង្ហាញខ្លួនបាន៣៣ប្រកួតដែរ តែក្នុង៣៣ប្រកួតនោះមានតែ១២ប្រកួតទេ ដែលបានជាប់ជាជម្រើសដំបូង។ ស្របពេលនេះ ខាងក្លិបក៏បានចេញមកបញ្ជាក់ដែរថា ពួកគេនឹងបញ្ជូនកីឡាករវ័យ២៦ឆ្នាំរូបនេះទៅ Old Trafford វិញហើយ ដោយមិនទិញយកដាច់នោះទេ។
ក្រោយមានដំណឹងថាមិនទិញ Chicharito នេះ ក៏មានលេចឮមកថា អធិរាជសកំពុងតែដាក់តម្លៃខ្លួន៩០លានអឺរ៉ូទិញយកកីឡាករម្ចាស់ស្បែកជើងមាសនៅអង់គ្លេស Aguero ពីក្រុម Man City ផងដែរ ប៉ុន្តែមិនទាន់មានចម្លើយអីពីខាងក្រុមមេឃខៀវនៅឡើយ។
ខ្សែប្រយុទ្ធអាហ្សង់ទីនដែលរកគ្រាប់បាល់បាន២៦គ្រាប់នៅ Premier League រដូវកាលនេះ គឺជាគោលដៅដំបូងគេសម្រាប់ក្រុមយក្សនៅអេស្ប៉ាញទិញមកដើម្បីពង្រឹងតំបន់ប្រយុទ្ធ ព្រោះថាលោក Florentino Perez ចង់បានកីឡាករជម្រើសជាតិអាហ្សង់ទីនរូបនេះ តាំងពីរូបគេលេងនៅ Independiente ម៉្លេះ តែគ្រានោះរូបគេបែរជាជ្រើសរើសយក Atletico Madrid វិញក្នុងឆ្នាំ២០០៦ មានតម្លៃខ្លួន២៣លានអឺរ៉ូ។
ខ្សែប្រយុទ្ធដែលជាប់ជម្រើសជាតិអាហ្សង់ទីនតាំងពី U17 មកនេះ ផ្លាស់ចេញពី Atletico Madrid ទៅ Man City នៅឆ្នាំ២០១១ ក្នុងតម្លៃខ្លួន៣៥លានផោន ហើយរូបគេបានក្លាយជាវីរបុរសរបស់មេឃខៀវនៅពេលដែលស៊ុតគ្រាប់បាល់ជ័យជម្នះលើ QPR នៅនាទី៩០+៤ ក្នុងឆ្នាំ២០១២ ពោលគឺមួយគ្រាប់នោះហើយធ្វើឱ្យក្រុមមួយនេះលើកពាន Premier League ជាលើកដំបូងក្នុងរយៈពេល៤៤ឆ្នាំចុងក្រោយ៕
Chicharito ជាខ្សែប្រយុទ្ធដែលក្រុម Real Madrid ខ្ចីជើងពី Man Utd មកកាលពីរដូវកាលមុន ហើយរយៈពេលមួយរដូវកាលមកនេះ រូបគេបានបង្ហាញខ្លួនបាន៣៣ប្រកួតដែរ តែក្នុង៣៣ប្រកួតនោះមានតែ១២ប្រកួតទេ ដែលបានជាប់ជាជម្រើសដំបូង។ ស្របពេលនេះ ខាងក្លិបក៏បានចេញមកបញ្ជាក់ដែរថា ពួកគេនឹងបញ្ជូនកីឡាករវ័យ២៦ឆ្នាំរូបនេះទៅ Old Trafford វិញហើយ ដោយមិនទិញយកដាច់នោះទេ។
ក្រោយមានដំណឹងថាមិនទិញ Chicharito នេះ ក៏មានលេចឮមកថា អធិរាជសកំពុងតែដាក់តម្លៃខ្លួន៩០លានអឺរ៉ូទិញយកកីឡាករម្ចាស់ស្បែកជើងមាសនៅអង់គ្លេស Aguero ពីក្រុម Man City ផងដែរ ប៉ុន្តែមិនទាន់មានចម្លើយអីពីខាងក្រុមមេឃខៀវនៅឡើយ។
ខ្សែប្រយុទ្ធអាហ្សង់ទីនដែលរកគ្រាប់បាល់បាន២៦គ្រាប់នៅ Premier League រដូវកាលនេះ គឺជាគោលដៅដំបូងគេសម្រាប់ក្រុមយក្សនៅអេស្ប៉ាញទិញមកដើម្បីពង្រឹងតំបន់ប្រយុទ្ធ ព្រោះថាលោក Florentino Perez ចង់បានកីឡាករជម្រើសជាតិអាហ្សង់ទីនរូបនេះ តាំងពីរូបគេលេងនៅ Independiente ម៉្លេះ តែគ្រានោះរូបគេបែរជាជ្រើសរើសយក Atletico Madrid វិញក្នុងឆ្នាំ២០០៦ មានតម្លៃខ្លួន២៣លានអឺរ៉ូ។
ខ្សែប្រយុទ្ធដែលជាប់ជម្រើសជាតិអាហ្សង់ទីនតាំងពី U17 មកនេះ ផ្លាស់ចេញពី Atletico Madrid ទៅ Man City នៅឆ្នាំ២០១១ ក្នុងតម្លៃខ្លួន៣៥លានផោន ហើយរូបគេបានក្លាយជាវីរបុរសរបស់មេឃខៀវនៅពេលដែលស៊ុតគ្រាប់បាល់ជ័យជម្នះលើ QPR នៅនាទី៩០+៤ ក្នុងឆ្នាំ២០១២ ពោលគឺមួយគ្រាប់នោះហើយធ្វើឱ្យក្រុមមួយនេះលើកពាន Premier League ជាលើកដំបូងក្នុងរយៈពេល៤៤ឆ្នាំចុងក្រោយ៕
Post a Comment