អ្នកចាត់ការ Jose Mourinho បានលើកឡើងថា គ្មានក្រុមណាមួយល្អជាងក្រុម Chelsea របស់លោកទេ នៅអង់គ្លេស និងបន្ថែមថាតោខៀវ នឹងព្យាយាមធ្វើឲ្យបានល្អនៅ UEFA Champions League និងការពារតំណែងជើងឯក Premier League ឲ្យបាននៅរដូវកាលក្រោយ ខណៈដែលក្រុមរបស់លោកបានធ្វើដំណើរទៅដល់ទីក្រុងបាងកក ប្រទេសថៃ កាលពីម្សិលមិញ។
ក្រុមតោខៀវ បានលើកដៃសំពះបែបប្រពៃណីថៃ ដើម្បីជាការអរគុណដល់អ្នកគាំទ្រ ដែលទៅទទួលស្វាគមន៍ នៅប្រលានយន្តហោះអន្តរជាតិ Don Muang កាលពីថ្ងៃព្រហស្បតិ៍ម្សិលមិញ មុននឹងត្រូវប្រកួតមិត្តភាពទល់នឹង Thailand All-Stars នៅថ្ងៃសៅរ៍ស្អែកនេះ។
ជាមួយនឹងការមកដល់តំបន់អាស៊ីអាគ្នេយ៍នេះដែរ លោក Mourinho បាននិយាយថា លោកចង់ធ្វើឲ្យបានល្អនៅក្របខ័ណ្ឌអឺរ៉ុបរដូវកាលក្រោយ បន្ទាប់ពីរដូវកាលនេះភ្លាត់ចាញ់ Paris Saint-Germain នៅវគ្គ១៦ក្រុម UEFA Champions League។ បុរសសញ្ជាតិព័រទុយហ្គាល់ បាននិយាយនៅទីក្រុងបាងកកម្សិលមិញថា៖ “យើងនឹងព្យាយាមធ្វើឲ្យបានល្អជាងរដូវកាលនេះ នៅអឺរ៉ុបរដូវកាលក្រោយ”។
អ្នកចាត់ការវ័យ៥២ឆ្នាំ បានលើកឡើងទៀតថា ក្រុមរបស់លោកត្រូវតែខ្លាំងជាងមុន ដើម្បីការពារតំណែងជើងឯក Premier League បាន និងថាគ្មានក្រុមណាមួយល្អជាង Chelsea ទេ នៅទឹកដីអង់គ្លេស។ លោកបាននិយាយថា៖ “វាជារឿងលំបាកមួយ ដែលចង់ការពារតំណែងជើងឯក ព្រោះក្រុមធំៗនឹងព្យាយាមឈ្នះវិញ និងប្រហែលជាមិនឲ្យយើងឈ្នះទាំងសល់៣ប្រកួតដូចរដូវកាលនេះទេ ដូច្នេះយើងត្រូវតែខ្លាំងជាងមុន។ គ្មានក្រុមណាមួយ ល្អជាងក្រុមយើងទេ យើងគឺជាក្រុមល្អបំផុត នៅក្នុងប្រទេស”។
Chelsea នឹងប៉ះ Thailand All-Stars នៅកីឡដ្ឋានជាតិថៃ Rajamangala វេលាម៉ោង០៦:០០នាទីល្ងាច ថ្ងៃសៅរ៍ស្អែកនេះ ដែលរៀបចំឡើងដោយក្រុមហ៊ុន Singha Corporation មុនពេលធ្វើដំណើរបន្តទៅកាន់ប្រទេសអូស្ត្រាលី ប៉ះ Sydney FC នៅថ្ងៃអង្គារសប្ដាហ៍ក្រោយ៕
ក្រុមតោខៀវ បានលើកដៃសំពះបែបប្រពៃណីថៃ ដើម្បីជាការអរគុណដល់អ្នកគាំទ្រ ដែលទៅទទួលស្វាគមន៍ នៅប្រលានយន្តហោះអន្តរជាតិ Don Muang កាលពីថ្ងៃព្រហស្បតិ៍ម្សិលមិញ មុននឹងត្រូវប្រកួតមិត្តភាពទល់នឹង Thailand All-Stars នៅថ្ងៃសៅរ៍ស្អែកនេះ។
ជាមួយនឹងការមកដល់តំបន់អាស៊ីអាគ្នេយ៍នេះដែរ លោក Mourinho បាននិយាយថា លោកចង់ធ្វើឲ្យបានល្អនៅក្របខ័ណ្ឌអឺរ៉ុបរដូវកាលក្រោយ បន្ទាប់ពីរដូវកាលនេះភ្លាត់ចាញ់ Paris Saint-Germain នៅវគ្គ១៦ក្រុម UEFA Champions League។ បុរសសញ្ជាតិព័រទុយហ្គាល់ បាននិយាយនៅទីក្រុងបាងកកម្សិលមិញថា៖ “យើងនឹងព្យាយាមធ្វើឲ្យបានល្អជាងរដូវកាលនេះ នៅអឺរ៉ុបរដូវកាលក្រោយ”។
អ្នកចាត់ការវ័យ៥២ឆ្នាំ បានលើកឡើងទៀតថា ក្រុមរបស់លោកត្រូវតែខ្លាំងជាងមុន ដើម្បីការពារតំណែងជើងឯក Premier League បាន និងថាគ្មានក្រុមណាមួយល្អជាង Chelsea ទេ នៅទឹកដីអង់គ្លេស។ លោកបាននិយាយថា៖ “វាជារឿងលំបាកមួយ ដែលចង់ការពារតំណែងជើងឯក ព្រោះក្រុមធំៗនឹងព្យាយាមឈ្នះវិញ និងប្រហែលជាមិនឲ្យយើងឈ្នះទាំងសល់៣ប្រកួតដូចរដូវកាលនេះទេ ដូច្នេះយើងត្រូវតែខ្លាំងជាងមុន។ គ្មានក្រុមណាមួយ ល្អជាងក្រុមយើងទេ យើងគឺជាក្រុមល្អបំផុត នៅក្នុងប្រទេស”។
Chelsea នឹងប៉ះ Thailand All-Stars នៅកីឡដ្ឋានជាតិថៃ Rajamangala វេលាម៉ោង០៦:០០នាទីល្ងាច ថ្ងៃសៅរ៍ស្អែកនេះ ដែលរៀបចំឡើងដោយក្រុមហ៊ុន Singha Corporation មុនពេលធ្វើដំណើរបន្តទៅកាន់ប្រទេសអូស្ត្រាលី ប៉ះ Sydney FC នៅថ្ងៃអង្គារសប្ដាហ៍ក្រោយ៕
Post a Comment