Real Madrid ទិញខ្សែ បម្រើ ពីក្លឹប Inter Milan ចុះកុងត្រា ៦ ឆ្នាំ

ក្លឹប Real Madrid រកទិញបានខ្សែបម្រើម្នាក់ទៀតហើយ ពីក្លឹប Inter Milan ខណៈសេចក្ដី​សម្រេចរបស់ក្លឹប ចង់សម្រេចកិច្ចកុងត្រាសម្រាប់កីឡាករ​ឲ្យមានរយៈ ពេលវែង រហូតដល់ទៅ ៦ ឆ្នាំ ។

ស្ដេចស Real Madrid បានយល់ព្រមទទួលយកទីផ្សារកីឡាករ Mateo Kovacic ពីក្លឹប Inter Milan ជាផ្លូវការហើយ កាលពីម្សិលមិញ ខណៈដែល តម្លៃខ្លួន កីឡាករមិនបានមានការបង្ហាញនៅឡើយ ។ ទន្ទឹមគ្នានឹង​ការ​សម្រេចចិត្ដនេះផងដែរ ក្លឹបក៏គ្រោងនឹង ចុះហត្ថលេខា លើកិច្ចកុងត្រាកីឡាករ សម្រាប់ រយៈពេលវែង​ដែល​មានរហូតដល់ទៅ ៦ ឆ្នាំ ស្របនឹងពេលនេះ កីឡាករ​ទើបតែមានអាយុ ២១ឆ្នាំ ។

Mateo Kovacic ធ្លាប់មានប្រវត្ដិ លេងឲ្យ Inter Milan បានចំនួន ៩០ប្រកួត ហើយបង្កើតគ្រាប់បាល់ជំនួយ​​បាន ១១គ្រាប់ បន្ទាប់ពីកីឡាករ បានផ្ទេរចូលមកកាន់ ក្លឹបកាលពីឆ្នាំ ២០១៣ ។ Mateo Kovacic និងធ្វើការបង្ហាញខ្លួន នៅក្នុងក្លឹប Real Madrid នៅថ្ងៃស្អែកនេះហើយ ។

ប៉ុន្ដែគូសបញ្ជាក់ផងដែរថាសម្រាប់តម្លៃខ្លួនរបស់កីឡាករ Mateo Kovacic នៅតែស្ថិតក្នុងមន្ទិលសង្ស័យ​ នៅឡើយទេហើយក៏មិនទាន់មានដំណឹងរឺរបាយការណ៍ មួយហ៊ានអះអាងចំនួន ឲ្យពិតប្រាកដនោះដែរ។