ព្រឹត្តិការណ៍កីឡាបាល់ទាត់ជាតិ មិត្តហ្វូនខេមបូឌានលីករដូវកាលឆ្នាំ ២០១៥ (MCL 2015) ដែលទស្សនិកជនរង់ចាំតាមដានអស់រយៈពេលយ៉ាងយូរ បានលេចដំណឹងថានឹងចាប់ផ្ដើមពីដើមខែ កក្កដា តទៅ ដោយប្រើពេលជាង ៣ ខែប៉ុណ្ណោះ។
បើតាមប្រភពកៀកកិតមកពីសហព័ន្ធកីឡាបាល់ទាត់កម្ពុជា (FFC) ការប្រកួតនឹងធ្វើឡើងពីថ្ងៃទី ១ កក្កដា ដល់ ១១ តុលា ឆ្នាំ ២០១៥ ដោយប្រើរូបមន្តប្រកួតលក្ខណៈទៅ-មក (Home/Away) ដែលមានក្រុមចូលរួមចំនួន ១២ ដូចរដូវកាល ២០១៤ ដែរ។ ទូរទស្សន៍ប៉ុស្ដិ៍បាយ័នព័ត៌មាន (BTV) ទទួលបានសិទ្ធផ្សាយផ្ទាល់ពីការប្រកួតធំប្រចាំប្រទេសនេះ។
ស្ថានភាពពេលនេះក្រុមដែលអាចរៀបចំធ្វើជាម្ចាស់ផ្ទះបែប Home/Away បាន មានដូចជា ក្លិបភ្នំពេញក្រោន (RSN Stadium), ក្លិបស្វាយរៀង (កីឡដ្ឋានខេត្តស្វាយរៀង) , ក្លិបក្រសួងការពារជាតិ (កីឡដ្ឋានកងយោធពលខេមរភូមិន្ទ) , ក្លិបវេស្ទើន (កីឡដ្ឋានក្លិប) ហើយទីលានស្មៅសិប្បនិមិត្តពហុកីឡដ្ឋានជាតិ អាចធ្វើជាទឹកដីកណ្ដាល។
ប្រភពបន្ថែមថា មូលហេតុដែលការរៀបចំប្រកួតប្រើពេលខ្លីនេះដោយសារនៅចុងឆ្នាំ សហព័ន្ធកីឡាគ្រោងបង្កើតព្រឹត្តិការណ៍ប្រកួតសំខាន់ៗ ជាច្រើនទៀតដូចជា ពានរង្វាន់មហាអនុតំបន់ទន្លេរមេគង្គ BIDC Cup (ប្រកួតរាល់ ២ ឆ្នាំម្ដង) និងអាចមានពានរង្វាន់ Royal Cup (កាលពីឆ្នាំទៅលើកពេលប្រកួត) ជាដើម។
កាលពីរដូវកាលមុនសហព័ន្ធបានប្រើរូបមន្តប្រកួតសន្សំពិន្ទុ វិលជុំ ២ ជើង ហើយក្រុមភ្នំពេញក្រោន បានក្លាយជាជើងឯក ក្រោយប្រកួត ២២ លើកឈ្នះ ១៧ ស្មើ ៣ និង ចាញ់ ២ ប្រកួត មាន ៥៤ ពិន្ទុ តាមពីក្រោយដោយក្រុមជើងឯករងចម្ការកៅស៊ូបឹងកេត (បឹងកេតអង្គរ) ប្រកួត ២២ លើកឈ្នះ ១៥ ស្មើ ២ និង ចាញ់ ៥ ប្រកួត មាន ៤៧ ពិន្ទុ។
សម្រាប់រដូវកាលនេះមានព័ត៌មានលេចលឺផ្សេងគ្នា ដោយខ្លះថានឹងរៀបចំការប្រកួតបែប សន្សំពិន្ទុ ហើយខ្លះទៀតថាប្រកួតយកក្រុមខ្លាំង ៤ ទៅលេង Play Off។ យ៉ាងណាក៏ដោយ Sabay នឹងស្វែងរកព័ត៌មានបន្ថែមជម្រាបជូននៅពេលក្រោយ៕
បើតាមប្រភពកៀកកិតមកពីសហព័ន្ធកីឡាបាល់ទាត់កម្ពុជា (FFC) ការប្រកួតនឹងធ្វើឡើងពីថ្ងៃទី ១ កក្កដា ដល់ ១១ តុលា ឆ្នាំ ២០១៥ ដោយប្រើរូបមន្តប្រកួតលក្ខណៈទៅ-មក (Home/Away) ដែលមានក្រុមចូលរួមចំនួន ១២ ដូចរដូវកាល ២០១៤ ដែរ។ ទូរទស្សន៍ប៉ុស្ដិ៍បាយ័នព័ត៌មាន (BTV) ទទួលបានសិទ្ធផ្សាយផ្ទាល់ពីការប្រកួតធំប្រចាំប្រទេសនេះ។
ស្ថានភាពពេលនេះក្រុមដែលអាចរៀបចំធ្វើជាម្ចាស់ផ្ទះបែប Home/Away បាន មានដូចជា ក្លិបភ្នំពេញក្រោន (RSN Stadium), ក្លិបស្វាយរៀង (កីឡដ្ឋានខេត្តស្វាយរៀង) , ក្លិបក្រសួងការពារជាតិ (កីឡដ្ឋានកងយោធពលខេមរភូមិន្ទ) , ក្លិបវេស្ទើន (កីឡដ្ឋានក្លិប) ហើយទីលានស្មៅសិប្បនិមិត្តពហុកីឡដ្ឋានជាតិ អាចធ្វើជាទឹកដីកណ្ដាល។
ប្រភពបន្ថែមថា មូលហេតុដែលការរៀបចំប្រកួតប្រើពេលខ្លីនេះដោយសារនៅចុងឆ្នាំ សហព័ន្ធកីឡាគ្រោងបង្កើតព្រឹត្តិការណ៍ប្រកួតសំខាន់ៗ ជាច្រើនទៀតដូចជា ពានរង្វាន់មហាអនុតំបន់ទន្លេរមេគង្គ BIDC Cup (ប្រកួតរាល់ ២ ឆ្នាំម្ដង) និងអាចមានពានរង្វាន់ Royal Cup (កាលពីឆ្នាំទៅលើកពេលប្រកួត) ជាដើម។
កាលពីរដូវកាលមុនសហព័ន្ធបានប្រើរូបមន្តប្រកួតសន្សំពិន្ទុ វិលជុំ ២ ជើង ហើយក្រុមភ្នំពេញក្រោន បានក្លាយជាជើងឯក ក្រោយប្រកួត ២២ លើកឈ្នះ ១៧ ស្មើ ៣ និង ចាញ់ ២ ប្រកួត មាន ៥៤ ពិន្ទុ តាមពីក្រោយដោយក្រុមជើងឯករងចម្ការកៅស៊ូបឹងកេត (បឹងកេតអង្គរ) ប្រកួត ២២ លើកឈ្នះ ១៥ ស្មើ ២ និង ចាញ់ ៥ ប្រកួត មាន ៤៧ ពិន្ទុ។
សម្រាប់រដូវកាលនេះមានព័ត៌មានលេចលឺផ្សេងគ្នា ដោយខ្លះថានឹងរៀបចំការប្រកួតបែប សន្សំពិន្ទុ ហើយខ្លះទៀតថាប្រកួតយកក្រុមខ្លាំង ៤ ទៅលេង Play Off។ យ៉ាងណាក៏ដោយ Sabay នឹងស្វែងរកព័ត៌មានបន្ថែមជម្រាបជូននៅពេលក្រោយ៕
Post a Comment