បន្ទាប់ពីវាយលុកគ្នាទៅវិញទៅមកយ៉ាងស្វិតស្វាញ រយៈពេល៩០នាទីពេញ ក្រុម U-23 កម្ពុជាបានត្រឹមស្មើ ក្រុមម្ចាស់ផ្ទះ U-21 ម៉ាឡេស៊ី ដោយលទ្ធផល ៣-៣ សម្រាប់ការប្រកួតមិត្តភាពកម្តៅសាច់ដុំមុននេះបន្តិចដើម្បីត្រៀមព្រឹត្តិការណ៍ស៊ីហ្គេមនៅប្រទេសសិង្ហបុរីនាពេលខាងមុខ។
ការប្រកួតបានតែ១៣នាទី ក្រុមម៉ាឡេស៊ីបានទម្លាយសំណាញ់ទីរបស់កម្ពុជាដើម្បីនាំមុខ១-០ ប៉ុន្តែតារាឆ្នើមរបស់ស្វាយរៀង ប្រាក់ មុន្នីឧត្តម បានស៊ុតឲ្យក្រុមកម្ពុជាតាមស្មើ ១-១ នៅនាទី៣២រហូតចប់តង់ទីមួយ។
នៅតង់ទីពីរក្រុមម៉ាឡេស៊ីបានបន្តនាំមុខសាជាថ្មី ២-១ ត្រឹមនាទី៥៣ ប៉ុន្តែ៤នាទីក្រោយមក ភួង សុខសាណា បានជួយកម្ពុជាបានតាមស្មើ ២-២ នៅនាទី៥៧ជាលើកទីពីរ។ នាទី៦៨ ម៉ាឡេស៊ីបានទម្លាយសំណាញ់ទីរបស់កម្ពុជាដើម្បីនាំមុខជាលើកទីបី ៣-២ តែ ភាពសប្បាយរីករាយរបស់ម៉ាឡេស៊ីមិនទាន់បានប៉ុន្មានផង ស្រាប់តែកម្ពុជាតាមស្មើម្តងទៀត ៣-៣ ដោយកីឡាករវ័យក្មេង ចាន់ វឌ្ឍនាកា។
ចប់ការប្រកួតម្ចាស់ផ្ទះ U-21 ម៉ាឡេស៊ី បានត្រឹមស្មើកម្ពុជា ៣-៣៕
ការប្រកួតបានតែ១៣នាទី ក្រុមម៉ាឡេស៊ីបានទម្លាយសំណាញ់ទីរបស់កម្ពុជាដើម្បីនាំមុខ១-០ ប៉ុន្តែតារាឆ្នើមរបស់ស្វាយរៀង ប្រាក់ មុន្នីឧត្តម បានស៊ុតឲ្យក្រុមកម្ពុជាតាមស្មើ ១-១ នៅនាទី៣២រហូតចប់តង់ទីមួយ។
នៅតង់ទីពីរក្រុមម៉ាឡេស៊ីបានបន្តនាំមុខសាជាថ្មី ២-១ ត្រឹមនាទី៥៣ ប៉ុន្តែ៤នាទីក្រោយមក ភួង សុខសាណា បានជួយកម្ពុជាបានតាមស្មើ ២-២ នៅនាទី៥៧ជាលើកទីពីរ។ នាទី៦៨ ម៉ាឡេស៊ីបានទម្លាយសំណាញ់ទីរបស់កម្ពុជាដើម្បីនាំមុខជាលើកទីបី ៣-២ តែ ភាពសប្បាយរីករាយរបស់ម៉ាឡេស៊ីមិនទាន់បានប៉ុន្មានផង ស្រាប់តែកម្ពុជាតាមស្មើម្តងទៀត ៣-៣ ដោយកីឡាករវ័យក្មេង ចាន់ វឌ្ឍនាកា។
ចប់ការប្រកួតម្ចាស់ផ្ទះ U-21 ម៉ាឡេស៊ី បានត្រឹមស្មើកម្ពុជា ៣-៣៕
Post a Comment