ក្រោយពីការជួបការខកចិត្តក្នុងការប្រកួតរវាងក្រុមស្ថិតក្នុងទីក្រុងតែមួយកាលពីចុងសប្តាហ៍មុន ក្រុម Juventus នឹងត្រូវការសំណាងពីក្រុមផ្សេងទៀត ប្រសិនបើពួកគេចង់ឈ្នះពាន Serie A ជាលើកទី ៤ ជាប់ៗគ្នានៅពីមុខអ្នកគាំទ្ររបស់ខ្លួននៅរាត្រីថ្ងៃពុធនេះ។
ជាមួយនឹងការនាំមុខ ១៤ ពិន្ទុដាច់នៅលើកំពូលតារាង ខណៈដែលនៅសល់ការប្រកួត ៦ លើកទៀត ក្រុមរបស់លោក Massimiliano Allegri នឹងធ្វើជាម្ចាស់ផ្ទះទទួលភ្ញៀវ Fiorentina នៅកីឡដ្ឋាន Juventus ដោយការដឹងថា ការទទួលជ័យជម្នះនឹងជួយឲ្យពួកគេក្លាយជាម្ចាស់ជើងឯក ប្រសិនបើគូប្រជែងយ៉ាងប្រកៀកបំផុតរបស់ពួកគេ Lazio ភ្លាត់ស្នៀតក្នុងការប្រកួតលើទឹកដីខ្លួនឯងពេលជួប Parma។
ការបញ្ចប់ក្នុងលទ្ធផលស្មើក៏អាចនឹងគ្រប់គ្រាន់សម្រាប់ក្រុមសេះបង្កង់មួយនេះផងដែរក្នុងការឈ្នះពាន Serie A ជាលើកទី ៣១ របស់ពួកគេនៅពាក់កណ្តាលសប្តាហ៍នេះ ប៉ុន្តែ លុះត្រាតែក្រុម Lazio, Roma និង Napoli សុទ្ធសឹងមិនអាចស្វែងរកជ័យជម្នះ ខណៈដែល Napoli ត្រូវធ្វើដំណើរទៅប្រកួតជាមួយនឹងក្រុម Empoli នៅរាត្រីថ្ងៃព្រហស្បតិ៍ស្អែកនេះ។
កាលពីសប្តាហ៍មុន ក្រុម Juventus បានជួបការខកចិត្តក្រោយពីការឈ្នះកៅអីឈានទៅប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ជាលើកទី ១ ក្នុងរយៈពេល ១២ ឆ្នាំ តាមរយៈការរងបរាជ័យ ២-១ ក្រោមស្នាដៃក្រុមស្ថិតក្នុងទីក្រុងតែមួយ Torino ហើយនេះជាការរងបរាជ័យជាលើកទី ១ របស់ពួកគេក្នុងការប្រកួតរវាងក្រុមស្ថិតក្នុងទីក្រុងតែមួយបើគិតចាប់តាំងពីឆ្នាំ ១៩៩៥ ។
ការប្រកួតនេះក៏ត្រូវបានរំខានដោយសារតែការបង្កបញ្ហារបស់អ្នកគាំទ្រផងដែរ ខណៈដែលរថយន្តក្រុងរបស់ក្រុម Juventus ត្រូវបានវាយប្រហារក្នុងពេលធ្វើដំណើរទៅកាន់ កីឡដ្ឋាន ហើយបន្ទាប់មក អ្នកគាំទ្ររបស់ក្រុម Torino ជាច្រើននាក់បានរងរបួស នៅពេលដែលគ្រាប់បែកក្រដាសមួយត្រូវបានគេចោលចូលក្នុងកីឡដ្ឋាន។ Juventus អាចនឹងប្រឈមមុខនឹងការដាក់ទណ្ឌកម្មទៅលើការបិទផ្នែកមួយចំនួននៃកីឡដ្ឋានរបស់ពួកគេដែលអាចនឹងឲ្យមិនមានការបញ្ចប់ដ៏រីករាយក្នុងរដូវកាលនេះ។
ខ្សែបម្រើ Paul Pogba នៅតែត្រូវអវត្តមាន ប៉ុន្តែ កីឡាករ Claudio Marchisio នឹងវិលចូលប្រកួតវិញ ក្រោយពីការជាប់ពិន័យព្យួរ ស្របពេលដែលកីឡាករ Andrea Barzagli, Giorgio Chiellini និងខ្សែប្រយុទ្ធរកគ្រាប់បាល់បានច្រើនជាង Carlos Tevez ក៏នឹងវិលចូលរួមជាមួយក្រុមវិញដែរ។
Fiorentina គឺជាគូប្រជែងដ៏គ្រោះថ្នាក់ បើទោះបីជាការរងបរាជ័យក្នុងផ្ទះខ្លួនឯង ក្រោមស្នាដៃក្រុម Cagliari កាលពីថ្ងៃអាទិត្យ គឺជាការរងបរាជ័យបីលើកជាប់ៗគ្នារបស់ពួកគេក្នុងក្របខ័ណ្ឌ Serie A ក៏ដោយ ស្របពេលលោកគ្រូបង្វឹក Vincenzo Montella បានទទួលស្គាល់ថា ការឈានទៅប្រកួត Europa League វគ្គ ១/២ ផ្តាច់ព្រ័ត្រ បានធ្វើឲ្យក្រុមរបស់លោកអស់ថាមពលជាច្រើន។
ក្នុងចំណោមជំនួបបីលើកចុងក្រោយ ក្រុមទាំងឈ្នះ ១ លើកដូចគ្នា ក្រោយទទួលបានលទ្ធផលស្មើ ១ លើក៕
កម្មវិធីប្រកួតរាត្រីនេះ
AC Milan v Genoa - 1:45 ទៀបភ្លឺ
Cesena v Atalanta - 1:45 ទៀបភ្លឺ
Chievo v Cagliari - 1:45 ទៀបភ្លឺ
Juventus v Fiorentina - 1:45 ទៀបភ្លឺ
Lazio v Parma - 1:45 ទៀបភ្លឺ
Palermo v Torino - 1:45 ទៀបភ្លឺ
Sampdoria v Verona - 1:45 ទៀបភ្លឺ
Sassuolo v Roma - 1:45 ទៀបភ្លឺ
ជាមួយនឹងការនាំមុខ ១៤ ពិន្ទុដាច់នៅលើកំពូលតារាង ខណៈដែលនៅសល់ការប្រកួត ៦ លើកទៀត ក្រុមរបស់លោក Massimiliano Allegri នឹងធ្វើជាម្ចាស់ផ្ទះទទួលភ្ញៀវ Fiorentina នៅកីឡដ្ឋាន Juventus ដោយការដឹងថា ការទទួលជ័យជម្នះនឹងជួយឲ្យពួកគេក្លាយជាម្ចាស់ជើងឯក ប្រសិនបើគូប្រជែងយ៉ាងប្រកៀកបំផុតរបស់ពួកគេ Lazio ភ្លាត់ស្នៀតក្នុងការប្រកួតលើទឹកដីខ្លួនឯងពេលជួប Parma។
ការបញ្ចប់ក្នុងលទ្ធផលស្មើក៏អាចនឹងគ្រប់គ្រាន់សម្រាប់ក្រុមសេះបង្កង់មួយនេះផងដែរក្នុងការឈ្នះពាន Serie A ជាលើកទី ៣១ របស់ពួកគេនៅពាក់កណ្តាលសប្តាហ៍នេះ ប៉ុន្តែ លុះត្រាតែក្រុម Lazio, Roma និង Napoli សុទ្ធសឹងមិនអាចស្វែងរកជ័យជម្នះ ខណៈដែល Napoli ត្រូវធ្វើដំណើរទៅប្រកួតជាមួយនឹងក្រុម Empoli នៅរាត្រីថ្ងៃព្រហស្បតិ៍ស្អែកនេះ។
កាលពីសប្តាហ៍មុន ក្រុម Juventus បានជួបការខកចិត្តក្រោយពីការឈ្នះកៅអីឈានទៅប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ជាលើកទី ១ ក្នុងរយៈពេល ១២ ឆ្នាំ តាមរយៈការរងបរាជ័យ ២-១ ក្រោមស្នាដៃក្រុមស្ថិតក្នុងទីក្រុងតែមួយ Torino ហើយនេះជាការរងបរាជ័យជាលើកទី ១ របស់ពួកគេក្នុងការប្រកួតរវាងក្រុមស្ថិតក្នុងទីក្រុងតែមួយបើគិតចាប់តាំងពីឆ្នាំ ១៩៩៥ ។
ការប្រកួតនេះក៏ត្រូវបានរំខានដោយសារតែការបង្កបញ្ហារបស់អ្នកគាំទ្រផងដែរ ខណៈដែលរថយន្តក្រុងរបស់ក្រុម Juventus ត្រូវបានវាយប្រហារក្នុងពេលធ្វើដំណើរទៅកាន់ កីឡដ្ឋាន ហើយបន្ទាប់មក អ្នកគាំទ្ររបស់ក្រុម Torino ជាច្រើននាក់បានរងរបួស នៅពេលដែលគ្រាប់បែកក្រដាសមួយត្រូវបានគេចោលចូលក្នុងកីឡដ្ឋាន។ Juventus អាចនឹងប្រឈមមុខនឹងការដាក់ទណ្ឌកម្មទៅលើការបិទផ្នែកមួយចំនួននៃកីឡដ្ឋានរបស់ពួកគេដែលអាចនឹងឲ្យមិនមានការបញ្ចប់ដ៏រីករាយក្នុងរដូវកាលនេះ។
ខ្សែបម្រើ Paul Pogba នៅតែត្រូវអវត្តមាន ប៉ុន្តែ កីឡាករ Claudio Marchisio នឹងវិលចូលប្រកួតវិញ ក្រោយពីការជាប់ពិន័យព្យួរ ស្របពេលដែលកីឡាករ Andrea Barzagli, Giorgio Chiellini និងខ្សែប្រយុទ្ធរកគ្រាប់បាល់បានច្រើនជាង Carlos Tevez ក៏នឹងវិលចូលរួមជាមួយក្រុមវិញដែរ។
Fiorentina គឺជាគូប្រជែងដ៏គ្រោះថ្នាក់ បើទោះបីជាការរងបរាជ័យក្នុងផ្ទះខ្លួនឯង ក្រោមស្នាដៃក្រុម Cagliari កាលពីថ្ងៃអាទិត្យ គឺជាការរងបរាជ័យបីលើកជាប់ៗគ្នារបស់ពួកគេក្នុងក្របខ័ណ្ឌ Serie A ក៏ដោយ ស្របពេលលោកគ្រូបង្វឹក Vincenzo Montella បានទទួលស្គាល់ថា ការឈានទៅប្រកួត Europa League វគ្គ ១/២ ផ្តាច់ព្រ័ត្រ បានធ្វើឲ្យក្រុមរបស់លោកអស់ថាមពលជាច្រើន។
ក្នុងចំណោមជំនួបបីលើកចុងក្រោយ ក្រុមទាំងឈ្នះ ១ លើកដូចគ្នា ក្រោយទទួលបានលទ្ធផលស្មើ ១ លើក៕
កម្មវិធីប្រកួតរាត្រីនេះ
AC Milan v Genoa - 1:45 ទៀបភ្លឺ
Cesena v Atalanta - 1:45 ទៀបភ្លឺ
Chievo v Cagliari - 1:45 ទៀបភ្លឺ
Juventus v Fiorentina - 1:45 ទៀបភ្លឺ
Lazio v Parma - 1:45 ទៀបភ្លឺ
Palermo v Torino - 1:45 ទៀបភ្លឺ
Sampdoria v Verona - 1:45 ទៀបភ្លឺ
Sassuolo v Roma - 1:45 ទៀបភ្លឺ
Post a Comment