សង្វៀនប្រដាល់ប៉ុស្តិ៍លេខ ៣ នៅថ្ងៃអាទិត្យ ទី ៣ ខែឧសភា សប្តាហ៍នេះ នឹងនាំមកនូវព្រឹត្តិការណ៍ប្រកួតប្រដាល់ធំចំនួន ២ ក្រោយពីវគ្គផ្តាច់ព្រ័ត្រដណ្តើមខ្សែ ក្រវាត់របស់ Black Panther បានបញ្ចប់នៅរសៀលម៉ោង ៣ នាថ្ងៃដដែលនោះ។
ការប្រកួតលក្ខណៈមិត្តភាពអន្តរជាតិកម្ពុជាថៃនឹងចាប់ផ្តើមជាបន្តរវាងកីឡាករលំដាប់ខ្លាំងទម្ងន់ស្រាលរបស់កម្ពុជាពីររូបដោយកីឡាករ សារឿន ចាន់ និងឡៅ ចន្ទ្រា នឹងត្រូវធ្វើការប្រកួតជាមួយនឹងកីឡាករលំដាប់កំពូលរបស់ថៃ មកពីក្លិបរបស់កីឡាករ Buakaw Banchamek ដែលជាក្លិបមួយសម្បូរកីឡាករល្អបំផុតនៅខេត្តសុរិន្ទ ប្រទេសថៃ។
តាមការឲ្យដឹងពីសំណាក់លោក ទី រ៉ាណាត នាយកគ្រប់គ្រងកម្មវិធីប្រដាល់នៅប៉ុស្តិ៍លេខ ៣ កីឡាកររបស់ថៃមកប្រកួតលើកនេះ សុទ្ធសឹងតែកីឡាករលំដាប់ល្អ មានប្រវត្តិប្រកួត និងបទពិសោធច្រើន និងត្រូវបានធានាថា នឹងធ្វើការប្រកួតចាញ់ និងឈ្នះក្នុងលក្ខណៈតឹងតែង និងស្វិតស្វាញបំផុត ខណៈដែលការផ្គូផ្គងត្រូវបានសម្រិតសម្រាំងល្អជាងមុន។
បើយោងតាមទិន្នន័យដែលភ្នំពេញ ប៉ុស្តិ៍ទទួលបាន ប្រវត្តិប្រកួត និងបទពិសោធរបស់កីឡាករថៃបង្ហាញថា កីឡាករជើងខ្លាំងរបស់កម្ពុជាពីររូបនេះ មិនអាចស៊ីផុយនោះឡើយ ហើយអាចសន្លប់ក្រោមក្បាច់ជង្គង់របស់កីឡាករថៃក៏ថាបានដែរពីព្រោះសមត្ថភាពកម្រិតល្អដូចគ្នា។
សារឿន ចាន់ មកពីក្លិបតាព្រហ្មមានជ័យ ដែលធ្លាប់គ្រងជាម្ចាស់ខ្សែក្រវាត់ K Cement ទម្ងន់ ៥៧ គីឡូក្រាមកាលពីឆ្នាំ ២០១១ នោះ មានបច្ចេកទេសល្អលើស្នៀតជង្គង់ និងកែងរហ័ស ហើយបើនិយាយពីទម្ងន់វិញ រូបគេពិតជាលំបាករកដៃគូប្រកួតណាស់ក្នុងប្រទេស ក្រោយពីឡើងទៅប្រកួតក្នុងទម្ងន់ ៦០ គីឡូក្រាម។
សារឿន ចាន់ នឹងត្រូវប៉ះជាមួយកីឡាករថៃ Naruto Banchamek។ Naruto មានអាយុ ១៩ ឆ្នាំ កម្ពស់ ១,៦៥ ម៉ែត្រ មានប្រវត្តិប្រកួតបានចំនួន ៩៥ ដង ឈ្នះ ៦២ ដង ចាញ់ ៣២ ដង និងស្មើ ១ ។ ស្ថិតិប្រកួតនេះ គឺប្រហាក់ប្រហែលទៅនឹង សារឿន ចាន់ ដែរ ប៉ុន្តែបទពិសោធរបស់កីឡាករថៃរូបនេះអាចល្អជាង សារឿន ចាន់ ។
លោក មាស សុខគ្រី គ្រូបង្វឹករបស់ សារឿន ចាន់ មិនអាចសុំសម្ភាសបានទេ។ ចំណែក សារឿន ចាន់ ផ្ទាល់បាននិយាយថា៖ «ខ្ញុំមិនមានការព្រួយបារម្ភឡើយ ខ្ញុំហាត់បានល្អ និងត្រៀមប្រកួតដើម្បីយកឈ្នះឲ្យបាន»។ ចំណែកជើងខ្លាំងវ័យក្មេងរបស់កម្ពុជា ឡៅ ចន្ទ្រា មកពីក្លិបកងទ័ពឆត្រយោង ៩១១ វិញ បើទោះបីនៅមានបទពិសោធន៍ខ្ចីជាង សារឿន ចាន់ ប៉ុន្តែ ក្នុងប្រវត្តិប្រកួត រូបគេចាញ់តែ ២ ដងគត់ ក្រោយពីចាញ់កីឡាករកម្ពុជាម្តង និងចាញ់ថៃម្តង។
ដៃគូប្រកួតរបស់ចន្ទ្រា គឺជាកីឡាករ Narit Nunkeaw ដែលជាសិស្សជំនិតរបស់កីឡាករប៊ូខាវ អ្នកប្រដាល់ល្បីល្បាញរបស់ថៃដែលមានឈាមជ័រជាខ្មែរសុរិន្ទ និងអាចនិយាយភាសាខ្មែរបានផងដែរ។
Narit Nunkeaw មានអាយុ ២២ ឆ្នាំ កម្ពស់ ១,៦៨ ម៉ែត្រ មានប្រវត្តិប្រកួតបានចំនួន ៥៦ ដង ឈ្នះ ៥១ ចាញ់ ៥ និងមិនដែលស្មើ។
សម្រាប់ការប្រកួតនេះ ទោះបីក្នុងទម្ងន់ស្រាលក្នុងប្រភេទ ៦០ គីឡូក្រាម ប៉ុន្តែបើពិនិត្យលើកម្រិតបច្ចេកទេសក្បាច់គុនវិញ អាចនឹងមានការទាក់ទាញជាងទម្ងន់ធ្ងន់។
លោក ហង្ស ស៊ឺ គ្រូបង្វឹករបស់ ឡៅ ចន្ទ្រា បាននិយាយថា៖ «កូនសិស្សខ្ញុំហ្វឹកហាត់ត្រៀមបានល្អ ខ្ញុំធានាប្រកួតអស់ពីសមត្ថភាព ប៉ុន្តែយើងមិនទាន់អាចកំណត់បានថា ឈ្នះគេប៉ុន្មានភាគរយនោះឡើយ ពីព្រោះយើងមិនធ្លាប់ឃើញការប្រកួតរបស់កីឡាករថៃនោះ»។ ទោះបីយ៉ាងណាលោកគ្រូបង្វឹករូបនេះធានាថា កូនសិស្សក្នុងក្លិបកងទ័ពឆត្រយោង ៩១១ ធានាប្រកួតជូនបងប្អូនទស្សនាមិនឲ្យខកចិត្តនោះឡើយ។
គួររំឭកថា ឡៅ ចន្ទ្រា និង សារឿន ចាន់ ជាកីឡាករជើងខ្លាំងមានទឹកចិត្តវាយសម្រុកមិនដកថយ ហើយធ្លាប់ឈ្នះខ្សែក្រវាត់ដូចគ្នាតាំងពីនៅក្នុងទម្ងន់ ៥៧ គីឡូក្រាមមកម៉េ្លះ ហើយនៅក្នុងទម្ងន់ស្រាលនេះ ពួកគេពិតជាលំបាករកដៃគូប្រកួតក្នុងស្រុកណាស់៕
ការប្រកួតលក្ខណៈមិត្តភាពអន្តរជាតិកម្ពុជាថៃនឹងចាប់ផ្តើមជាបន្តរវាងកីឡាករលំដាប់ខ្លាំងទម្ងន់ស្រាលរបស់កម្ពុជាពីររូបដោយកីឡាករ សារឿន ចាន់ និងឡៅ ចន្ទ្រា នឹងត្រូវធ្វើការប្រកួតជាមួយនឹងកីឡាករលំដាប់កំពូលរបស់ថៃ មកពីក្លិបរបស់កីឡាករ Buakaw Banchamek ដែលជាក្លិបមួយសម្បូរកីឡាករល្អបំផុតនៅខេត្តសុរិន្ទ ប្រទេសថៃ។
តាមការឲ្យដឹងពីសំណាក់លោក ទី រ៉ាណាត នាយកគ្រប់គ្រងកម្មវិធីប្រដាល់នៅប៉ុស្តិ៍លេខ ៣ កីឡាកររបស់ថៃមកប្រកួតលើកនេះ សុទ្ធសឹងតែកីឡាករលំដាប់ល្អ មានប្រវត្តិប្រកួត និងបទពិសោធច្រើន និងត្រូវបានធានាថា នឹងធ្វើការប្រកួតចាញ់ និងឈ្នះក្នុងលក្ខណៈតឹងតែង និងស្វិតស្វាញបំផុត ខណៈដែលការផ្គូផ្គងត្រូវបានសម្រិតសម្រាំងល្អជាងមុន។
បើយោងតាមទិន្នន័យដែលភ្នំពេញ ប៉ុស្តិ៍ទទួលបាន ប្រវត្តិប្រកួត និងបទពិសោធរបស់កីឡាករថៃបង្ហាញថា កីឡាករជើងខ្លាំងរបស់កម្ពុជាពីររូបនេះ មិនអាចស៊ីផុយនោះឡើយ ហើយអាចសន្លប់ក្រោមក្បាច់ជង្គង់របស់កីឡាករថៃក៏ថាបានដែរពីព្រោះសមត្ថភាពកម្រិតល្អដូចគ្នា។
សារឿន ចាន់ មកពីក្លិបតាព្រហ្មមានជ័យ ដែលធ្លាប់គ្រងជាម្ចាស់ខ្សែក្រវាត់ K Cement ទម្ងន់ ៥៧ គីឡូក្រាមកាលពីឆ្នាំ ២០១១ នោះ មានបច្ចេកទេសល្អលើស្នៀតជង្គង់ និងកែងរហ័ស ហើយបើនិយាយពីទម្ងន់វិញ រូបគេពិតជាលំបាករកដៃគូប្រកួតណាស់ក្នុងប្រទេស ក្រោយពីឡើងទៅប្រកួតក្នុងទម្ងន់ ៦០ គីឡូក្រាម។
សារឿន ចាន់ នឹងត្រូវប៉ះជាមួយកីឡាករថៃ Naruto Banchamek។ Naruto មានអាយុ ១៩ ឆ្នាំ កម្ពស់ ១,៦៥ ម៉ែត្រ មានប្រវត្តិប្រកួតបានចំនួន ៩៥ ដង ឈ្នះ ៦២ ដង ចាញ់ ៣២ ដង និងស្មើ ១ ។ ស្ថិតិប្រកួតនេះ គឺប្រហាក់ប្រហែលទៅនឹង សារឿន ចាន់ ដែរ ប៉ុន្តែបទពិសោធរបស់កីឡាករថៃរូបនេះអាចល្អជាង សារឿន ចាន់ ។
លោក មាស សុខគ្រី គ្រូបង្វឹករបស់ សារឿន ចាន់ មិនអាចសុំសម្ភាសបានទេ។ ចំណែក សារឿន ចាន់ ផ្ទាល់បាននិយាយថា៖ «ខ្ញុំមិនមានការព្រួយបារម្ភឡើយ ខ្ញុំហាត់បានល្អ និងត្រៀមប្រកួតដើម្បីយកឈ្នះឲ្យបាន»។ ចំណែកជើងខ្លាំងវ័យក្មេងរបស់កម្ពុជា ឡៅ ចន្ទ្រា មកពីក្លិបកងទ័ពឆត្រយោង ៩១១ វិញ បើទោះបីនៅមានបទពិសោធន៍ខ្ចីជាង សារឿន ចាន់ ប៉ុន្តែ ក្នុងប្រវត្តិប្រកួត រូបគេចាញ់តែ ២ ដងគត់ ក្រោយពីចាញ់កីឡាករកម្ពុជាម្តង និងចាញ់ថៃម្តង។
ដៃគូប្រកួតរបស់ចន្ទ្រា គឺជាកីឡាករ Narit Nunkeaw ដែលជាសិស្សជំនិតរបស់កីឡាករប៊ូខាវ អ្នកប្រដាល់ល្បីល្បាញរបស់ថៃដែលមានឈាមជ័រជាខ្មែរសុរិន្ទ និងអាចនិយាយភាសាខ្មែរបានផងដែរ។
Narit Nunkeaw មានអាយុ ២២ ឆ្នាំ កម្ពស់ ១,៦៨ ម៉ែត្រ មានប្រវត្តិប្រកួតបានចំនួន ៥៦ ដង ឈ្នះ ៥១ ចាញ់ ៥ និងមិនដែលស្មើ។
សម្រាប់ការប្រកួតនេះ ទោះបីក្នុងទម្ងន់ស្រាលក្នុងប្រភេទ ៦០ គីឡូក្រាម ប៉ុន្តែបើពិនិត្យលើកម្រិតបច្ចេកទេសក្បាច់គុនវិញ អាចនឹងមានការទាក់ទាញជាងទម្ងន់ធ្ងន់។
លោក ហង្ស ស៊ឺ គ្រូបង្វឹករបស់ ឡៅ ចន្ទ្រា បាននិយាយថា៖ «កូនសិស្សខ្ញុំហ្វឹកហាត់ត្រៀមបានល្អ ខ្ញុំធានាប្រកួតអស់ពីសមត្ថភាព ប៉ុន្តែយើងមិនទាន់អាចកំណត់បានថា ឈ្នះគេប៉ុន្មានភាគរយនោះឡើយ ពីព្រោះយើងមិនធ្លាប់ឃើញការប្រកួតរបស់កីឡាករថៃនោះ»។ ទោះបីយ៉ាងណាលោកគ្រូបង្វឹករូបនេះធានាថា កូនសិស្សក្នុងក្លិបកងទ័ពឆត្រយោង ៩១១ ធានាប្រកួតជូនបងប្អូនទស្សនាមិនឲ្យខកចិត្តនោះឡើយ។
គួររំឭកថា ឡៅ ចន្ទ្រា និង សារឿន ចាន់ ជាកីឡាករជើងខ្លាំងមានទឹកចិត្តវាយសម្រុកមិនដកថយ ហើយធ្លាប់ឈ្នះខ្សែក្រវាត់ដូចគ្នាតាំងពីនៅក្នុងទម្ងន់ ៥៧ គីឡូក្រាមមកម៉េ្លះ ហើយនៅក្នុងទម្ងន់ស្រាលនេះ ពួកគេពិតជាលំបាករកដៃគូប្រកួតក្នុងស្រុកណាស់៕
Post a Comment