Louis van Gaal អ្នកចាត់ការក្រុម Manchester United នឹងបន្តប្រើប្រាស់លុយធំជាថ្មីម្ដងទៀត នារដូវដោះដូរកីឡាករខាងមុខនេះ ដើម្បីទិញកីឡាករខ្លាំងៗ ដែលមានបទពិសោធន៍ច្រើនស្រាប់ មកចូលរួមក្រុម និងត្រៀមប្រជែងយកពានរង្វាន់ Premier League សាជាថ្មីវិញ នៅរដូវកាលក្រោយ។
អ្នកចាត់ការសញ្ជាតិហុល្លង់ វ័យ៦៣ឆ្នាំរូបនេះ នឹងបង្វែរចំណាប់អារម្មណ៍ទៅលើតែកីឡាករឆ្នើម ដែលលេងនៅក្រុមជម្រើសជាតិល្បីៗតែប៉ុណ្ណោះ ដោយលោកមិនចង់ប្រថុយប្រថានទិញយកកីឡាករក្មេងៗ ដែលមានតម្លៃថ្លៃ ហើយមិនអាចជួយឲ្យក្រុមរឹងមាំ ដល់កម្រិតអាចប្រជែងយកពានរង្វាន់នោះទេ។
កាលពីរដូវកាលមុន Man Utd បានចំណាយលុយប្រមាណ ១៥០លានផោន (ជាង២២២,៥លានដុល្លារ) ដើម្បីយកកីឡាករមកពង្រឹងក្រុម ដែលក្នុងនោះក៏ទិញបានកីឡាករល្បីៗ ដូចជា Radamel Falcao (ខ្ចីជើង) និង Angel di Maria ផងដែរ ប៉ុន្តែជាលទ្ធផលកីឡាករទាំង២នេះ ពុំសូវបានជួយឲ្យបិសាចក្រហមទទួលបានផ្លែផ្កាប៉ុន្មានទេ។
ដោយឡែកសម្រាប់រដូវកាលថ្មីខាងមុខនេះ ទោះបាន ឬមិនបានកៅអីទៅលេង Champions League នៅរដូវកាលក្រោយក៏ដោយ Man Utd នៅតែត្រៀមទឹកប្រាក់មហាសាល ១០០លានផោន (ជាង១៤៨លានដុល្លារ) ដើម្បីត្រៀមទិញជើងខ្លាំងស្រាប់ៗចូល។
ខ្សែការពារវ័យ២៦ឆ្នាំ Mats Hummels របស់ Borussia Dortmund និងម្ចាស់ជ័យលាភីជើងឯក World Cup របស់ក្រុមជម្រើសជាតិអាល្លឺម៉ង់ គឺជាគោលដៅទី១ សម្រាប់លោក Van Gaal។ រីឯ Super Star វ័យក្មេងរបស់ Juventus កីឡាករ Paul Pogba ដែលជាខ្សែបម្រើដ៏មុតស្រួចរបស់ពិភពលោកនោះ គឺជាគោល ដៅទី២ ខណៈដែលខ្សែការពារស្ដាំ Dani Alves របស់ FC Barcelona គឺជាគោល ដីទី៣៕
បើ Man Utd អាចទិញបានកីឡាករកំពូលទាំង៣ខាងលើនេះមែន តើប្រិយមិត្តយល់ថាបិសាចក្រហម អាចលើកពានបានដែរឬទេ រដូវកាលក្រោយ?
អ្នកចាត់ការសញ្ជាតិហុល្លង់ វ័យ៦៣ឆ្នាំរូបនេះ នឹងបង្វែរចំណាប់អារម្មណ៍ទៅលើតែកីឡាករឆ្នើម ដែលលេងនៅក្រុមជម្រើសជាតិល្បីៗតែប៉ុណ្ណោះ ដោយលោកមិនចង់ប្រថុយប្រថានទិញយកកីឡាករក្មេងៗ ដែលមានតម្លៃថ្លៃ ហើយមិនអាចជួយឲ្យក្រុមរឹងមាំ ដល់កម្រិតអាចប្រជែងយកពានរង្វាន់នោះទេ។
កាលពីរដូវកាលមុន Man Utd បានចំណាយលុយប្រមាណ ១៥០លានផោន (ជាង២២២,៥លានដុល្លារ) ដើម្បីយកកីឡាករមកពង្រឹងក្រុម ដែលក្នុងនោះក៏ទិញបានកីឡាករល្បីៗ ដូចជា Radamel Falcao (ខ្ចីជើង) និង Angel di Maria ផងដែរ ប៉ុន្តែជាលទ្ធផលកីឡាករទាំង២នេះ ពុំសូវបានជួយឲ្យបិសាចក្រហមទទួលបានផ្លែផ្កាប៉ុន្មានទេ។
ដោយឡែកសម្រាប់រដូវកាលថ្មីខាងមុខនេះ ទោះបាន ឬមិនបានកៅអីទៅលេង Champions League នៅរដូវកាលក្រោយក៏ដោយ Man Utd នៅតែត្រៀមទឹកប្រាក់មហាសាល ១០០លានផោន (ជាង១៤៨លានដុល្លារ) ដើម្បីត្រៀមទិញជើងខ្លាំងស្រាប់ៗចូល។
ខ្សែការពារវ័យ២៦ឆ្នាំ Mats Hummels របស់ Borussia Dortmund និងម្ចាស់ជ័យលាភីជើងឯក World Cup របស់ក្រុមជម្រើសជាតិអាល្លឺម៉ង់ គឺជាគោលដៅទី១ សម្រាប់លោក Van Gaal។ រីឯ Super Star វ័យក្មេងរបស់ Juventus កីឡាករ Paul Pogba ដែលជាខ្សែបម្រើដ៏មុតស្រួចរបស់ពិភពលោកនោះ គឺជាគោល ដៅទី២ ខណៈដែលខ្សែការពារស្ដាំ Dani Alves របស់ FC Barcelona គឺជាគោល ដីទី៣៕
បើ Man Utd អាចទិញបានកីឡាករកំពូលទាំង៣ខាងលើនេះមែន តើប្រិយមិត្តយល់ថាបិសាចក្រហម អាចលើកពានបានដែរឬទេ រដូវកាលក្រោយ?
Post a Comment