Zlatan Ibrahimović បានហៅប្រទេសបារាំងថា “Shit country” បន្ទាប់ពីក្រុម Paris Saint-Germain ចាញ់ក្រុម Bordeaux ៣-២ ក្នុងការប្រកួត Ligue 1 សប្ដាហ៍ទី២៩ កាលពីយប់មិញ។ យ៉ាងណាក្ដី ខ្សែប្រយុទ្ធឆ្នើមរូបនេះ ក៏បានចេញមកសុំទោសហើយដែរ ដោយនិយាយថា ខ្លួនគ្មានបំណងដៀលដល់ប្រជាជនបារាំងនោះទេ។
កីឡាករអន្តរជាតិស៊ុយអែតរូបនេះ បានរកគ្រាប់បាល់បញ្ចូលទីបាន២គ្រាប់ ឲ្យក្រុមម្ចាស់ជើងឯកបារាំងបានស្មើ ប៉ុន្តែគ្រាប់បាល់ចុងម៉ោងរបស់ Diego Rolan នៃក្រុម Bordeaux បានធ្វើឲ្យក្រុមរបស់លោក Laurent Blanc បាត់បង់ឱកាសឡើងឈរលើកំពូលតារាង។
ក្នុងការប្រកួត ដែលលោកអាជ្ញាកណ្ដាលLionel Jeffredo សម្រេចចិត្តច្រើនលើកច្រើនសារ ដូចជាលំអៀងទៅលើក្រុមម្ចាស់ផ្ទះខ្លាំងពេកនោះ Zlatan បាននិយាយថា៖ “រយៈពេល១៥ឆ្នាំនេះ ខ្ញុំមិនដែលឃើញអាជ្ញាកណ្ដាលរូបណាមួយល្អនោះទេ នៅក្នុង “Shit Country” នេះ។ វាមិនស័ក្ដិសមសម្រាប់ក្រុម PSG ហើយអ្នកក៏មិនមែនកំពុងតែលេងសិល្បៈដែរ”។
បន្ទាប់ពីដឹងខ្លួនថា សម្ដីដូចជាធ្ងន់ៗខ្លាំងពេក អតីតខ្សែប្រយុទ្ធក្រុម AC Milan រូបនេះ ក៏បានចេញមកនិយាយសុំទោសផងដែរថា៖ “ខ្ញុំចង់បញ្ជាក់ថា សម្ដីរបស់ខ្ញុំគឺសំដៅទៅតែលើប្រទេសតែប៉ុណ្ណោះ មិនមែនប្រជាជនបារាំងទេ។ ខ្ញុំនិយាយពីបាល់ទាត់ មិនមែនរឿងអ្វីផ្សេងទេ ហើយខ្ញុំសូមអភ័យទោស ដល់ប្រជាជនបារាំងទាំងអស់ បើខ្ញុំជ្រុលជ្រួសសម្ដី”។
ខ្សែប្រយុទ្ធមាឌធំ ដែលទើបតែរួចផុតពីការពិន័យ២ប្រកួត កាលពីសប្ដាហ៍មុនពេលប៉ះក្រុម Lens រូបនេះ អាចនឹងជាប់ពិន័យទៀត បើសិនជាខាងសហព័ន្ធបាល់ទាត់បារាំងរកឃើញថា មានកំហុសឆ្គងក្នុងពាក្យសម្ដីមិនសមរម្យនេះពិតមែន៕
កីឡាករអន្តរជាតិស៊ុយអែតរូបនេះ បានរកគ្រាប់បាល់បញ្ចូលទីបាន២គ្រាប់ ឲ្យក្រុមម្ចាស់ជើងឯកបារាំងបានស្មើ ប៉ុន្តែគ្រាប់បាល់ចុងម៉ោងរបស់ Diego Rolan នៃក្រុម Bordeaux បានធ្វើឲ្យក្រុមរបស់លោក Laurent Blanc បាត់បង់ឱកាសឡើងឈរលើកំពូលតារាង។
ក្នុងការប្រកួត ដែលលោកអាជ្ញាកណ្ដាលLionel Jeffredo សម្រេចចិត្តច្រើនលើកច្រើនសារ ដូចជាលំអៀងទៅលើក្រុមម្ចាស់ផ្ទះខ្លាំងពេកនោះ Zlatan បាននិយាយថា៖ “រយៈពេល១៥ឆ្នាំនេះ ខ្ញុំមិនដែលឃើញអាជ្ញាកណ្ដាលរូបណាមួយល្អនោះទេ នៅក្នុង “Shit Country” នេះ។ វាមិនស័ក្ដិសមសម្រាប់ក្រុម PSG ហើយអ្នកក៏មិនមែនកំពុងតែលេងសិល្បៈដែរ”។
បន្ទាប់ពីដឹងខ្លួនថា សម្ដីដូចជាធ្ងន់ៗខ្លាំងពេក អតីតខ្សែប្រយុទ្ធក្រុម AC Milan រូបនេះ ក៏បានចេញមកនិយាយសុំទោសផងដែរថា៖ “ខ្ញុំចង់បញ្ជាក់ថា សម្ដីរបស់ខ្ញុំគឺសំដៅទៅតែលើប្រទេសតែប៉ុណ្ណោះ មិនមែនប្រជាជនបារាំងទេ។ ខ្ញុំនិយាយពីបាល់ទាត់ មិនមែនរឿងអ្វីផ្សេងទេ ហើយខ្ញុំសូមអភ័យទោស ដល់ប្រជាជនបារាំងទាំងអស់ បើខ្ញុំជ្រុលជ្រួសសម្ដី”។
ខ្សែប្រយុទ្ធមាឌធំ ដែលទើបតែរួចផុតពីការពិន័យ២ប្រកួត កាលពីសប្ដាហ៍មុនពេលប៉ះក្រុម Lens រូបនេះ អាចនឹងជាប់ពិន័យទៀត បើសិនជាខាងសហព័ន្ធបាល់ទាត់បារាំងរកឃើញថា មានកំហុសឆ្គងក្នុងពាក្យសម្ដីមិនសមរម្យនេះពិតមែន៕
Post a Comment