សិស្សនិស្សិតរបស់សាកលវិទ្យាល័យភូមិន្ទភ្នំពេញ ជិត១០០នាក់ កំពុងបង្កើនការហ្វឹកហាត់តេក្វាន់ដូ យ៉ាងសស្រាកសស្រាំ នៅក្នុងក្លិបតេក្វាន់ដូសាកលវិទ្យាល័យភូមិន្ទភ្នំពេញ តែម្តង ដើម្បីបង្កើនសមត្ថភាពបែបជាអ្នកហាត់គុន បន្ថែមទៅលើការសិក្សាយកជំនាញផ្សេងៗគ្នារបស់ពួកគេ។
គួរបញ្ជាក់ថា ក្លិបតេក្វាន់ដូសាកលវិទ្យាល័យភូមិន្ទភ្នំពេញ ត្រូវបានបង្កើតឡើង ក្រោមការផ្ដួចផ្ដើមរបស់មជ្ឈមណ្ឌលសហប្រតិបត្តិការកម្ពុជា-កូរ៉េ ដោយមានគ្រូបង្វឹកជនជាតិកូរ៉េ និងជាគ្រូបង្វឹកជម្រើសជាតិតេក្វាន់ដូកម្ពុជា លោក ឆយ យ៉ុងសុក ជាអ្នកគ្រប់គ្រងផ្ទាល់ និងមានគ្រូបង្វឹកខ្សែក្រវាត់ខ្មៅ ជាអ្នកបង្ហាត់ជាប្រចាំថ្ងៃគឺនៅរៀងរាល់ពេលល្ងាចចាប់ពីថ្ងៃចន្ទ ដល់ថ្ងៃអាទិត្យតែម្តង ហើយតាមរយៈការបើកឲ្យដំណើរការអស់រយៈពេល៣ខែកន្លងមកនេះ ក្លិបតេក្វាន់ដូថ្មីមួយនេះ មានអ្នកចូលហាត់កាន់តែច្រើន ហើយសមត្ថភាពប្រកួតរបស់ពួកគេមានការរីកចម្រើនគួរឲ្យកត់សម្គាល់។
លោក ឃួន ថាវុធ នាយកមជ្ឈមណ្ឌលសហប្រតិបត្តិការកម្ពុជា-កូរ៉េ បានថ្លែងថា៖«នៅថ្ងៃបើកក្លិបដំបូង កីឡាករកីឡាការិនីរបស់យើង ពាក់ខ្សែក្រវាត់ពណ៌ស តែមកដល់ពេលនេះគ្រប់គ្នា បានពាក់ខ្សែក្រវាត់ពណ៌លឿងទាំងអស់ ហើយពួកគេកំពុងតែធ្វើដំណើរឆ្ពោះទៅកាន់ការទទួលបានខ្សែក្រវាត់ពណ៌ខ្មៅ ព្រោះការហ្វឹក ហាត់របស់ពួកគេមានការរីកចម្រើនល្អណាស់។ ប៉ុន្តែយើងមិនអាចបញ្ជូនឲ្យពួកគេ ទៅចូលរួមការប្រកួតជ្រើសរើសជើងឯកថ្នាក់ជាតិ ឆ្នាំ២០១៥នេះទេ ព្រោះពួកគេនៅខ្ចីពេក តែឆ្នាំក្រោយយើងនឹងចូលរួមជាមិនខាន»។
ក្លិបតេក្វាន់ដូសាកលវិទ្យាល័យភូមិន្ទភ្នំពេញ នៅពេលនេះ មានកីឡាករ កីឡាការិនីចូលហាត់ប្រហែល៩០នាក់ ដែលមានអាយុចាប់ពី១០ឆ្នាំ ដល់២៨ឆ្នាំ ហើយអ្នកទាំងនេះត្រូវបានបែងចែកការហ្វឹកហាត់ទៅតាមវេនយ៉ាងត្រឹមត្រូវ ដោយក្នុង១វេនមានគ្នាមិនលើសពី៤០នាក់នោះទេ ក្រោមការបង្ហាត់របស់គ្រូជំនាញចំនួន២រូបគឺចាប់ពីថ្ងៃចន្ទដល់ថ្ងៃសុក្រ ពួកគេត្រូវហាត់ជាមួយគ្រូបង្វឹកមកពីសាលាករុកោសល្យលោក លឹម ធា ឯថ្ងៃសៅរ៍ និងថ្ងៃអាទិត្យ ត្រូវហ្វឹកហាត់ជាមួយកីឡាករជម្រើសជាតិ រិន ប៊ុនហួត។
លោក លឹម ធា ដែលមានកម្រិតខ្សែក្រវាត់ខ្មៅ២ដាន់នោះ បានប្រាប់កាលពីម្សិលមិញថា៖«ខ្ញុំបង្ហាត់ពីថ្ងៃចន្ទ ដល់ថ្ងៃសុក្រ ដោយចែកជា២វេន គឺវេនទី១ចាប់ពីម៉ោង៥ល្ងាច់ដល់ម៉ោង៦:៣០ និងវេនទី២ ចាប់ពីម៉ោង៦:៣០ ដល់ម៉ោង ៧:៣០ ហើយអ្នកមកហាត់នៅទីនេះភាគច្រើនជាសិស្សនិស្សិតនៅសាកលវិទ្យាល័យភូមិន្ទភ្នំពេញ និងមានមកពីតាមសាលាផ្សេងៗខ្លះដែរ»។
គ្រូបង្វឹកវ័យ២១ឆ្នាំរូបនេះបានបញ្ជាក់ថា៖« ការហ្វឹកហាត់របស់ពួកគេមានការរីកច្រើនឆាប់រហ័ស ព្រោះម្នាក់ៗមានការយកចិត្តទុកដាក់ និងខិតខំប្រឹងប្រែងក្នុងការហ្វឹកហាត់ ហេតុនេះខ្ញុំគិតថា ទម្រាំងដល់ការប្រកួតកីឡាតេក្វាន់ដូ ជ្រើសរើសជើងឯកថ្នាក់ជាតិ ប្រចាំឆ្នាំ២០១៦ គឺអត្តពលិកនៅក្នុងក្លិបតេក្វាន់ដូសាកលវិទ្យាល័យភូមិន្ទភ្នំពេញ មានសមត្ថភាពគ្រប់គ្រាន់ក្នុងការប្រកួតប្រជែងជាមួយក្លិបផ្សេងៗទៀតបាន»៕
លោក ឃួន ថាវុធ នាយកមជ្ឈមណ្ឌលសហប្រតិបត្តិការកម្ពុជា-កូរ៉េ បានថ្លែងថា៖«នៅថ្ងៃបើកក្លិបដំបូង កីឡាករកីឡាការិនីរបស់យើង ពាក់ខ្សែក្រវាត់ពណ៌ស តែមកដល់ពេលនេះគ្រប់គ្នា បានពាក់ខ្សែក្រវាត់ពណ៌លឿងទាំងអស់ ហើយពួកគេកំពុងតែធ្វើដំណើរឆ្ពោះទៅកាន់ការទទួលបានខ្សែក្រវាត់ពណ៌ខ្មៅ ព្រោះការហ្វឹក ហាត់របស់ពួកគេមានការរីកចម្រើនល្អណាស់។ ប៉ុន្តែយើងមិនអាចបញ្ជូនឲ្យពួកគេ ទៅចូលរួមការប្រកួតជ្រើសរើសជើងឯកថ្នាក់ជាតិ ឆ្នាំ២០១៥នេះទេ ព្រោះពួកគេនៅខ្ចីពេក តែឆ្នាំក្រោយយើងនឹងចូលរួមជាមិនខាន»។
ក្លិបតេក្វាន់ដូសាកលវិទ្យាល័យភូមិន្ទភ្នំពេញ នៅពេលនេះ មានកីឡាករ កីឡាការិនីចូលហាត់ប្រហែល៩០នាក់ ដែលមានអាយុចាប់ពី១០ឆ្នាំ ដល់២៨ឆ្នាំ ហើយអ្នកទាំងនេះត្រូវបានបែងចែកការហ្វឹកហាត់ទៅតាមវេនយ៉ាងត្រឹមត្រូវ ដោយក្នុង១វេនមានគ្នាមិនលើសពី៤០នាក់នោះទេ ក្រោមការបង្ហាត់របស់គ្រូជំនាញចំនួន២រូបគឺចាប់ពីថ្ងៃចន្ទដល់ថ្ងៃសុក្រ ពួកគេត្រូវហាត់ជាមួយគ្រូបង្វឹកមកពីសាលាករុកោសល្យលោក លឹម ធា ឯថ្ងៃសៅរ៍ និងថ្ងៃអាទិត្យ ត្រូវហ្វឹកហាត់ជាមួយកីឡាករជម្រើសជាតិ រិន ប៊ុនហួត។
លោក លឹម ធា ដែលមានកម្រិតខ្សែក្រវាត់ខ្មៅ២ដាន់នោះ បានប្រាប់កាលពីម្សិលមិញថា៖«ខ្ញុំបង្ហាត់ពីថ្ងៃចន្ទ ដល់ថ្ងៃសុក្រ ដោយចែកជា២វេន គឺវេនទី១ចាប់ពីម៉ោង៥ល្ងាច់ដល់ម៉ោង៦:៣០ និងវេនទី២ ចាប់ពីម៉ោង៦:៣០ ដល់ម៉ោង ៧:៣០ ហើយអ្នកមកហាត់នៅទីនេះភាគច្រើនជាសិស្សនិស្សិតនៅសាកលវិទ្យាល័យភូមិន្ទភ្នំពេញ និងមានមកពីតាមសាលាផ្សេងៗខ្លះដែរ»។
គ្រូបង្វឹកវ័យ២១ឆ្នាំរូបនេះបានបញ្ជាក់ថា៖« ការហ្វឹកហាត់របស់ពួកគេមានការរីកច្រើនឆាប់រហ័ស ព្រោះម្នាក់ៗមានការយកចិត្តទុកដាក់ និងខិតខំប្រឹងប្រែងក្នុងការហ្វឹកហាត់ ហេតុនេះខ្ញុំគិតថា ទម្រាំងដល់ការប្រកួតកីឡាតេក្វាន់ដូ ជ្រើសរើសជើងឯកថ្នាក់ជាតិ ប្រចាំឆ្នាំ២០១៦ គឺអត្តពលិកនៅក្នុងក្លិបតេក្វាន់ដូសាកលវិទ្យាល័យភូមិន្ទភ្នំពេញ មានសមត្ថភាពគ្រប់គ្រាន់ក្នុងការប្រកួតប្រជែងជាមួយក្លិបផ្សេងៗទៀតបាន»៕
Post a Comment