កាលពីថ្ងៃព្រហស្បតិ៍ ខ្សែបម្រើសញ្ជាតិអេហ្ស៊ីប Mohamed Salah បានធ្វើដំណើរមកដល់ Fiorentina ក្នុងនាមជាកីឡាករខ្ចីជើងពីតោខៀវ Chelsea រយៈពេល ៦ ខែ ហើយអាចនឹងផ្លាស់មកកាន់ក្របខ័ណ្ឌ Serie A ជាអចិន្រ្តៃយ៍នៅរដូវកាលក្រោយ។
ថ្លែងនៅក្នុងឱកាសនោះកីឡាករកម្ពស់ ១,៧៥ ម៉ែត្រ បាននិយាយថា លោកពិតជាសប្បាយចិត្តណាស់ ដែលបានមកកាន់ទីនេះ លោកសូមអរគុណអ្នកទាំងអស់ គ្នាដែលគាំទ្ររូបលោក។ ដូចនេះលោក សង្ឃឹមថា លោកនឹងខិតខំនៅក្នុងការប្រកួតដើម្បីជួយក្រុមទៅតាមអ្វីដែលលោកអាចធ្វើបាន។
គ្រូបង្វឹក Fiorentina លោក Vincenzo Montella ខ្ចីជើង Salah មកនេះគឺដើម្បីជំនួសតំណែងខ្សែបម្រើ សញ្ជាតិកូឡុំប៊ី Juan Cuadrado ដែលចាកចេញពីក្រុម ទៅកាន់ ទឹកដីឡុងដ៍កាលពីសប្តាហ៍មុន។
គួរបញ្ជាក់ផងដែរថា ចាប់តាំពីផ្ទេរពី Basel មកកាន់ទឹកដី Stamford Bridge នៅដើឆ្នាំ ២០១៤ មក កីឡាករវ័យ ២២ឆ្នាំរូប នេះបានបង្ហាញខ្លួននៅក្នុងក្របខ័ណ្ឌ English
Premier League បានតែ ៣ ដង ប៉ុណ្ណោះ៕
Post a Comment