ខ្សែប្រយុទ្ធរបស់ក្លិបតោខៀវ Chelseaកីឡាករ Didier Drogbaបានអះអាងថា តារាបាល់ទាត់ Zlatan Ibrahimovicរបស់ក្លិប Paris Saint-Germainលែងជាខ្សែប្រយុទ្ធអាត្មានិយមទៀតហើយ។
កីឡាករស្ថិតនៅក្នុងក្រុមជម្រើសជាតិស៊ុយអែតម្នាក់នេះ បានវិវត្តន៍ខ្លួនក្លាយជាតារាបាល់ទាត់គ្មានគូផ្ទឹមម្នាក់នៅក្របខណ្ឌកំពូលបាល់ទាត់ Ligue 1 ចាប់តាំងពីចូលលេងឲ្យក្លិប PSGផ្ទេរចេញពីក្លិប AC Milan កាលពីឆ្នាំ២០១២ ហើយកីឡាករ Drogba មានជំនឿយ៉ាងមុតមាំថា ឥរិយាបថគិតតែពីខ្លួនឯងរបស់កីឡាករវ័យ៣៣ឆ្នាំម្នាក់នេះ កាន់តែល្អប្រសើរជាងមុនច្រើន ក្នុងរយៈពេលប៉ុន្មានឆ្នាំចុងក្រោយនេះ។
សូមបញ្ជាក់ថា កីឡាករ Ibrahimovicរងការរិះគន់យ៉ាងច្រើនចំពោះអាជីពបាល់ទាត់របស់គាត់ជាមួយក្លិប Ajaxសម្រាប់ការផ្នត់គំនិតរបស់គាត់ គិតតែពីខ្លួន ដើម្បីបំពេញមហិច្ឆតារបស់ខ្លួន ដើម្បីក្លាយកំពូលអ្នកប្រយុទ្ធគ្មានគូប្រៀបម្នាក់ ជាជាងលេងដើម្បីក្រុម ប៉ុន្តែទំនោរបែបនេះ ត្រូវបរាជ័យទាំងស្រុង អំឡុងអាជីពបាល់ទាត់របស់លោកជាមួយក្រុម Barcelonaរបស់លោក Pep Guardiola។
ទោះបីជាយ៉ាងណាក៏ដោយ កីឡាករ Drogbaបាននិយាយថា កីឡាករស៊ុយអែតម្នាក់នេះ បានដឹងពីកំហុសខ្លួនឯង ហើយបានក្លាយជាកីឡាករដែលមានការផ្លាស់ប្តូរច្រើនជាងមុន៕
Post a Comment