Cristiano Ronaldo មិនមានឈ្មោះស៊ុតបញ្ចូលទីនោះទេ ពេល Real Madrid បានឈ្នះ Deportivo La Coruna ២-០ នៅ La Liga យប់មិញ ប៉ុន្តែម្ចាស់ពាន FIFA Ballon d’Or រូបនេះបានទទួលការចាប់អារម្មណ៍យ៉ាងខ្លាំងដោយសារតែក្បាច់ញាក់បាល់ចូលប្រឡោះជើងគូប្រកួត។
នៅក្នុងនាទី៤២នៃការប្រកួតនោះ Ronaldo បានបណ្ដើរបាល់ពីផ្នែកខាងឆ្វេង រួចញាក់ចូលប្រឡោះជើងកីឡាករ Manuel Pablo របស់ Deportivo ធ្វើឲ្យខ្សែការពារចាស់វស្សាវ័យ៣៩ឆ្នាំដាច់ចង្កេះ រហូតលុតជង្គង់។
ងាកមកមើលការប្រកួតវិញ ២គ្រាប់របស់ក្រុមលោក Carlo Ancelotti យប់មិញនេះ ធ្វើបានដោយ Isco នៅនាទី២៣ និង Karim Benzema នៅនាទី៧៣។ លទ្ធផលនេះ បានធ្វើឲ្យ Real នៅតែបន្តនាំមុខកំពូលតារាង ដោយលើសក្រុមលេខ២ Barcelona ចំនួន៤ពិន្ទុ ប៉ុន្តែ Barca នៅមួយប្រកួតក្នុងដៃ ដែលត្រូវប៉ះ Levante នាម៉ោង១១យប់នេះ៕
Post a Comment