ថៃ២រូប ឆ្លងដែនណាត់ជួប ពេជ្រ ម្ទេសខ្មាំង និង អ៊ុង វិរៈ សាក​កណ្តាប់​ដៃ​គ្នា

ព្រឹត្តិការណ៍ប្រកួតប្រដាល់ជាលក្ខណៈមិត្តភាព អន្តរជាតិក្បាច់គុនបុរាណខ្មែរនៃកម្មពិធីប្រដាល់ កំពូលជើងឯក Black Cat នៅលើសង្វៀន SEA-TV ដែលចាប់ ផ្តើម នាម៉ោង៨យប់ថ្ងៃអាទិត្យ ទី០១ ខែមីនា ឆ្នាំ២០១៥ ចុងសប្តាហ៍ នេះអ្នកប្រដាល់ ពេជ្រ ម្ទេសខ្មាំង ក្លឹបអារុណរៈកីឡា ប៉ះអ្នកប្រដាល់ថៃ Phai Mai Khit ក្នុងប្រភេទទម្ងន់៥៤គ.ក្រ និង អ្នកប្រដាល់កែងឆេះ អ៊ុង វិរៈ ក្លឹបកងពលតូចឆ័ត្រយោង៩១១ ត្រូវប្រកួតជាមួយអ្នកប្រដាល់ថៃ Chha Khit ក្នុងប្រភេទ ទម្ងន់ ៧៣គ.ក្រ ។

អ្នកប្រដាល់កែងឆេះ អ៊ុង វិរៈ (ស្តាំ) និង អ្នកប្រដាល់ថៃ Chha Khit

ពេជ្រ ម្ទេសខ្មាំង ជាអ្នកប្រដាល់វ័យក្មេងដែលមានឈ្មោះល្បីគួរសមដែរ គេធ្លាប់ផ្តួលបរទេស ជាពិសេសអ្នកប្រដាល់ថៃ ជាច្រើននាក់ក្រោមថ្វីជើងរបស់គេ ។ ម្ទេសខ្មាំងជាអ្នកប្រដាល់ មួយរូប ដែលមានកណ្ដាប់ដៃរហ័សធ្ងន់ និងមានចលនា គេចចេញពីការវាយ ប្រហាររបស់គូប្រកួតបានយ៉ារហ័ស ហើយអ្នកប្រដាល់ រូបនេះមានប្រវត្តិប្រកួតចំនួន ៤៨ដង ឈ្នះ ៤២ដង ចាញ់៤ដង និងស្មើ២ដង ។ គេជាអ្នកប្រដាល់សាកលជម្រើសជាតិ តែមុនពេលក្លាយជាអ្នកប្រដាល់សាកល ជម្រើសជាតិគេជាអ្នកប្រដាល់សេរីដ៏អស្ចារ្យមួយរូបដែរ ។

ចំពោះអ្នកប្រដាល់ថៃ Phai Mai Khit មានប្រវត្តិប្រកួតមិនច្បាស់ទេ អ្នកប្រដាល់ថៃរូបនេះអាចនឹងដេកដោយសារ កណ្ដាប់ដៃរបស់ម្ទេស ខ្មាំងតែបើវាយម្ទេស ខ្មាំងឲ្យសន្លប់ គឺមិនអាចទៅរួចនោះទេ ព្រោះអ្នកប្រដាល់កម្ពុជារូបនេះ ព្យាយាមហ្វឹកហាត់ណាស់ ។

រីឯ អ៊ុង វិរៈ វិញជាអ្នកប្រដាល់ដែលមានអំណោយផលទាំងកម្ពស់ និងកាយសម្បទាយ៉ាងរឹងមាំនោះបានក្លាយជាកីឡា ករជើងខ្លាំងស្ទើរតែរកដៃគូប្រកួត លែង ចង់បានទៅហើយ បើប្រៀបធៀបកម្លាំង អ៊ុង វិរៈ ជាមួយនឹងកីឡាករ ថៃភាគរយ ដែល អ៊ុង វិរៈ អាចយកឈ្នះភាគច្រើនបំផុតណាស់ដោយ អ៊ុង វិរៈ វាយសម្រុក ទៅលើសត្រូវ ច្រើនដោយប្រើ ស្នៀតធាក់ ទប់និងថយក្រោយបញ្ចៀសការវាយសម្រុកពីសំណាក់ Chha Khit ។

អ្នកប្រដាល់ ពេជ្រ ម្ទេសខ្មាំង (ស្តាំ) និង អ្នកប្រដាល់ថៃ Phai Mai Khit

អ្នកប្រដាល់ ឡុង សាវលិញ ក្លឹបសាលវ័ន្តកីឡាប្រកួតនឹងអ្នកប្រដាល់ វ៉ាន់ សាវ៉េត ក្លឹបពន្លឺវិបុលរិទ្ធី, អ្នកប្រដាល់ ម៉ៅ ដាំ ដូច ក្លឹបខ្លារខិនមានរិទ្ធ ប៉ះអ្នកប្រដាល់ ប៊ិត ប៊ុនធឿន ក្លឹបតាព្រហ្មមានជ័យបង្រ្កាបគ្រឿងញៀន និងអ្នកប្រដាល់មីស្លីន អាលី ក្លឹបអាស៊ីកីឡា ជួបជាមួយអ្នកប្រដាល់ ចៅ ផលឌឿ ក្លឹបសំរោងកោងកីឡាខេត្ត បាត់ដំបង ៕