ក្រុមបាល់ទាត់អគ្គស្នងការ ហ្វឹកហាត់ ស្វាគមន៍លីកកំពូល ឆ្នាំ២០១៥

ក្រុមបាល់ទាត់អាជីព អគ្គស្នងការដ្ឋាន នគរបាលជាតិ របស់ក្រសួងមហាផ្ទៃ បានត្រៀមខ្លួនរួចរាល់ ហើយក្នុងការ ចូលរួមប្រកួតក្នុង ព្រឹត្តិការណ៍ លីកកំពូលកម្ពុជា Metfone Cambodia League ឆ្នាំ២០១៥ ខាងមុខនេះ ។

លោក Sareth Sidon មន្ត្រីទំនាក់ទំនងព័ត៌មាន ក្រុមអគ្គស្នងការនគរ បាលជាតិបាន មានប្រសាសន៍ថា បន្ទាប់ពីសម្រាក អស់មួយរយៈពេល កន្លងមកក្រុម បាល់ទាត់របស់ លោកកំពុងតែធ្វើការ ហ្វឺកហាត់សព្វថ្ងៃ ដើម្បីពង្រឹងសត្ថមភាពបន្ថែម ទៀតទាំងកម្លាំងកាយ បច្ចេកទេស ប្រយុទ្ធ និងការពារព្រមទាំងទិចនិក ជាច្រើននៅលើទីលានទៀតផង ព្រោះថាក្រុម នីមួយៗដែលត្រៀមចូលរួមការប្រកួតសុទ្ធ សឹងតែជាក្រុមជើងខ្លាំង ទាំងអស់ ក្នុងឆ្នាំនេះ ។

ក្រុមនីមួយៗសុទ្ធសឹង តែបានចម្រាញ់ កីឡាកររបទេស និងកីឡាករខ្មែរល្អ និងមានបទពិសោធន៍ ជាច្រើនឆ្នាំ ។

លោកបានបន្តថា ក្នុងការប្រកួតពានរង្វាន់សម្តេចតេជោ ហ៊ុន សែន លោកបានសង្កេតឃើញថា គ្រប់ក្រុមទាំងអស់មាន កីឡាករខ្មែរល្អៗ ច្រើនជាងឆ្នាំមុន ទំាងទិចនិកនៃការលេង ប្រយុទ្ធ ការការពារនៅលើទីលាន ។ ដូច្នេះក្រុមបាល់ទាត់ អគ្គស្នងការដ្ឋាន នគរបាលជាតិខិតខំប្រឹងប្រែងបន្ថែមទៀតទាំងផ្នែកបច្ចេក ទេស ប្រយុទ្ធ និងការពារឲ្យបានរឹងមាំ ជាងមុន ៕