តារាបាល់ទាត់១០រូប ដែល​មាន​រាង​សង្ហា​ជាង​គេ​ប្រចាំ​ឆ្នាំ​២០១៥ នេះ

បាល់ទាត់ ពេលខ្លះអាចធ្វើឲ្យអ្នកក្លាយទៅ ជាតារាហូលីវូដក៏មានដែរជាមួយនឹងការមាន កេរ្តិ៍ឈ្មោះល្បីរន្ទឺ ទូទាំងពិភពលោកទៀតផងដោយ មានអ្នកគាំទ្រយ៉ាង ច្រើន កុះករ នៅជុំវិញពិភពលោករហូតមកដល់សម័យបច្ចុប្បន្ន និង ធ្វើឲ្យមានរូបរាងសង្ហាផងដែរ ។

ឆ្លៀងក្នុងឱកាសនេះដែរគេហទំព័រ Sport-khmer សូមបង្ហាញជូននូវតារាឆ្នើមចំនួន១០រូបដែលមានរូបរាងសង្ហា ជាងគេប្រចាំឆ្នាំ២០១៥នេះតាមរយៈគេហទំព័រ Sporteology មានដូចខាងក្រោមដែលពួកគេទាំងនេះសុទ្ធសឹងតែនៅ រត់នៅលើទីលាននៅឡើយទេពេលបច្ចុប្បន្ន ។

១. Cristiano Ronaldo ខ្សែប្រយុទ្ធក្លឹប Real Madrid មានរូបរាងសង្ហាដាច់គេជាមួយនឹងសាច់ដុំធំៗមាំមិនចាញ់កីឡា ករប្រដាល់ពិភពលោកមួយចំនួន ឡើយ ក្នុងវ័យ៣០ឆ្នាំ ដោយមានកម្ពស់ ១.៨៥ម៉ែត្ ។ លើសពីនេះទៀត អតីតកីឡាករក្លឹប Man Utd រូបនេះក៏បង្កប់នូវស្នាមញញឹមដ៏គួរឲ្យ ទាក់ទាញផងដែរ និងជំនាញ រត់យ៉ាងលឿននៅលើទីលាន រហូតដល់ឈ្នះពានក្នុងនាមជាកីឡាករ លេងល្អបំផុតរបស់ ពិភពលោកទៀតផងកាលពីឆ្នាំទៅ ។

២. Ricardo Kaka ខ្សែប្រយុទ្ធជនជាតិប្រេស៊ីល ដែលកំពុងលេងឲ្យក្លឹប Orlando City របស់អាម៉េរិកបានឈរនៅ លេខ២ក្នុងនាមជាខ្សែប្រយុទ្ធ មានរូបរាង សង្ហាជាងគេ ។ ក្នុងវ័យ៣២ឆ្នាំ បុរសកម្ពស់ ១.៨៦រូបនេះក៏បន្តលេងបានល្អ ផងដែរនៅលើទីលាន និងបានឈ្នះពាន Ballon D’Or ម្តងដែរកាលពីឆ្នាំ២០០៧ ហើយក៏កំពុងតែមានឈ្មោះលេងឲ្យ ក្រុមជម្រើសជាតិប្រេស៊ីលទៀតផង ។

៣. Robin van Persie ខ្សែប្រយុទ្ធក្លឹបបិសាចក្រហម Manchester United កម្ពស់១.៨៣ម៉ែត្រ ស្ថិតក្នុងវ័យ៣១ឆ្នាំ បានឈរនៅលេខ៣ដែលទើបតែបានជួយឲ្យ ក្រុមជម្រើសជាតិទឹកក្រូចហូឡង់បានជាប់ចំណាត់ថ្នាក់លេខ៣នៅ World Cup 2014 ក្រោយបំបាក់ម្ចាស់ផ្ទះប្រេស៊ីល ៣-០ ។ Van Persie បានឈ្នះស្បែកជើង មាស ២សម័យកាលជាប់គ្នានៅ Premier League ពីការស៊ុតបញ្ចូលទីបានច្រើនជាងគេនៅ Arsenal ឆ្នាំ២០១២ និងឆ្នាំដំបូងនៅ Man Utd ឆ្នាំ២០១៣ ។

៤. Gerard Pique ខ្សែការពារកណ្តាលជនជាតិអេស្ប៉ាញដែលកំពុងប្រកបអាជីពនៅក្នុងក្លឹប FC Barcelona ក្នុងវ័យ ២៧ឆ្នាំ កម្ពស់ ១.៩២ម៉ែត្រ ។ ក្នុងការខិតខំ ប្រឹងប្រែងលេងបុរសជាប្តីរបស់តារាចម្រៀង Shakira មានកូន២នាក់រូបនេះធ្លាប់ឈ្នះពានក្នុងនាមជាខ្សែការពារលេងល្អបំផុតនៅ La Liga របស់អេស្ប៉ាញ កាលពីឆ្នាំ២០១០ ។

៥. Xabi Alonso ខ្សែបម្រើប្រយុទ្ធជនជាតិអេស្ប៉ាញ ដែលកំពុងប្រកបអាជីពនៅទឹកដីអាល្លឺម៉ង់ក្នុងក្លឹប Bayern Munich ស្ថិតក្នុងវ័យ៣២ឆ្នាំ កម្ពស់១.៨៣ម៉ែត្រ ដែលបានឈ្នះពាន១ដែរកាលពីឆ្នាំ២០១២ក្នុងនាមជាកីឡាករបម្រើ លេងល្អបំផុតនៅក្របខណ្ឌ La Liga ។

៦. Cesc Fabregas ខ្សែបម្រើប្រយុទ្ធជនជាតិអេស្ប៉ាញដែលកំពុងលេងឲ្យក្លឹបអង់គ្លេសតោខៀវ Chelsea បានឈរ នៅលេខ៦ក្នុងវ័យ២៧ឆ្នាំ កម្ពស់១.៧៥ ម៉ែត្រ ។ Fabregas ស៊ុតបញ្ចូលទីបាន២៨គ្រាប់ពីការចូលលេងបាន៩៦ប្រកួត នៅក្នុងក្លឹប FC Barcelona គិតចាប់តាំងពីឆ្នាំ២០១១រហូតដល់ឆ្នាំ២០១៤ និងទើបតែស៊ុតបញ្ចូលទីបាន១គ្រាប់នៅ ឡើយពេលលេងនៅ Chelsea បាន៩ប្រកួតមកនេះ ។

៧. David Villa ខ្សែប្រយុទ្ធជនជាតិអេស្ប៉ាញដែលកំពុងលេងឲ្យក្លឹប New York City របស់អាម៉េរិក បន្ទាប់ពីបាន ផ្លាស់ចេញពីក្លឹបទឹកដីកំណើត Atletico Madrid កាលពីរដូវកាលមុននេះ ។ បុរសវ័យ៣២ឆ្នាំ កម្ពស់១.៧៥រូបនេះរក គ្រាប់ស៊ុតបញ្ចូលទីបាន៣៣គ្រាប់ពីការចូលលេងបាន៧៧ប្រកួតនៅចន្លោះឆ្នាំ ២០១០និង២០១៣ ខណៈដែលលេង នៅ At.Madrid រកបាន១៣គ្រាប់ពីការចូលលេងបាន៣៦ពីឆ្នាំ២០១៣ដល់២០១៤ ។

៨. Lukas Podolski ខ្សែប្រយុទ្ធជនជាតិអាល្លឺម៉ង់បានកំពុងលេង ឲ្យក្លឹបកាំភ្លើងធំ Arsenal ក្នុងវ័យ២៩ឆ្នាំ កម្ពស់ ១.៨២ម៉ែត្រ ។ ការលេងនៅទឹកដីអង់គ្លេស នៃកីឡដ្ឋាន Emirate អតីតកីឡាកររបស់ក្លឹប FC Koln រូបនេះទើបតែរក គ្រាប់ស៊ុតបញ្ចូលទីបានចំនួន១៩គ្រាប់ និងពីការចូលលេងបាន៥៧ប្រកួតប៉ុណ្ណោះ ចាប់តាំងពីឆ្នាំ២០១២មក ។ Podolski បានឈ្នះស្បែកជើងប្រាក់កាលពីក្នុងព្រឹត្តិការណ៍ UEFA Euro 2008 និងបានឈ្នះពានក្នុងនាមជាកីឡាករ ក្មេងជាងគេរបស់ FIFA កាលពី World Cup ឆ្នាំ២០០៦ ។

៩. Olivier Giroud ខ្សែប្រយុទ្ធជនជាតិអាល្លឺម៉ង់ដែលកំពុងប្រកបអាជីពនៅក្នុងក្លឹប Arsenal បានឈរនៅចំណាត់ ថ្នាក់ លេខ៩ក្នុងនាមជាកីឡាករ សង្ហា ជាងគេស្ថិតក្នុងវ័យ២៨ឆ្នាំ ដែលមានកម្ពស់ ១.៩២ម៉ែត្រ ។ Olivier Giroud រកគ្រាប់ ស៊ុតបញ្ចូលទីបាន២៨គ្រាប់ ពីការចូលលេងបាន៧២ប្រកួតឲ្យកាំភ្លើងធំ ចាប់តាំងពីឆ្នាំ២០១២មក ហើយ សម្រាប់ក្រុម ជម្រើសជាតិមាន់គកបារាំង Giroud ស៊ុតបញ្ចូលទីបាន៩គ្រាប់ ពីការចូលលេងបាន៣៥ប្រកួត ។

១០. James Rodriguez ខ្សែប្រយុទ្ធវ័យក្មេងជនជាតិកូឡុំប៊ី កម្ពស់១.៨០ម៉ែត្រដែលកំពុងប្រកបអាជីពនៅក្នុងក្លឹបលំ ដាប់លេខ១ពិភពលោកស្តេចស Real Madrid បន្ទាប់ពីបានផ្លាស់ចេញពីក្លឹប AS Monaco របស់បារាំង និងបានឈ្នះ ស្បែកជើងមាសពីការស៊ុតបញ្ចូលទីបាន៦គ្រាប់ផងដែរកាលពី World Cup បាន៦គ្រាប់ច្រើនជាងគេ ។ មួយវិញទៀត James ក៏បានជួយឲ្យក្រុមជម្រើសជាតិនៅតំបន់អាម៉េរិកឡាទីនមួយនេះឈានមកដល់វគ្គ៨ក្រុមចុងក្រោយទៀត ក្រោយជ្រុះទៅវិញបន្ទាប់ពីបានចាញ់ម្ចាស់ផ្ទះប្រេស៊ីល ២-១ នោះ ៕

តើប្រិយមិត្តគិតយ៉ាងណាដែរ?