បាល់ទះវិទ្យាល័យសម្ដេច ហ៊ុន សែន ភ្នំពេញថ្មី ការពារជើងឯក​ បានសម្រច

ក្នុងការប្រកួត បាល់ទះ ក្របខណ្ឌយុវជន តាមបណ្ដាវិទ្យាល័យ ទូទាំងរាជធានីភ្នំពេញ ពានរង្វាន់ Western Cup លើកទី៦ ដែលរៀបចំ ដោយសាកលវិទ្យាល័យ វេស្ទើន ជាមួយនឹងក្រុម វិទ្យាល័យសម្ដេច ហ៊ុន សែន ភ្នំពេញថ្មីការពារ តំណែងជើងឯក បានសម្រេចផងដែរ ។

ព្រឹត្តិការណ៍ដែលបានឆ្លង កាត់ប្រកួតអស់រយៈជាង ១ខែកន្លងមក ដោយទើបនឹងបញ្ចប់ នៅល្ងាចថ្ងៃទី១៦ ខែកុម្ភៈ ឆ្នាំ ២០១៥ម្សិលមិញនៅក្នុងវិមាននៃពហុកីឡ ដ្ឋាន ជាតិ ដោយមាន ២៣ក្រុមចូលរួម ក្រោមរូបភាពជម្រុះ យ៉ាងស្វិតស្វាញ នោះ ក្រុមវិទ្យាល័យ សម្ដេច ហ៊ុន សែន ភ្នំពេញថ្មី បានផ្តួលគូប្រជែងក្រុម វិទ្យាល័យ ជាស៊ីម សាមគ្គី ដើម្បីឈ្នះពាននេះ ២សម័យកាល ជាប់គ្នានៅវគ្គផ្ដាច់ព្រ័ត្រ ។

ជាមួយលទ្ធផលឈ្នះនោះដែរ ក្រុមវិទ្យាល័យសម្ដេច ហ៊ុន សែន ភ្នំពេញថ្មី បានយកឈ្នះលើ ក្រុមវិទ្យាល័យ ជាស៊ីមសាមគ្គី ទាំងលំបាក ដោយលទ្ធផល បច្ចេក ទេស ៣-២សិត មានពិន្ទុ ២៥-១៥, ១៨-២៥, ២៥-២៣, ២៣-២៥ និង ១៥-១៣ ។ រីឯចំណាត់ថ្នាក់លេខ៣ បានទៅ ក្រុមវិទ្យាល័យព្រែកឯង និងលេខ៤ គឺ បានទៅ ក្រុមវិទ្យាល័យជម្ពូវ័ន្ដ ។

គួរបញ្ជាក់ថា សម្រាប់ជ័យលាភីលេខ ១ឆ្នាំនេះ គឺទទួលបាន រង្វាន់យ៉ាងច្រើន ពីថ្នាក់ដឹកនាំ សាកលវិទ្យាល័យ វេស្ទើន ក្នុង នោះមានពាន១ ទង់អនុស្សាវរីយ៍១ ប្រាក់រង្វាន់ ១០លានរៀល អាវយឺត១២ បាល់២គ្រាប់ និងសំណាញ់ហ្វីឡេ១ ។ លេខ២ ទទួលបានទង់ អនុស្សាវរីយ៍១ ប្រាក់រង្វាន់ ៦លានរៀល អាវយឺត១២ បាល់ ២គ្រាប់ និងសំណាញ់ ហ្វីឡេ១ ។ លេខ៣ ទទួលបានទង់អនុស្សាវរីយ៍១ ប្រាក់រង្វាន់ ៤លានរៀល អាវយឺត១២ បាល់២គ្រាប់ និងសំណាញ់ហ្វីឡេ១ និង លេខ៤ ទទួលបានទង់អនុស្សាវរីយ៍១ ប្រាក់រង្វាន់ ៣លានរៀល អាវយឺត១២ បាល់ ២គ្រាប់ និងសំណាញ់ ហ្វីឡេ១ ជាពិសេសក្រុមទាំង ៤នេះ សុទ្ធតែទទួលបាន អាហារូបករណ៍ ៥០%រយៈពេល៤ឆ្នាំ នៅសាកលវិទ្យាល័យវេស្ទើន ទៀតផង ៕