ខ្សែបម្រើ Arjen Robben ទទួលស្គាល់ថា ក្រុម Bayern Munich មានការភិតភ័យបន្តិចបន្តួច ខណៈដែលពួកគេធ្វើដំណើរទៅកាន់ប្រទេសដាច់ដោចដោយសង្គ្រាមអ៊ុយក្រែនដើម្បីទៅជួបក្រុម Shakhtar Donetsk សម្រាប់ការប្រកួតក្របខ័ណ្ឌ Champions League វគ្គ១៦ក្រុមចុងក្រោយ ជើងទី១ នៅរាត្រីនេះ។
ដោយសារតែការប្រយុទ្ធគ្នានៅភាគខាងកើតអ៊ុយក្រែនរវាងកងកម្លាំងរដ្ឋាភិបាល និងក្រុមឧទ្ទាមគាំទ្ររុស្ស៊ី ក្រុម Shakhtar ត្រូវធ្វើការប្រកួតលីកក្នុងទឹកដីរបស់ពួកគេក្នុងទីក្រុងគៀវ ប៉ុន្តែ បានជ្រើសរើសយកលេងការប្រកួតក្របខ័ណ្ឌ Champions League របស់ពួកគេក្នុងទីក្រុង Lviv ក្បែរព្រំប្រទល់ប្រទេសប៉ូឡូញ។
ពួកគេនឹងធ្វើជាម្ចាស់ផ្ទះទទួលភ្ញៀវ Bayern នៅកីឡដ្ឋាន Arena Lviv ចម្ងាយប្រមាណជា១ពាន់គីឡូម៉ែត្រពីកីឡដ្ឋាន Donbass ផ្ទាល់ខ្លួនរបស់ពួកគេក្នុងទីក្រុង Donetsk ដែលត្រូវបានប្រើប្រាស់ជាកន្លែងផ្តល់ជំនួយមនុស្សធម៌។ ក្រុមប្រជុំដោយតារាឆ្នើម Bayern របស់លោក Pep Guardiola នឹងធ្វើដំណើរទៅកាន់ភាគខាងកើតដោយដឹងយ៉ាងច្បាស់ពីស្ថានភាបក្នុងតំបន់នោះ ពោលគឺត្រឹមតែរយៈពេលប៉ុន្មានថ្ងៃក្រោយពីបានកត់ត្រាជ័យជម្នះ ៨-០ លើក្រុម Hamburg កាលពីថ្ងៃសៅរ៍។
Robben ដែលបានស៊ុតបាល់បញ្ចូលទីពីរគ្រាប់នៅពេលជួបក្រុម Hamburg បានឲ្យដឹងថា៖ «ពិតណាស់ យើងដឹងយ៉ាងច្បាស់ពីស្ថានភាពនោះ ហើយវាជះឥទ្ធិពលដល់យើងគ្រប់គ្នា។ អ្នកមិនអាចទៅកាន់ទីនោះ ហើយព្រងើយនឹងអ្វីដែលកំពុងកើតឡើងឡើយ»។ ក្រុម Bayern បានចេញដំណើរពីទីក្រុង Munich ទៅកាន់ទីក្រុង Lviv កាលពីថ្ងៃចន្ទ ហើយគ្រោងត្រឡប់មកវិញនៅព្រឹកថ្ងៃពុធ។ ការនៅក្នុងរយៈពេលតិចជាង៣៦ម៉ោងនៅលើទឹកដីនៃប្រទេសអ៊ុយក្រែន មានន័យថា ក្រុមម្ចាស់ជើងឯកអាល្លឺម៉ង់មួយនេះ ចង់ចំណាយពេលតិចតួចបំផុតតាមដែលអាច ហើយពួកគេបានលុបចោលកកម្មវិធីជប់លាងជាធម្មតានៅមុនការប្រកួតរបស់ពួកគេ។ លោក Guardiola បានទទួលស្គាល់ថា លោក «មានការខ្វល់ខ្វាយអំពីស្ថានភាពក្នុងប្រទេសអ៊ុយក្រែន» ខណៈដែលលោក Karl-Heinz Rummenigge ដែលជាប្រធាក្លិប បានឲ្យដឹងថា «ករណីបទឈប់បាញ់កាលពីចុងសប្តាហ៍មុន បានធ្វើឲ្យបញ្ហាទាំងមូលមានភាពធូរស្រាលសម្រាប់យើង»។
អង្គភាពគ្រប់គ្រងកីឡាបាល់ទាត់ទ្វីបអឺរ៉ុបហៅកាត់ថា UEFA បញ្ជាក់ថា វាគ្មានអ្វីត្រូវព្រួយបារម្ភនោះឡើយ។ អ្នកនាំពាក្យម្នាក់របស់ UEFA បានប្រាប់ថា៖ «សុវត្ថិភាពរាល់អ្នកចូលរួមទាំងអស់ត្រូវបានធានា»។ ក្រុម Bayern បានកម្តៅសាច់ដុំតាមរយៈការផ្តួលក្រុម Hamburg យ៉ាងចាស់ដៃក្នុងទីក្រុង Munich ខណៈដែល , Thomas Mueller និង Mario Geotze សុទ្ធសឹងបានស៊ុតបាល់បញ្ចូលទី២គ្រាប់ដូចគ្នា។ វាជាការរងបរាជ័យដ៏ធំបំផុតរបស់ក្រុម Hamburg និងជាការទទួលជ័យជម្នះដ៏ធំបំផុតក្នុងការប្រកួតលីកសម្រាប់ក្រុម Bayern ក្នុងរយៈពេល៣០ឆ្នាំ។ ក្រុមទាំងពីរមិនធ្លាប់បានជួបប្រកួតគ្នាពីមុនមកឡើយ។ ការប្រកួតនេះនឹងចាប់ផ្តើមនៅម៉ោង២:៤៥ទៀបភ្លឺ (ម៉ោងនៅកម្ពុជា)៕
បីប្រកួតចុងក្រោយរបស់ក្រុម Shakhtar
08.02.15 Shakhtar 2-1 Aalborg
05.02.15 Murcia 1-2 Shakhtar
02.02.15 Shakhtar 1-1 D. Zagreb
បីប្រកួតចុងក្រោយរបស់ក្រុម Bayern
14.02.15 Bayern Munich 8-0 Hamburger SV
07.02.15 VfB Stuttgart 0-2 Bayern Munich
04.02.15 Bayern Munich 1-1 Schalke
Post a Comment