នៅពហុកីឡាដ្ឋានខេត្តស្វាយរៀងនាថ្ងៃទី៧ ខែកុម្ភៈខាងមុខនេះមានការប្រកួតបាល់ទាត់ខ្នាតអន្តរជាតិ

នាថ្ងៃទី៧ ខែកុម្ភៈ ឆ្នាំ២០១៥ខាងមុខនេះសហព័ន្ធកីឡាបាល់ទាត់កម្ពុជាមានរៀបចំការប្រកួតកីឡាបាល់ទាត់លក្ខណៈអន្តរជាតិរវាងក្រុមជម្រើសជាតិកម្ពុជាប្រកួតជាមួយនឹងក្រុមកីឡាបាល់ទាត់ប្រទេសកូរ៉េ និងក្រុមកីឡាបាល់ទាត់យុវជនអាយុក្រោម១៤ឆ្នាំ និងក្រោមអាយុ១៥ឆ្នាំប្រកួតបើកឆាកផងដែរ។

ហេតុនេះសូមបងប្អូនទស្សនិកជន និងយុវជន យុវតីដែលនិយមស្នេហាគាំទ្រវិស័យកីឡាបាល់ទាត់សូមអញ្ជើញចូលរួមទស្សនាឲ្យច្រើនកុះករនៅពហុកីឡាដ្ឋានខេត្តស្វាយរៀង។ កម្មវិធីប្រកួតចាប់ពីម៉ោង៣រសៀលថ្ងៃទី៧ ខែកុម្ភៈ ឆ្នាំ២០១៥នេះទៅ រួមមានគូទី១ រវាងក្រុមសាលាបាល់ទាត់ជាតិអាយុក្រោម១៤ឆ្នាំជួបប្រកួតជាមួយក្រុមយុវជនភ្នំពេញក្រោនក្រោមអាយុ១៥ឆ្នាំ។ គូទី២.ចាប់ពីម៉ោង៥និង៣០នាទីល្ងាចមានការប្រកួតជាអន្តរជាតិរវាងក្រុមកីឡាបាល់ទាត់ជម្រើសជាតិកម្ពុជាជួបប្រកួតជាមួយក្រុមកីឡាបាល់ទាត់ក្លិបបាល់ទាត់កូរ៉េហ្វាសុធ៕