ក្រុមកាំភ្លើងធំ Arsenal នឹងខិតខំព្យាយាមដើម្បីធ្វើការស្រោចស្រង់ពីការរងបរាជ័យក្នុងការប្រកួតរវាងក្រុមស្ថិតក្នុងទីក្រុងតែមួយក្រោមស្នាដៃក្រុម Tottenham Hotspur នៅពេលដែលពួកគេប្រកួតជាមួយនឹងក្រុមបាតតារាង Leicester City នៅកីឡដ្ឋាន Emirates នៅរាត្រីនេះ។ ក្រុមកាំភ្លើងធំមួយនេះមានស្ថិរភាពដ៏គួរឲ្យកត់សម្គាល់អំឡុងពេលការកាន់តំណែងរយៈពេលច្រើនជាង១៨ឆ្នាំរបស់លោកគ្រូបង្វឹកសញ្ជាតិបារាំង Arsene Wenger ក្នុងក្លិបមួយនេះ។
ប៉ុន្តែ ផ្ទុយទៅវិញ ក្រុម Leicester បានបង្ខំចិត្តចេញសេចក្តីប្រកាសមួយកាលពីល្ងាចថ្ងៃអាទិត្យតាមរយៈការបញ្ជាក់ថា លោកក្រូបង្វឹក Nigel Pearson នៅតែជាអ្នកចាត់ការទូទៅរបស់ពួកគេ។ ការប្រកាសនេះត្រូវបានធ្វើក្នុងរយៈពេលត្រឹមតែ២៤ម៉ោងក្រោយពីក្រុម Leicester បានរងបរាជ័យក្នុងផ្ទះខ្លួនឯងក្រោមស្នាដៃក្រុម Crystal Palace ក្នុងលទ្ធផល ១-០ កាលពីថ្ងៃសោរ៍ដែលបានធ្វើឲ្យពួកគេលិចលុងកាន់តែជ្រៅនៅបាតតារាងនៃ Premier League ដើម្បីបញ្ជាក់ថា ការលើកឡើងកាលពីពេលមុននេះថា អ្នកចាត់ការទូទៅរបស់ពួកគេត្រូវបានបណ្តេញចេញ មិនមានលក្ខណៈត្រឹមត្រូវឡើយ។
ក្រុមទាំងពីរសុទ្ធសឹងកំពុងតែមានបំណងក្នុងការធ្វើការស្តារមុខមាត់វិញដូចគ្នា ខណៈដែល Arsenal នឹងស្រេកឃ្លានក្នុងការធ្វើឲ្យការប្រជែងដើម្បីតំណងក្រុមខ្លាំងទាំងបួន ក្រោយពីបានឈ្លាក់ទៅឈរក្នុងចំណាត់ថ្នាក់លេខ៦ ក្រោយពីចាញ់ ២-១ ក្រោមស្នាដៃក្រុម Spurs កាលពីថ្ងៃសៅរ៍។
ក្រុមកាំភ្លើងធំមួយ នឹងកាន់តែមានការជឿជាក់តាមរយៈការវិលត្រឡប់វិញរបស់ Alexis Sanchez ទៅកាន់ក្រុមនេះ ក្រោយពីខ្សែប្រយុទ្ធអន្តរជាតិស៊ីលីរូបនេះត្រូវបង្ខំចិត្តអង្គុយក្រៅទីលានក្នុងការប្រកួតនៅកីឡដ្ឋាន White Hart Lane ដោយសារតែបញ្ហារបួសរសៃរពួរគន្លាក់ជើង។ មិនតែប៉ុណ្ណោះ Arsenal ក៏មានធូរស្រាលផងដែរ ដោយសារតែក្រុម Manchester United មិនអាចយកឈ្នះក្រុម West Ham កាលពីថ្ងៃអាទិត្យ ខណៈដែលការបញ្ចប់ក្នុងលទ្ធផលស្មើ ១-១ បានធ្វើឲ្យក្រុមរបស់លោក Louis Van Gaal បន្តស្ថិតក្នុងចំណាត់ថ្នាក់លេខ៤ដោយនាំមុខលើក្រុម Arsenal ត្រឹមតែ២ពិន្ទុប៉ុណ្ណោះ។
ក្នុងការប្រកួតនៅរាត្រីថ្ងៃអង្គារនេះ គួរតែក្លាយជាផ្លូវឆ្ពោះទៅរកជ័យជម្នះរបស់ក្រុមលោក Arsene Wenger ក្រោយពីពួកគេបានផ្តួលក្រុម Aston Villa យ៉ាងចាស់ដៃក្នុងលទ្ធផល ៥-០ ក្នុងការប្រកួតនៅលើទឹកដីខ្លួនឯងលើកចុងក្រោយរបស់ពួកគេ៕
កម្មវិធីប្រកួតថ្ងៃនេះ
Arsenal v Leicester – ២:៤៥ ទៀបភ្លឺ
ជំនួបបីលើកចុងក្រោយរវាងក្រុមទាំងពីរ
31/08/14 Leicester Cit 1-1 Arsenal
15/05/04 Arsenal 2-1 Leicester City
06/12/03 Leicester City 1-1 Arsenal
Hull City v Aston Villa – ២:៤៥ ទៀបភ្លឺ
31/08/14 Aston Villa 2-1 Hull City
03/05/14 Aston Villa 3-1 Hull City
05/10/13 Hull City 0-0 Aston Villa
Sunderland v QPR – ២:៤៥ ទៀបភ្លឺ
30/08/14 Queens Park Rangers 1-0 Sunderland
09/03/13 Queens Park Rangers 3-1 Sunderland
28/11/12 Sunderland 0-0 Queens Park Rangers
Liverpool v Tottenham – ៣ ទៀបភ្លឺ
31/08/14 Tottenham Hotspur 0-3 Liverpool
30/03/14 Liverpool 4-0 Tottenham Hotspur
15/12/13 Tottenham Hotspur 0-5 Liverpool
Post a Comment