យុវជនចំណូលថ្មី Martin Odegaard បានចូលហ្វឹកហាត់ជាមួយក្រុមឈុតធំ Real Madrid ជាលើកដំបូង កាលពីព្រឹកម្សិលមិញនេះ ប៉ុន្តែការហាត់ជាមួយឈុតធំនេះមិនមែនដើម្បីត្រូវចូលប្រកួតនោះទេ ពោលគឺហាត់ជាមួយឈុតធំក៏ពិតមែន តែត្រូវលេងនៅ Real Madrid B (ឈុតទី២) រហូតចប់រដូវកាលនេះសិន។ នេះបើតាមសម្ដីលោក Carlo Ancelotti ។
ក្រោយពីចប់ការហ្វឹកហាត់ Odegaard បានប្រាប់ទៅអ្នកកាសែតថា៖ “ខ្ញុំមកលេងនៅ Real Madrid នេះគឺមិនមែនតែលុយមួយមុខនោះទេ ព្រោះវាមិនអាចជំរុញចិត្តខ្ញុំបានទាំងអស់ឡើយ។ ខ្ញុំជ្រើសរើសទីនេះគឺមកពីខ្ញុំគិតថាក្លិបមួយនេះ ជាទីកន្លែងល្អបំផុតសម្រាប់ខ្ញុំទៅថ្ងៃអនាគត។ ការដែលអាចចូលលេងក្រោមការដឹកនាំរបស់ Zidane ជារឿងល្អបំផុត ព្រោះគាត់ជាកីឡាករបាល់ទាត់កំពូលម្នាក់”។
យុវជនវ័យ១៦ឆ្នាំរូបនេះមានតម្លៃខ្លួន ២,៣លានផោន (ជាង៣លានដុល្លារ) ហើយទទួលបានតម្លៃខ្លួនប្រចាំសប្ដាហ៍ប្រមាណ ៤ម៉ឺនផោន (ជាង៦ម៉ឺនដុល្លារ)។ គួរបញ្ជាក់ថា មុនមកកាន់ក្លិប Real Madrid យុវជន Odegaard បានធ្វើដំណើរទេសចរណ៍ នឹងធ្វើការហ្វឹកហាត់ជាមួយក្លិបធំៗជាច្រើននៅអឺរ៉ុប ដូចជា Liverpool, Arsenal, Manchester United, Manchester City, Bayern Munich និង Barcelona ជាដើម ប៉ុន្តែចុងក្រោយមានតែក្លិប Real Madrid ប៉ុណ្ណោះ ទើបជាជម្រើសល្អបំផុតសម្រាប់រូបគេ។ Real Madrid នឹងត្រូវប៉ះ Real Sociedad នៅថ្ងៃសៅចុងសប្ដាហ៍នេះ បើតើនេះជាឱកាសល្អសម្រាប់ Odeggard បង្ហាញខ្លួនដំបូងនៅឈុតធំឬយ៉ាងណា ព្រោះក្នុងប្រកួតនេះ Ronaldo មិនអាចចូលលេងបាននោះទេ ?
Post a Comment