ក្រោយឈ្នះពាន FIFA Ballon d’Or ជាលើកទី៣ក្នុងអាជីព កីឡាករ Cristiano Ronaldo បានទទួលស្បែកជើងថ្មីភ្លាមៗពី Nike។
តាមពិតទៅក្រុមហ៊ុនផលិតសម្ភារៈកីឡាដ៏ធំនេះ បានត្រៀមតាំងពីមុន Ronaldo ឈ្នះពាននេះម្ល៉េះ។ ដោយហេតុនេះហើយទើប Nike បានបង្ហាញស្បែកជើងរចនាថ្មី ដែលមានឈ្មោះថា Mercurial CR7 Rare Gold នេះយ៉ាងលឿន ក្រោយការប្រកាសលទ្ធផលយប់មិញ។
Nike បានឲ្យដឹងថាស្បែកជើងថ្មីនេះមានដាំពេជ្រតូចៗយ៉ាងប្រណិត ដើម្បីឲ្យសមនឹងកីឡាករដែលខ្លាំងបំផុតក្នុងលោក។ Ronaldo នឹងពាក់ស្បែកជើងនេះនាការប្រកួតបន្ទាប់៕
Post a Comment