ខ្សែប្រយុទ្ធ Lionel Messi វ័យ២៧ឆ្នាំ របស់ក្លិប Barcelona បានធ្វើឲ្យក្លិប Manchester United មានការចាប់អារម្មណ៍ក្នុងការទិញយករូបគេតាមរយៈការនិយាយថា គេមិនដឹកពីកន្លែងដែលគេនឹងត្រូវលេងនៅឆ្នាំក្រោយឡើយ។
Man United ក៏កំពុងតែព្យាយាមនាំយកខ្សែប្រយុទ្ធ Thomas Muller វ័យ២៥ របស់ក្លិប Bayern Munich ផងដែរ ខណៈដែលកីឡាកររូបនេះកំពុងតែចង់ចាកចេញពីកីឡដ្ឋាន Allianz Arena។
កាសែត Daily Star។
ក្លិប Arsenal កំពុងត្រៀមបង្កើនការដេញថ្លៃរបស់ខ្លួនដើម្បីនាំយកខ្សែបម្រើ Krystian Bielik វ័យ១៧ឆ្នាំ របស់ក្លិប Legia Warsaw ប៉ុន្តែ ប្រឈមមុខនឹងការប្រជែងពីសំណាក់ក្លិប Hamburg របស់អាល្លឺម៉ង់។ កាសែត The Times។
ក្លិបកាំភ្លើងធំមួយនេះ ក៏ចាប់អារម្មណ៍ក្នុងការផ្ទេរខ្សែប្រយុទ្ធ Bafetimbi Gomis វ័យ២៩ឆ្នាំ របស់ក្លិប Swansea ផងដែរ។ កាសែត Daily Mail។
ក្លិប Juventus កំពុងតែចាប់អារម្មណ៍ក្នុងការចុះហត្ថលេខាជាមួយនឹងខ្សែប្រយុទ្ធ Mario Balotelli វ័យ២៤ឆ្នាំរបស់ក្លិប Liverpool ក្នុងលក្ខខណ្ឌខ្ចីជើងនៅខែនេះ ជាមួយនឹងជម្រើសមួយក្នុងការផ្ទេរជាផ្លូវការក្នុងតម្លៃខ្លួន១៤លានដផោន (ស្មើនឹង២១,១២លានដុល្លារអាមេរិក) នៅរដូវក្តៅខាងមុខ។ កាសែត The Times។
ខ្សែបម្រើ Ravel Morrison វ័យ២១ឆ្នាំ របស់ក្លិប West Ham កំពុងតែស្ថិតយ៉ាងប្រកៀកក្នុងការផ្ទេរទៅកាន់ក្លិប Lazio របស់អ៊ីតាលី ក្រោយពីធ្លាក់ចេញពីការចាប់អារម្មណ៍នៅកីឡដ្ឋាន Upton Park។ កាសែត Mirror។
ខ្សែប្រយុទ្ធ Emmanuel Adebayor របស់ក្លិប Tottenham កំពុងតែរៀបចំកិច្ចពិភាក្សាមួយក្នុងការផ្ទេរទៅកាន់ក្លិប Parma ប៉ុន្តែ ក្លិបរបស់អ៊ីតាលីមួយនេះកំពុងតែស្ទាក់ស្ទើរទៅលើការទាមទារប្រាក់បៀរវត្សរ៍របស់គេ។ កាសែត London Evening Standard។
ក្លិប Crystal Palace កំពុងតែស្ថិតយ៉ាងប្រកៀកក្នុងការខ្ចីជើងខ្សែប្រយុទ្ធ Yaya Sanogo វ័យ២១ឆ្នាំ របស់ក្លិប Arsenal។ កាសែត Daily Star។
ខ្សែការពារ Alvaro Arbeloa វ័យ៣១ឆ្នាំរបស់ក្លិប Real Madrid នឹងត្រូវបោះបង់ការចូលរួមជាមួយនឹងក្លិប Arsenal និង Chelsea និងជ្រើសរើសយកការវិលទៅកាន់ក្លិបចាស់របស់គេវិញ Liverpool។ កាសែត Express៕
Post a Comment