ខ្សែបម្រើស្លាប Juan Cuadrado ពិតជាមកចូលរួមជាមួយ Chelsea មែន ក្នុងតម្លៃខ្លួន ២៦,៨លានផោន (៤០លានដុល្លារអាមេរិក) ក្រោយពីមានការបញ្ជាក់ពីអ្នកចាត់ការក្រុម Fiorentina និងមានកម្មវិធីលាគ្នាផងដែរកាលពីថ្ងៃសុក្រម្សិលមិញ។
Cuadrado ត្រូវបានគេដឹងថាបានថតរូបអនុស្សាវរីយលាគ្នាជាមួយមិត្តរួមក្រុម Fiorentina រួចរាល់ហើយ នឹងសង្ឃឹមថាមកដល់អង់គ្លេសនៅព្រឹកថ្ងៃសៅនេះ ដើម្បីពិនិត្យសុខភាព និងធ្វើពិធីបង្ហាញខ្លួននៅ Stamford Bridge ។
ចំណែកឯ លោក Vincenzo Montella អ្នកចាត់ការក្រុមនៅអ៊ីតាលីខាងលើរូបនេះក៏បាននិយាយដែរថា៖ “ក្នុងនាមខ្ញុំជាអ្នកចាត់ការនៅក្លិប Fiorentina ខ្ញុំពិតជាសោកស្ដាយខ្លាំងណាស់ដែលបាត់បង់ Cuadrado ប៉ុន្តែនេះជារឿងដែលយើងធ្វើត្រឹមត្រូវហើយ។ ខ្សែបម្រើស្លាបវ័យ២៦ឆ្នាំរូបនេះចេញ គឺជាឱកាសដ៏ល្អសម្រាប់យើងក្នុងការនាំ Salah មកវិញ។ នេះជាអ្វីដែលយើងគួរធ្វើបំផុត”។
ខ្សែបម្រើស្លាប Juan Cuadrado រូបក្នុងរង្វង់
ការដែលខ្សែបម្រើជម្រើសជាតិកូឡុំប៊ីខាងលើបានទៅលេងនៅ Chelsea គឺដោយសារមានការដោះដូរមួយចំនួន ពោលគឺក្រុមលោក Jose Mourinho ដាក់តម្លៃខ្លួន២៦,៨លានផោន ហើយក៏ឱ្យក្រុម Fiorentina ខ្ចីជើង ឬទិញដាច់កីឡាករ Mohamed Salah វិញផងដែរ៕
Post a Comment