កីឡាការិនីកម្ពុជា២រូបត្រូវបានជាប់ឈ្មោះទៅចូលរួមប្រកួតក្នុងព្រឹត្តិការណ៍កីឡាស៊ីហ្គេមឆ្នាំ២០១៥នៅប្រទេសសិង្ហបុរីនាពាក់កណ្ដាលឆ្នាំនេះ ខណៈកន្លងមកកម្ពុជាមិនធ្លាប់បានបញ្ជូនកីឡាការិនីទៅចូលរួមឡើយ។
លោកបាននិយាយថា ៖«ក្រុមហ៊ុនឧបត្ថម្ភមិនចង់ដាក់ឲ្យមានកីឡាប្រដាល់សាកលប្រកួតទេនៅកម្មវិធីដែលគេឧបត្ថម្ភ គេចង់បានតែប្រដាល់សេរី អីចឹងយើងបានត្រឹមហ្វឹកហាត់ និងសាកកម្លាំងគ្នានៅកន្លែងហាត់ប៉ុណ្តោះ។ ខ្ញុំសំណូមពរឲ្យម្ចាស់កម្មវិធីប្រដាល់ទូរទស្សន៍ ឬម្ចាស់ឧបត្ថម្ភមេត្តាជួយបង្កើនចំនួនប្រដាល់សាកលផង ព្រោះយើងត្រូវការសមត្ថភាពកីឡាករប្រដាល់សាកលដើម្បីទៅស៊ីហ្គេមដណ្តើមមេដាយជួនជាតិ»។ រាល់ថ្ងៃកីឡាករ៦រូប កីឡាការិនី២រូបនិងគ្រូបង្ហាត់៣រូបកំពុងហ្វឹកហាត់យ៉ាងសកម្មនៅដំបូលទូកក្នុងបរិវេណពហុកីឡដ្ឋានអូឡាំពិក។ កាលពីស៊ីហ្គេមឆ្នាំ២០១៣កម្ពុជាបានបញ្ជូនកីឡាករ៦រូបទៅហ្វឹកហាត់នៅប្រទេសថៃ និងមិនទទួលលទ្ធផលអ្វីសោះពីការប្រកួតស៊ីហ្គេមនៅប្រទេសមីយ៉ាន់ម៉ា ប៉ុន្តែឆ្នាំនៅពុំទាន់ដឹងច្បាស់ថាត្រូវបញ្ជូនទៅហ្វឹកហាត់នៅក្រៅប្រទេសទៀតឬយ៉ាងណានោះទេ៕
កីឡាការិនី វី ស្រីឆាយ (ស្តាំ)កាលថ្លឹងទម្ងន់ប្រកួតនឹង សុំ ថារ័ត្ន
លោក វ៉េន សុផល គ្រូជំនួយប្រដាល់សាកលជម្រើសជាតិបានឲ្យដឹងថា កីឡាការិនីទាំងពីរនាក់នោះគឺ វី ស្រីឆាយ ក្នុងប្រភេទទម្ងន់៥៤គីឡូក្រាម និង អេព្រីយ៉ានុត ភូថង (អេ យ៉ានុត)ជាកូនស្រីលោកអេ ភូថងក្នុងប្រភេទទម្ងន់៥៧គីឡូក្រាម។ នេះជាលើកដំបូងហើយដែលសហព័ន្ធបានស្នើសុំដល់ប្រធានឲ្យបញ្ជូនកីឡាការិនីចូលរួមប្រកួតព្រឹត្តិការណ៍កីឡាស៊ីហ្គេម។ លោកបាននិយាយថា ៖«យើងសង្កេតឃើញថា បណ្តាប្រទេសផ្សេងៗនៅអាស៊ានបញ្ជូនកីឡាការិនីតូចតូច ហើយប្រទេសណាមានកីឡាការិនីច្រើនងាយស្រួលដណ្តើមបានមេដាយ ព្រោះពេលមានកីឡាការិនីតិចងាយឡើងទៅវគ្គបន្ត បើគ្រាន់តែឈ្នះមួយឬពីរប្រកួត»។ «យើងមានមោទនភាពដែលបានបញ្ជូនកីឡាការិនីទៅប្រកួតនៅឆ្នាំនេះ ពីព្រោះកន្លងមកមិនធ្លាប់បានបញ្ជូន ខណៈធនធានកីឡាការិនីយើងមានស្រាប់»។ ទោះបីយ៉ាងណាលោកបានបញ្ជាក់ថា តាមពិតទៅកីឡាការិនីទាំងពីរនាក់នេះមិនធ្លាប់មានបទពិសោធន៍ប្រដាល់សាកលម្តងណាឡើយ ពួកគេធ្លាប់តែប្រដាល់សេរីតែប៉ុណ្ណោះ។ ទន្ទឹមជាមួយគ្នានេះ លោកគ្រូបង្វឹករូបនេះបានត្អូញត្អែរពីកង្វះខាននៃការឡើងប្រកួតរបស់កីឡាករ កីឡាការិនីនៅតាមសង្វៀនដើម្បីបង្កើនសមត្ថភាពរបស់ពួកគេ។ ប្រសិនបើពួកគេមិនបានឡើងអនុវត្តផ្ទាល់នៅលើសង្វៀនទេ ពួកគេនឹងមិនមានសមត្ថភាពពេញលេញនោះទេ ពីព្រោះការហាត់រាល់ថ្ងៃមិនដូចការអនុវត្តផ្ទាល់។ 
Post a Comment