ប្រាក់មុន្នីឧត្ដម ថ្លែងការសុំទោសចំពោះ លទ្ធផលកាលពីយប់មិញ រវាងក្រុមជម្រើសជាតិ កម្ពុជា​ នឹងស៊េរីយ៉ា

ខ្សែប្រយុទ្ធដ៏ឆ្នើមរបស់ក្រុមជម្រើសជាតិ កម្ពុជា បានបង្ហាញពីការសោកស្ដាយជាខ្លាំង​នឹង​លទ្ធផល ក្រោយទទួលបាន ដោយពិន្ទុ ៦-០ កាលពីយប់មិញ និងការ ថ្លែងអំណរគុណយ៉ាងជ្រាលជ្រៅ​ដល់ អ្នកគាំត្រទាំងអស់ ។

កាលពីប៉ុន្មាននាទីមុននេះ កីឡាករ ប្រាក់មុន្នីឧត្ដម ដែលជាខ្សែប្រយុទ្ធដ៏ឆ្នើមរបស់ក្រុមជម្រើសជាតិ​កម្ពុជា បានធ្វើការសុំទោសពីប្រិយមិត្ដគាំទ្រជនរួមជាតិ ទាំង អស់ ចំពោះលទ្ធផលប្រកួត កាលពីយប់​មិញដែល​ ក្រុម​ជ​ម្រើស​ជាតិកម្ពុជា​​ត្រូវ បរាជ័យ ក្រោមថ្វីជើងរបស់ ជម្រើសជាតិ ស៊េរីយ៉ា ក្រោមលទ្ធផល​ពន្ទុ ៦-០ ។

កីឡាករ ប្រាក់មុន្នីឧត្ដម បានរៀបរាប់ពាក្យជាច្រើន លើទំព័រ ហ្វេសប៊ុកផ្ទាល់ខ្លួន របស់គាត់ថា " សូមអភ័យទោសដល់ទស្សនិកជនទាំងអស់ដែលបានខិតខំមក មើលទាំងមេឃភ្លៀង និងគាំទ្រដល់ក្រុមជម្រើសជាតិរបស់យើង ហើយពួកយើងមិនអាចរកលទ្ធផលល្អជូនក្រុម និងអ្នកទាំងអស់គ្នាបាន។ យើងនឹងខិតខំប្រឹងប្រែង បន្ថែមដើម្បីលទ្ធផលល្អជូនប្រទេសរបស់យើង។ សូមអរគុណសំរាប់ការគាំទ្រដ៏អស្ចារ្យដែលអ្នកទាំងអស់គ្នាបានផ្តល់មកកាន់ពួកយើង។ "

ប៉ុន្ដែមិនជាថ្វីនោះទេ ស្របពេលដែល​ កម្ពុជា ត្រូវបរាជ័យនោះ លោក Fajr Ibrahim ដែលជាគ្រូបង្វឹកក្រុមជម្រើសជាតិ ស៊េរីយ៉ា បានកោតសរសើរ កីឡាករខ្មែរថា មានទេព្យកោសល្យល្អ ប៉ុន្ដែក្នុងវិស័យបាល់ទាត់ ត្រឹមតែមានទេពកោសល្យល្អ មិនទាន់គ្រប់គ្រាន់នោះទេ គឺកីឡាករម្នាក់ៗត្រូវ មានមូលដ្ឋានគ្រឹះពីក្រោមឲ្យបាន ល្អសិន។ បើយោងតាម Lookingtoday។