អ្នកប្រដាល់ជើងខ្លាំងរបស់កម្ពុជា កែវ រំចង់ ក្លិបកងពលតូចអន្តរាគមន៍លេខ៨ ភ្នំទ្រព្យ បន្ទាប់ពីស្តារមុខមាត់តាមរយៈការយកឈ្នះអ្នកប្រដាល់ថៃLomisan Sor .Tawan Rung ក្នុងទឹកទី២កាលពីថ្ងៃទី១៩ ខែកក្កដាកន្លងមកនេះ ពេលនេះគេនឹងត្រូវជួបប្រកួតជាមួយអ្នកប្រដាល់ថៃមួយរូបទៀត គឺOrono Tor . Taw នៅល្ងាចថ្ងៃសុក្រ ទី០៧ ខែសីហាខាងមុខនេះ លើសង្វៀនបាយ័នស្ទឹងមានជ័យ។
នេះជាការជួបប្រកួតជាលក្ខណៈមិត្តភាពអន្តរជាតិ ក្នុងប្រភេទទម្ងន់៧១គីឡូក្រាម។ Orono Tor.Taw នេះ មិនធ្លាប់មកប្រកួតនៅស្រុកខ្មែរទេកន្លងមក។ ហើយគេក៏ពុំដឹងថា អ្នកប្រដាល់ថៃរូបនេះ មានប្រវត្តិប្រកួតកម្រិតណា និងកំណត់ត្រាប្រកួតប៉ុន្មានលើកនោះដែរ។
តែបើតាមអ្នកផ្គូផ្គងថា Orono Tor.Taw នេះ បើប្រៀបធៀបជាមួយLomisan Sor.Tawan អ្នកប្រដាល់ថៃលើកមុននោះ គឺមានកម្រិតអន់ជាងទេ ទាំងកម្ពស់ ទាំងប្រវត្តិប្រកួត ក៏ដូចជាផ្លែផ្ដួលគូប្រកួតឲ្យសន្លប់ដែរ។
ទោះជាយ៉ាងណា Lomisan Sor.Tawan មកជួបប្រកួតជាមួយ រំចង់ ដែលមានប្រវត្តិប្រកួតចំនួន១១៦ដង ឈ្នះ១០២ចាញ់១០ដង និងស្មើ៤ដង ហើយ រំចង់ធ្លាប់ផ្ដួលគូប្រកួតឲ្យសន្លប់ចំនួន៤១ដងនោះ អ្នកប្រដាល់ថៃLomisan Sor.Tawan មិនដឹងថាគេជួបសំណាងល្អ ឬសំណាងអាក្រក់នោះទេ?
អៀង ចាន់ល័ក្ខ អ្នកប្រដាល់ក្លិបកងទ័ពជើងគោក នឹងជួបសាកកណ្ដាប់ដៃជាមួយ ឯម លីថូ អ្នកប្រដាល់ជើងចាស់ក្លិបឫទ្ធីពោធិសែនជ័យ។ ពីរនាក់នេះប្រកួតក្នុងទម្ងន់៦០គីឡូក្រាម។
ចាន់ល័ក្ខ នេះ ជាអ្នកប្រដាល់ដែលមិនសូវប្រសប់ក្បាច់បុរាណខ្មែរប៉ុន្មានទេ គឺគេមានជំនាញខាងវាយក្នុងទ្រុង គេមានក្បាច់បោក ក្លេដៃជើង ប៉ុន្តែដល់មកប្រកួតក្បាច់បុរាណខ្មែរ ដែលហាមឃាត់នោះ ចាន់ល័ក្ខ រកចេញស្នៀត និងក្បាច់មិនឃើញទេ។
ដូច្នេះជួបប្រកួតជាមួយ ឯម លីថូ លើកនេះ ប្រហែលជាមិនឈ្នះនោះទេ។ ចាន់ល័ក្ខ ប្រកួតចុងក្រោយនេះ វាយចាញ់ ភុន សោភ័ណ្ឌ ក្លិបនាគរាជមានជ័យ ក្នុងទឹកទី៣។ ចំពោះ ឯម លីថូ ការប្រកួតចុងក្រោយ ក៏ប្រកួតចាញ់ សល់ ពិសិដ្ឋ ក្លិបកុសលកីឡាក្នុងទឹកទី៣ដែរ។ ដូច្នេះការជួបជាមួយ អៀង ចាន់ល័ក្ខ នេះ ក៏មិនប្រាកដថាឈ្នះ១០០ភាគរយដែរ។
ឃីម សាវ៉េត អ្នកប្រដាល់ក្លិបព្រះខ័នរាជ និង ញ៉េ សិទ្ធ អ្នកប្រដាល់ក្លិបអេភូថងកីឡា នឹងជួបគ្នាជម្រះបញ្ជី បន្ទាប់ពីការជួបគ្នាលើកមុន(០៩ឧសភា២០១៥) ពួកគេប្រកួតស្មើពិន្ទុគ្នានោះ។ ញ៉េ សិទ្ធ គេក៏មិនជាអន់ប៉ុន្មានដែរ ទោះបីជាគេជាអ្នកប្រដាល់ស្រករក្រោយ ឃីម សាវ៉េតក្តី។ គេប្រកួតចុងក្រោយនេះ ឈ្នះ ផាន់ សារ៉ែម ក្លិបគុជសាកីឡាក្នុងទឹកទី៤។ ឯ ឃីម សាវ៉េត ប្រកួតចុងក្រោយនេះ វាយឈ្នះ ថន វាសនា ក្លិបនាគរាជមានជ័យដោយពិន្ទុ។ ចាំមើលជួបគ្នាជម្រះបញ្ជីលើកនេះ តើនរណាជាអ្នកឈ្នះ ឬក៏ស្មើគ្នាទៀត?
ឡៅ ផានាថ អ្នកប្រដាល់ក្លិបរស្មីកុមារកំព្រា នឹងឡើងប្រកួតសងសឹក នូវ ស៊ីថា អ្នកប្រដាល់ក្លិបតាឡីដំរីមានរិទ្ធ។ ជួបគ្នាលើកមុន ផានាថ វាយចាញ់ ស៊ីថា ត្រឹមពិន្ទុប៉ុណ្ណោះ។ អ្នកប្រដាល់ទាំងពីរនាក់នេះ មានស្នៀតប្រដាល់ និងល្បិចកលប្រកួតប្រហាក់ប្រហែលគ្នាទេ ហើយកម្លាំងកាយសម្បទា ក៏មិនជាជាងគ្នាដែរ។ ដូច្នេះចាំមើល ការជួបគ្នាលើកនេះ តើ ផានាថ អាចសងសឹកយកឈ្នះ នូវ ស៊ីថា បានវិញឬអត់?
ឯម ម៉ូលី អ្នកប្រដាល់ក្លិបឫទ្ធីពោធិសែនជ័យ ត្រូវគេផ្គូផ្គងឲ្យជួបជាមួយ វុត្ថា រ៉ាវី អ្នកប្រដាល់ក្លិបអង្គរធំគុនខ្មែរ។ ពីរនាក់នេះ ប្រកួតគ្នាក្នុងទម្ងន់៦០គីឡូក្រាម។ ពួកគេពុំធ្លាប់ដែលជួបគ្នាទេកន្លងមក។
ប៉ុន្តែយ៉ាងណា វុត្ថា រ៉ាវី ប្រហែលជាមិនឈ្នះ ឯម ម៉ូលី ទេ ព្រោះ រ៉ាវី ប៉ុន្មានប្រកួតចុងក្រោយនេះ គឺវាយចាញ់គេរហូត។ រ៉ាវី ប្រកួតលើកចុងក្រោយនេះ វាយចាញ់ ធន់ ចាន់តាក់ ក្លិបមជ្ឈមណ្ឌលកីឡាខ.ភ.ម ក្នុងទឹកទី៣ ខណៈដែល ឯម ម៉ូលី ប្រកួតចុងក្រោយ វាយឈ្នះ ឌីម សារិទ្ធ ក្លិបមជ្ឈមណ្ឌលកីឡាខ.ភ.ម ក្នុងទឹកទី២៕
នេះជាការជួបប្រកួតជាលក្ខណៈមិត្តភាពអន្តរជាតិ ក្នុងប្រភេទទម្ងន់៧១គីឡូក្រាម។ Orono Tor.Taw នេះ មិនធ្លាប់មកប្រកួតនៅស្រុកខ្មែរទេកន្លងមក។ ហើយគេក៏ពុំដឹងថា អ្នកប្រដាល់ថៃរូបនេះ មានប្រវត្តិប្រកួតកម្រិតណា និងកំណត់ត្រាប្រកួតប៉ុន្មានលើកនោះដែរ។
តែបើតាមអ្នកផ្គូផ្គងថា Orono Tor.Taw នេះ បើប្រៀបធៀបជាមួយLomisan Sor.Tawan អ្នកប្រដាល់ថៃលើកមុននោះ គឺមានកម្រិតអន់ជាងទេ ទាំងកម្ពស់ ទាំងប្រវត្តិប្រកួត ក៏ដូចជាផ្លែផ្ដួលគូប្រកួតឲ្យសន្លប់ដែរ។
ទោះជាយ៉ាងណា Lomisan Sor.Tawan មកជួបប្រកួតជាមួយ រំចង់ ដែលមានប្រវត្តិប្រកួតចំនួន១១៦ដង ឈ្នះ១០២ចាញ់១០ដង និងស្មើ៤ដង ហើយ រំចង់ធ្លាប់ផ្ដួលគូប្រកួតឲ្យសន្លប់ចំនួន៤១ដងនោះ អ្នកប្រដាល់ថៃLomisan Sor.Tawan មិនដឹងថាគេជួបសំណាងល្អ ឬសំណាងអាក្រក់នោះទេ?
អៀង ចាន់ល័ក្ខ អ្នកប្រដាល់ក្លិបកងទ័ពជើងគោក នឹងជួបសាកកណ្ដាប់ដៃជាមួយ ឯម លីថូ អ្នកប្រដាល់ជើងចាស់ក្លិបឫទ្ធីពោធិសែនជ័យ។ ពីរនាក់នេះប្រកួតក្នុងទម្ងន់៦០គីឡូក្រាម។
ចាន់ល័ក្ខ នេះ ជាអ្នកប្រដាល់ដែលមិនសូវប្រសប់ក្បាច់បុរាណខ្មែរប៉ុន្មានទេ គឺគេមានជំនាញខាងវាយក្នុងទ្រុង គេមានក្បាច់បោក ក្លេដៃជើង ប៉ុន្តែដល់មកប្រកួតក្បាច់បុរាណខ្មែរ ដែលហាមឃាត់នោះ ចាន់ល័ក្ខ រកចេញស្នៀត និងក្បាច់មិនឃើញទេ។
ដូច្នេះជួបប្រកួតជាមួយ ឯម លីថូ លើកនេះ ប្រហែលជាមិនឈ្នះនោះទេ។ ចាន់ល័ក្ខ ប្រកួតចុងក្រោយនេះ វាយចាញ់ ភុន សោភ័ណ្ឌ ក្លិបនាគរាជមានជ័យ ក្នុងទឹកទី៣។ ចំពោះ ឯម លីថូ ការប្រកួតចុងក្រោយ ក៏ប្រកួតចាញ់ សល់ ពិសិដ្ឋ ក្លិបកុសលកីឡាក្នុងទឹកទី៣ដែរ។ ដូច្នេះការជួបជាមួយ អៀង ចាន់ល័ក្ខ នេះ ក៏មិនប្រាកដថាឈ្នះ១០០ភាគរយដែរ។
ឃីម សាវ៉េត អ្នកប្រដាល់ក្លិបព្រះខ័នរាជ និង ញ៉េ សិទ្ធ អ្នកប្រដាល់ក្លិបអេភូថងកីឡា នឹងជួបគ្នាជម្រះបញ្ជី បន្ទាប់ពីការជួបគ្នាលើកមុន(០៩ឧសភា២០១៥) ពួកគេប្រកួតស្មើពិន្ទុគ្នានោះ។ ញ៉េ សិទ្ធ គេក៏មិនជាអន់ប៉ុន្មានដែរ ទោះបីជាគេជាអ្នកប្រដាល់ស្រករក្រោយ ឃីម សាវ៉េតក្តី។ គេប្រកួតចុងក្រោយនេះ ឈ្នះ ផាន់ សារ៉ែម ក្លិបគុជសាកីឡាក្នុងទឹកទី៤។ ឯ ឃីម សាវ៉េត ប្រកួតចុងក្រោយនេះ វាយឈ្នះ ថន វាសនា ក្លិបនាគរាជមានជ័យដោយពិន្ទុ។ ចាំមើលជួបគ្នាជម្រះបញ្ជីលើកនេះ តើនរណាជាអ្នកឈ្នះ ឬក៏ស្មើគ្នាទៀត?
ឡៅ ផានាថ អ្នកប្រដាល់ក្លិបរស្មីកុមារកំព្រា នឹងឡើងប្រកួតសងសឹក នូវ ស៊ីថា អ្នកប្រដាល់ក្លិបតាឡីដំរីមានរិទ្ធ។ ជួបគ្នាលើកមុន ផានាថ វាយចាញ់ ស៊ីថា ត្រឹមពិន្ទុប៉ុណ្ណោះ។ អ្នកប្រដាល់ទាំងពីរនាក់នេះ មានស្នៀតប្រដាល់ និងល្បិចកលប្រកួតប្រហាក់ប្រហែលគ្នាទេ ហើយកម្លាំងកាយសម្បទា ក៏មិនជាជាងគ្នាដែរ។ ដូច្នេះចាំមើល ការជួបគ្នាលើកនេះ តើ ផានាថ អាចសងសឹកយកឈ្នះ នូវ ស៊ីថា បានវិញឬអត់?
ឯម ម៉ូលី អ្នកប្រដាល់ក្លិបឫទ្ធីពោធិសែនជ័យ ត្រូវគេផ្គូផ្គងឲ្យជួបជាមួយ វុត្ថា រ៉ាវី អ្នកប្រដាល់ក្លិបអង្គរធំគុនខ្មែរ។ ពីរនាក់នេះ ប្រកួតគ្នាក្នុងទម្ងន់៦០គីឡូក្រាម។ ពួកគេពុំធ្លាប់ដែលជួបគ្នាទេកន្លងមក។
ប៉ុន្តែយ៉ាងណា វុត្ថា រ៉ាវី ប្រហែលជាមិនឈ្នះ ឯម ម៉ូលី ទេ ព្រោះ រ៉ាវី ប៉ុន្មានប្រកួតចុងក្រោយនេះ គឺវាយចាញ់គេរហូត។ រ៉ាវី ប្រកួតលើកចុងក្រោយនេះ វាយចាញ់ ធន់ ចាន់តាក់ ក្លិបមជ្ឈមណ្ឌលកីឡាខ.ភ.ម ក្នុងទឹកទី៣ ខណៈដែល ឯម ម៉ូលី ប្រកួតចុងក្រោយ វាយឈ្នះ ឌីម សារិទ្ធ ក្លិបមជ្ឈមណ្ឌលកីឡាខ.ភ.ម ក្នុងទឹកទី២៕
Post a Comment