ក្រុមបាល់ទាត់ជម្រើសជាតិក្រោមអាយុ១៥ ឆ្នាំរបស់កម្ពុជា (U-15) បានធ្វើដំណើរត្រឡប់មកពីហ្វឹកហាត់នៅប្រទេសជប៉ុនវិញហើយ ក្រោយសំងំហ្វឹកហាត់នៅទីនោះអស់ជាង ២ សប្ដាហ៍ ដើម្បីតៀមធ្វើម្ចាស់ផ្ទះក្នុងព្រឹត្តិការណ៍កីឡាបាល់ទាត់យុវជនក្រោមអាយុ១៦ឆ្នាំប្រចាំតំបន់អាស៊ាន (2015 AFF U-16 Youth Championship) ចុងខែកក្កដា នេះ។
ក្រុម U15 របស់កម្ពុជា ដែលដឹកនាំដោយលោកគ្រូបង្វឹកជនជាតិជប៉ុន Iki Yusuke បានធ្វើដំណើរមកដល់មាតុប្រទេសវិញ នៅម៉ោង ៤:៥០ នាទីថ្ងៃទី ២០ ខែ កក្កដា ម្សិលមិញតាមជើងហោះហើរលេខ VN920 នៅព្រលានយន្តហោះភ្នំពេញអន្តរជាតិ។ នេះបើតាមសេចក្ដីជូនដំណឹងរបស់សហព័ន្ធកីឡាបាល់ទាត់កម្ពុជា (FFC)។
តាមពិតក្រុមជម្រើសជាតិឈុតយុវជននេះធ្វើដំណើរទៅកាន់ប្រទេសជប៉ុនតាំងពីចុងខែ មិថុនា មកម្ល៉េះ ដោយត្រូវចូលរួមប្រកួតក្នុងព្រឹត្តិការណ៍ Japan-Mekong U15 Football Exchange Program 2015
ជាមួយក្រុម ៧ ផ្សេងទៀតដែលរៀបចំនៅទីលានរបស់សហព័ន្ធកីឡាបាល់ទាត់ជប៉ុន SAKAI J-GREEN ក្នុងទីក្រុង Osaka។ ពានរង្វាន់ដែលបង្កើតឡើងដោយសហព័ន្ធកីឡាបាល់ទាត់ជប៉ុន (JFA) សហការជាមួយប្រទេសតាមដងទន្លេមេគង្គនេះ ក្រុមកម្ពុជាស្ថិតក្នុងពូល A ជាមួយម្ចាស់ផ្ទះជប៉ុន,វៀតណាម និងក្លិប Vissel Kobe ហើយពូល B មាន ថៃ មីយ៉ាន់ម៉ា ឡាវ និង ក្លិប Sanfrecce Hiroshima FC ដោយចាប់ប្រកួតពីថ្ងៃទី ១ ដល់ទី៣ ខែ កក្កដា ឆ្នាំ ២០១។ ជាលទ្ធផលកម្ពុជាជាប់ចំណាត់ថ្នាក់លេខ៨ ប្រចាំពានរង្វាន់។
ចេញពីទីក្រុង Osaka ក្រុម U-15 កម្ពុជា ត្រូវទៅចូលរួមបោះជម្រុះហ្វឹកហាត់នៅទីក្រុង Sendia វិញម្ដងដែលជាស្រុកកំណើតរបស់លោកគ្រូបង្វឹក Iki ផ្ទាល់។ ក្រៅពីហ្វឹកហាត់នៅទីនោះ ក្រុមកម្ពុជា ក៏បានប្រកួតមិត្តភាពកម្ដៅសាច់ដុំជាមួយក្រុមជប៉ុនមួយចំនួនផងដែរ។
ក្រុម U-16 កម្ពុជា ត្រៀមខ្លួនធ្វើជាម្ចាស់ផ្ទះក្នុងពានរង្វាន់ 2015 AFF U-16 Youth Championship ចាប់រៀបចំពីថ្ងៃទី ២៧ ខែ កក្កដា ដល់ ថ្ងៃទី ៧ ខែ សីហា ឆ្នាំ ២០១៥ នៅទីលានសិប្បនិមិត្តពហុកីឡដ្ឋានជាតិ ក្នុងរាជធានីភ្នំពេញ។ ពានប្រចាំតំបន់អាស៊ននេះចែកជា ២ ពូលដោយពូល A មាន ម៉ាឡេស៊ី, វៀតណាម, ឡាវ, ទីម័រខាងកើត, ប្រ៊ុយណេ និង ថៃ ហើយពូល B មាន អូស្ត្រាលី, សិង្ហបុរី, ហ្វីលីពីន, មីយ៉ាន់ម៉ា និងម្ចាស់ផ្ទះកម្ពុជា។
យោងតាមព័ត៌មានដែលទទួលបានមកពីសហព័ន្ធកីឡាបាល់ទាត់កម្ពុជា (FFC) ក្រុមដែលចូលរួមក្នុងពានរង្វាន់នេះទាំងអស់នឹងមកដល់ប្រទេសកម្ពុជា នៅថ្ងៃទី ២៥ ខែ កក្កដា ឆ្នាំ ២០១៥ ហើយមួយថ្ងៃបន្ទាប់ត្រូវប្រជុំក្រុមមុនការប្រកួតមកដល់។
សម្រាប់ក្រុម U-16 ជម្រើសជាតិកម្ពុជា ត្រូវប្រកួតបើកឆាកនៃវគ្គជម្រុះពូល B ប៉ះក្រុមហ្វីលីពីន នៅថ្ងៃទី ២៨ ខែ កក្កដា វេលាម៉ោង ៦:៣០ នាទីល្ងាច នៅទីលានពហុកីឡដ្ឋានជាតិ ហើយត្រូវបន្តជួបក្រុមអូស្ត្រាលី នៅថ្ងៃទី ៣០ ខែកក្កដា វេលាម៉ោង ៦:៣០ នាទី នៅពហុ កីឡដ្ឋានជាតិដដែល។ ចូលដល់ថ្ងៃទី ៣ សីហា កម្ពុជា ត្រូវជួបជាមួយក្រុមសិង្ហបុរី វេលាម៉ោង ៦:៣០ នាទីល្ងាច និង ត្រូវប៉ះក្រុមមីយ៉ាន់ម៉ា នៅថ្ងៃ ៥ ខែ សីហា នៅម៉ោង ៦:៣០ នាទី ក្នុងទីលានពហុកីឡដ្ឋានដូចគ្នា។
លោក Yusuke Iki គ្រូបង្វឹកប្រចាំសាលាបាល់ទាត់ជាតិ ត្រូវបានសហព័ន្ធកីឡាបាល់ទាត់កម្ពុជា តែងតាំងឱ្យធ្វើជាគ្រូបង្គោលសម្រាប់ដឹកនាំក្រុមកម្ពុជា ចូលរួមក្នុងពានរង្វាន់ ហើយលោក គឹម ភក្ដី និង លោក ជឿន សុភី ជាគ្រូជំនួយ ហើយលោក ប្រាក់ វណ្ណនី ជាគ្រូអ្នកចាំទី និង លោក ស្រ៊ុន សីហា ជាអ្នកបកប្រែ៕
ក្រុម U15 របស់កម្ពុជា ដែលដឹកនាំដោយលោកគ្រូបង្វឹកជនជាតិជប៉ុន Iki Yusuke បានធ្វើដំណើរមកដល់មាតុប្រទេសវិញ នៅម៉ោង ៤:៥០ នាទីថ្ងៃទី ២០ ខែ កក្កដា ម្សិលមិញតាមជើងហោះហើរលេខ VN920 នៅព្រលានយន្តហោះភ្នំពេញអន្តរជាតិ។ នេះបើតាមសេចក្ដីជូនដំណឹងរបស់សហព័ន្ធកីឡាបាល់ទាត់កម្ពុជា (FFC)។
តាមពិតក្រុមជម្រើសជាតិឈុតយុវជននេះធ្វើដំណើរទៅកាន់ប្រទេសជប៉ុនតាំងពីចុងខែ មិថុនា មកម្ល៉េះ ដោយត្រូវចូលរួមប្រកួតក្នុងព្រឹត្តិការណ៍ Japan-Mekong U15 Football Exchange Program 2015
ជាមួយក្រុម ៧ ផ្សេងទៀតដែលរៀបចំនៅទីលានរបស់សហព័ន្ធកីឡាបាល់ទាត់ជប៉ុន SAKAI J-GREEN ក្នុងទីក្រុង Osaka។ ពានរង្វាន់ដែលបង្កើតឡើងដោយសហព័ន្ធកីឡាបាល់ទាត់ជប៉ុន (JFA) សហការជាមួយប្រទេសតាមដងទន្លេមេគង្គនេះ ក្រុមកម្ពុជាស្ថិតក្នុងពូល A ជាមួយម្ចាស់ផ្ទះជប៉ុន,វៀតណាម និងក្លិប Vissel Kobe ហើយពូល B មាន ថៃ មីយ៉ាន់ម៉ា ឡាវ និង ក្លិប Sanfrecce Hiroshima FC ដោយចាប់ប្រកួតពីថ្ងៃទី ១ ដល់ទី៣ ខែ កក្កដា ឆ្នាំ ២០១។ ជាលទ្ធផលកម្ពុជាជាប់ចំណាត់ថ្នាក់លេខ៨ ប្រចាំពានរង្វាន់។
ចេញពីទីក្រុង Osaka ក្រុម U-15 កម្ពុជា ត្រូវទៅចូលរួមបោះជម្រុះហ្វឹកហាត់នៅទីក្រុង Sendia វិញម្ដងដែលជាស្រុកកំណើតរបស់លោកគ្រូបង្វឹក Iki ផ្ទាល់។ ក្រៅពីហ្វឹកហាត់នៅទីនោះ ក្រុមកម្ពុជា ក៏បានប្រកួតមិត្តភាពកម្ដៅសាច់ដុំជាមួយក្រុមជប៉ុនមួយចំនួនផងដែរ។
ក្រុម U-16 កម្ពុជា ត្រៀមខ្លួនធ្វើជាម្ចាស់ផ្ទះក្នុងពានរង្វាន់ 2015 AFF U-16 Youth Championship ចាប់រៀបចំពីថ្ងៃទី ២៧ ខែ កក្កដា ដល់ ថ្ងៃទី ៧ ខែ សីហា ឆ្នាំ ២០១៥ នៅទីលានសិប្បនិមិត្តពហុកីឡដ្ឋានជាតិ ក្នុងរាជធានីភ្នំពេញ។ ពានប្រចាំតំបន់អាស៊ននេះចែកជា ២ ពូលដោយពូល A មាន ម៉ាឡេស៊ី, វៀតណាម, ឡាវ, ទីម័រខាងកើត, ប្រ៊ុយណេ និង ថៃ ហើយពូល B មាន អូស្ត្រាលី, សិង្ហបុរី, ហ្វីលីពីន, មីយ៉ាន់ម៉ា និងម្ចាស់ផ្ទះកម្ពុជា។
យោងតាមព័ត៌មានដែលទទួលបានមកពីសហព័ន្ធកីឡាបាល់ទាត់កម្ពុជា (FFC) ក្រុមដែលចូលរួមក្នុងពានរង្វាន់នេះទាំងអស់នឹងមកដល់ប្រទេសកម្ពុជា នៅថ្ងៃទី ២៥ ខែ កក្កដា ឆ្នាំ ២០១៥ ហើយមួយថ្ងៃបន្ទាប់ត្រូវប្រជុំក្រុមមុនការប្រកួតមកដល់។
សម្រាប់ក្រុម U-16 ជម្រើសជាតិកម្ពុជា ត្រូវប្រកួតបើកឆាកនៃវគ្គជម្រុះពូល B ប៉ះក្រុមហ្វីលីពីន នៅថ្ងៃទី ២៨ ខែ កក្កដា វេលាម៉ោង ៦:៣០ នាទីល្ងាច នៅទីលានពហុកីឡដ្ឋានជាតិ ហើយត្រូវបន្តជួបក្រុមអូស្ត្រាលី នៅថ្ងៃទី ៣០ ខែកក្កដា វេលាម៉ោង ៦:៣០ នាទី នៅពហុ កីឡដ្ឋានជាតិដដែល។ ចូលដល់ថ្ងៃទី ៣ សីហា កម្ពុជា ត្រូវជួបជាមួយក្រុមសិង្ហបុរី វេលាម៉ោង ៦:៣០ នាទីល្ងាច និង ត្រូវប៉ះក្រុមមីយ៉ាន់ម៉ា នៅថ្ងៃ ៥ ខែ សីហា នៅម៉ោង ៦:៣០ នាទី ក្នុងទីលានពហុកីឡដ្ឋានដូចគ្នា។
លោក Yusuke Iki គ្រូបង្វឹកប្រចាំសាលាបាល់ទាត់ជាតិ ត្រូវបានសហព័ន្ធកីឡាបាល់ទាត់កម្ពុជា តែងតាំងឱ្យធ្វើជាគ្រូបង្គោលសម្រាប់ដឹកនាំក្រុមកម្ពុជា ចូលរួមក្នុងពានរង្វាន់ ហើយលោក គឹម ភក្ដី និង លោក ជឿន សុភី ជាគ្រូជំនួយ ហើយលោក ប្រាក់ វណ្ណនី ជាគ្រូអ្នកចាំទី និង លោក ស្រ៊ុន សីហា ជាអ្នកបកប្រែ៕
Post a Comment