ព្រឹត្តិការណ៍ប្រដាល់ដណ្ដើមខ្សែក្រវាត់ជើងឯកខ្សែក្រវាត់TIFFY ទម្ងន់៦០គ.ក្រ ឆ្នាំ ២០១៥ នៅលើសង្វៀនTV5 Arena នឹងចាប់ផ្ដើមវាយជម្រុះលើកទី២ ជុំទី១ នៅថ្ងៃអាទិត្យ ទី០២ ខែសីហាខាងមុខនេះ។
សម្រាប់ការប្រកួតលើកទី២នេះ មានអ្នកប្រដាល់ចំនួន៤នាក់ ដូចកាលពីលើកទី១ដែរ ដោយត្រូវប្រកួតគ្នា នរណាចាញ់ គឺហាលអាវ នរណាឈ្នះឈរចាំទៅប្រកួតក្នុងជុំទី២បន្តទៀត។ ការប្រកួតគឺវាយតែ៣ទឹកប៉ុណ្ណោះ ដោយក្នុងមួយទឹកមាន៣នាទី សម្រាក២នាទី។
អ្នកប្រដាល់ទាំង៤នាក់ ដែលត្រូវប្រកួតក្នុងទី២ជុំទី១នេះ រួមមាន ឈាន រស្មី ក្លិបរាជសីហ៍ខេត្តរតនគិរី ត្រូវជួបជាមួយ ផៃ គឹមហឿត ក្លិបគីសែមានរិទ្ធ។ ចំណែកមួយគូទៀត គឺអ៊ី វ៉ាន់ស័ក្ត ក្លិបរស្មីភូមិគាបខេត្តបន្ទាយមានជ័យ ជួបជាមួយ សេក គឹមសៀង ក្លិបអង្គរមានជ័យ។
ក្នុងចំណោមពួកគេទាំង៤នាក់នេះ មានគូខ្លះធ្លាប់ប៉ះគ្នាកន្លងមក តែភាគច្រើនពួកគេមិនដែលជួបគ្នាទេ ដោយសារភាគច្រើនជាអ្នកប្រដាល់ថ្មី។ ប៉ុន្តែទោះជាយ៉ាងណាក្នុងចំណោម៤នាក់នេះ មាន២នាក់ដែលគេស្គាល់ថា ជាអ្នកប្រដាល់ស្រករមុន គឺ ឈាន រស្មី និង ផៃ គឹមហឿត។
គួរបញ្ជាក់ថា ព្រឹត្តិការណ៍ប្រកួតដណ្ដើមខ្សែក្រវាត់ TIFFY ទម្ងន់៦០គីឡូក្រាមនេះ មានអ្នកប្រដាល់ចំនួន៣២នាក់ចូលរួម ហើយចែកចេញជា៤ដំណាក់កាល និងមានរូបមន្តប្រកួត គឺដំណាក់ទី១ ជាការប្រកួតជម្រុះក្នុងចំណោម៣២នាក់ ទុកតែ១៦នាក់ ដែលការប្រកួត គឺចាញ់ធ្លាក់ ឯអ្នកឈ្នះឈរចាំ។ ហើយការប្រកួតមានរយៈពេលតែ៣ទឹកប៉ុណ្ណោះ ក្នុងមួយទឹកមាន៣នាទី។ ចំពោះតម្លៃខ្លួនក្នុងដំណាក់កាលទី១នេះ គឺឈ្នះទទួលបាន១៥០ដុល្លារ ចាញ់១០០ដុល្លារ។
សម្រាប់ការប្រកួតដំណាក់កាលទី២ ជាការចម្រាញ់ក្នុងចំណោមអ្នកប្រដាល់១៦រូប ជម្រុះនៅសល់៨រូប ដែលរូបមន្តការប្រកួតដូចដំណាក់កាលទី១ដែរ ចាញ់ធ្លាក់ ឈ្នះឈរចាំ ឯការប្រកួតក៏តែ៣ទឹក ១ទឹកមាន៣នាទីដែរ។ ចំពោះតម្លៃខ្លួនក្នុងដំណាក់កាលទី២នេះ អ្នកឈ្នះ២០០ដុល្លារ អ្នកចាញ់១៥០ដុល្លារ។
សម្រាប់ការប្រកួតនៅក្នុងដំណាក់កាលទី៣ និងទី៤ ដែលជាការប្រកួតវគ្គ៨នាក់ និងវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រនោះ ការប្រកួតនឹងប្រព្រឹត្តទៅដូចធម្មតា គឺប្រកួត៥ទឹក ក្នុង១ទឹកមាន៣នាទី សម្រាក២នាទី។ សម្រាប់ការប្រកួតដំណាក់កាលទី៣វគ្គ៨នាក់ចុងក្រោយនេះ តម្លៃខ្លួនអ្នកឈ្នះបាន២៥០ដុល្លារ អ្នកចាញ់២០០ដុល្លារ។
ការប្រកួតពាក់កណ្ដាលផ្ដាច់ព្រ័ត្រ អ្នកឈ្នះបាន៣០០ដុល្លារ អ្នកចាញ់បាន២៥០ដុល្លារ ហើយសម្រាប់ជ័យលាភីនៅក្នុងវគ្គផ្ដាច់ព្រ័ត្រ ដែលមានចំណាត់ថ្នាក់ពីលេខ១ ដល់លេខ៤នោះ អ្នកជាប់លេខ៤បាន៥០០ដុល្លារ លេខ៣ បាន៧៥០ដុល្លារ លេខ២ បាន២.០០០ដុល្លារ និងលេខ១តំណែងជើងឯកម្ចាស់ខ្សែក្រវាត់នោះ ទទួលបានខ្សែក្រវាត់១ ពាន១ និងរង្វាន់អម៤.០០០ដុល្លារ៕
សម្រាប់ការប្រកួតលើកទី២នេះ មានអ្នកប្រដាល់ចំនួន៤នាក់ ដូចកាលពីលើកទី១ដែរ ដោយត្រូវប្រកួតគ្នា នរណាចាញ់ គឺហាលអាវ នរណាឈ្នះឈរចាំទៅប្រកួតក្នុងជុំទី២បន្តទៀត។ ការប្រកួតគឺវាយតែ៣ទឹកប៉ុណ្ណោះ ដោយក្នុងមួយទឹកមាន៣នាទី សម្រាក២នាទី។
អ្នកប្រដាល់ទាំង៤នាក់ ដែលត្រូវប្រកួតក្នុងទី២ជុំទី១នេះ រួមមាន ឈាន រស្មី ក្លិបរាជសីហ៍ខេត្តរតនគិរី ត្រូវជួបជាមួយ ផៃ គឹមហឿត ក្លិបគីសែមានរិទ្ធ។ ចំណែកមួយគូទៀត គឺអ៊ី វ៉ាន់ស័ក្ត ក្លិបរស្មីភូមិគាបខេត្តបន្ទាយមានជ័យ ជួបជាមួយ សេក គឹមសៀង ក្លិបអង្គរមានជ័យ។
ក្នុងចំណោមពួកគេទាំង៤នាក់នេះ មានគូខ្លះធ្លាប់ប៉ះគ្នាកន្លងមក តែភាគច្រើនពួកគេមិនដែលជួបគ្នាទេ ដោយសារភាគច្រើនជាអ្នកប្រដាល់ថ្មី។ ប៉ុន្តែទោះជាយ៉ាងណាក្នុងចំណោម៤នាក់នេះ មាន២នាក់ដែលគេស្គាល់ថា ជាអ្នកប្រដាល់ស្រករមុន គឺ ឈាន រស្មី និង ផៃ គឹមហឿត។
គួរបញ្ជាក់ថា ព្រឹត្តិការណ៍ប្រកួតដណ្ដើមខ្សែក្រវាត់ TIFFY ទម្ងន់៦០គីឡូក្រាមនេះ មានអ្នកប្រដាល់ចំនួន៣២នាក់ចូលរួម ហើយចែកចេញជា៤ដំណាក់កាល និងមានរូបមន្តប្រកួត គឺដំណាក់ទី១ ជាការប្រកួតជម្រុះក្នុងចំណោម៣២នាក់ ទុកតែ១៦នាក់ ដែលការប្រកួត គឺចាញ់ធ្លាក់ ឯអ្នកឈ្នះឈរចាំ។ ហើយការប្រកួតមានរយៈពេលតែ៣ទឹកប៉ុណ្ណោះ ក្នុងមួយទឹកមាន៣នាទី។ ចំពោះតម្លៃខ្លួនក្នុងដំណាក់កាលទី១នេះ គឺឈ្នះទទួលបាន១៥០ដុល្លារ ចាញ់១០០ដុល្លារ។
សម្រាប់ការប្រកួតដំណាក់កាលទី២ ជាការចម្រាញ់ក្នុងចំណោមអ្នកប្រដាល់១៦រូប ជម្រុះនៅសល់៨រូប ដែលរូបមន្តការប្រកួតដូចដំណាក់កាលទី១ដែរ ចាញ់ធ្លាក់ ឈ្នះឈរចាំ ឯការប្រកួតក៏តែ៣ទឹក ១ទឹកមាន៣នាទីដែរ។ ចំពោះតម្លៃខ្លួនក្នុងដំណាក់កាលទី២នេះ អ្នកឈ្នះ២០០ដុល្លារ អ្នកចាញ់១៥០ដុល្លារ។
សម្រាប់ការប្រកួតនៅក្នុងដំណាក់កាលទី៣ និងទី៤ ដែលជាការប្រកួតវគ្គ៨នាក់ និងវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រនោះ ការប្រកួតនឹងប្រព្រឹត្តទៅដូចធម្មតា គឺប្រកួត៥ទឹក ក្នុង១ទឹកមាន៣នាទី សម្រាក២នាទី។ សម្រាប់ការប្រកួតដំណាក់កាលទី៣វគ្គ៨នាក់ចុងក្រោយនេះ តម្លៃខ្លួនអ្នកឈ្នះបាន២៥០ដុល្លារ អ្នកចាញ់២០០ដុល្លារ។
ការប្រកួតពាក់កណ្ដាលផ្ដាច់ព្រ័ត្រ អ្នកឈ្នះបាន៣០០ដុល្លារ អ្នកចាញ់បាន២៥០ដុល្លារ ហើយសម្រាប់ជ័យលាភីនៅក្នុងវគ្គផ្ដាច់ព្រ័ត្រ ដែលមានចំណាត់ថ្នាក់ពីលេខ១ ដល់លេខ៤នោះ អ្នកជាប់លេខ៤បាន៥០០ដុល្លារ លេខ៣ បាន៧៥០ដុល្លារ លេខ២ បាន២.០០០ដុល្លារ និងលេខ១តំណែងជើងឯកម្ចាស់ខ្សែក្រវាត់នោះ ទទួលបានខ្សែក្រវាត់១ ពាន១ និងរង្វាន់អម៤.០០០ដុល្លារ៕
Post a Comment