នៅលើសង្វៀនSEA-TV នាយប់ថ្ងៃអាទិត្យ ទី០៥ ខែកក្កដា ឆ្នាំ២០១៥ចុងសប្ដាហ៍នេះ អ្នកប្រដាល់ជើងខ្លាំង ឈាន ហុង សមាគមកីឡាក្រសួងការពារជាតិ នឹងត្រូវជួបប្រកួតជាមួយអ្នកប្រដាល់ថៃA Noukvath។
ឈាន ហុង ដែលត្រូវជួបជាមួយ A Noukvath អ្នកប្រដាល់ថៃ ប្រហែលជាអាចជួបការលំបាកហើយ ព្រោះថាអ្នកប្រដាល់ថៃរូបនេះ ជាជើងខ្លាំងនៅប្រទេសថៃ និងជាម្ចាស់ខ្សែក្រវាត់ថែមទៀត។ នេះបើតាមលោក ញាណ សុធី អ្នកផ្គូផ្គងប្រដាល់ប្រចាំសង្វៀនSEA-TVប្រាប់ឲ្យដឹង។ អ្នកប្រដាល់ថៃនេះ មិនធ្លាប់មកស្រុកខ្មែរឡើយ។
ទោះជាយ៉ាងណា ឈាន ហុង គេបានអះអាងថា គ្មានបញ្ហាអ្វីឡើយ តែឡើងសង្វៀនហើយ គឺវ៉ៃទាំងអស់ ឲ្យតែទម្ងន់ស្មើគ្នាគ្មានបញ្ហាអ្វីឡើយ។ ពួកគេទាំងពីរនឹងប្រកួតក្នុងទម្ងន់៦២គ.ក្រ។
ឈាន ហុង មានប្រវត្តិប្រកួតចំនួន៦៩ដង ក្នុងនោះឈ្នះ៥៧ដង ចាញ់១០ដង និងស្មើ០២ដង ។ ចំណែក A Noukvathវិញ គេមានកំណត់ត្រាប្រវត្តិរហូតដល់៩៩ដងឯណោះ ដោយវាយឈ្នះ៨០ដង ចាញ់១៥ដង និងស្មើ០៤ដង។
ចាំមើល ឈាន ហុង ជួបសំណាងល្អឈ្នះNvachayan Khamon នេះឬអត់? ការប្រកួតជាមួយបរទេសលើកចុងក្រោយរបស់ ឈាន ហុង គឺវាយចាញ់អ្នកប្រដាល់ថៃSett Sorplam ក្នុងទឹកទី២ កាលពីថ្ងៃទី១៧ ខែឧសភា ឆ្នាំ២០១៥កន្លងមក។
ចំពោះ ហុន ឈុនហេង ជើងខ្លាំងរបស់កម្ពុជានៅក្លិបសម្រែករាជសីហ៍បង្ក្រាបគ្រឿងញៀន នឹងត្រូវជួបប្រកួតជាមួយអ្នកប្រដាល់ថៃSen Thanong ក្នុងទម្ងន់៥១គ.ក្រ។ អ្នកប្រដាល់ថៃរូបនេះ គឺធ្លាប់ផ្ដួល ហុន ឈុនហេង ក្នុងទឹកទី៤ម្ដងហើយ កាលពីថ្ងៃទី២១ ខែធ្នូ ឆ្នាំ២០១៤កន្លងមក។ Sen Thanong គេមានប្រវត្តិប្រកួត៦៥ដង ឈ្នះ៥៧ដង ចាញ់០៧ដង និងស្មើ០១ដង។
ឈុន ហេង ជាអ្នកប្រដាល់ដែលមានការវ័យឆ្លាតក្នុងការប្រកួត ពោលគឺគេវាយមិនចេះតែប្រើកម្លាំងទាំងអស់នោះទេ គឺគេប្រើកលល្បិច និងបច្ចេកទេស។ កណ្ដាប់ដៃរបស់គេវាយចេញរហ័សណាស់ ហើយជង្គង់គេក៏មានផ្លែល្អដែរ។ គេធ្លាប់ជួបអ្នកប្រដាល់ថៃច្រើននាក់ហើយ ដោយវាយឈ្នះនិងចាញ់។ ហុន ឈុនហេង គេប្រកួតបាន៥៩ដង ដែលក្នុងនោះគេវាយឈ្នះចំនួន៥៤ដង ចាញ់៥ដង មិនដែលស្មើទេ។
ឈុន ហេង ធ្លាប់តែស៊ីថៃផុយ តែមកប៉ះជាមួយSen Thanong រាងពិបាកតែម្ដង ដោយសារអ្នកប្រដាល់ថៃរូបនេះ ជាម្ចាស់ខ្សែក្រវាត់ហើយវាយចេញចូលរហ័សលឿន ព្រមទាំងមានផ្លែល្អជាងឈុន ហេង ទៅទៀត ទើបគេអាចយកឈ្នះ ឈុន ហេង ដោយផុយនោះ។
ដូច្នេះ ការជួបប្រកួតជាមួយSen Thanong អ្នកប្រដាល់ថៃលើកនេះ ឈុន ហេង គឺរាងយ៉ាប់បន្តិចហើយ មិនដឹងថាគេអាចសងសឹកSen Thanongបានវិញឬអត់នោះទេ។ ចាំមើល រវាង ហុន ឈុនហេង និង Sen Thanong តើនរណាឈ្នះលើកនេះ? អ្នកប្រដាល់ ថៃ ប៊ុនហាន ក្លិបពោធិសែនជ័យ នឹងជួបប្រកួតសាកកណ្ដាប់ដៃជាមួយពុទ្ធ ឆាយរិទ្ធី អ្នកប្រដាល់ក្លិបពុទ្ធសេរីវង្សកីឡា។
ថៃ ប៊ុនហាន ពេលនេះ មិនដូចពីមុននោះដែលប្រកួតមានលក្ខណៈហើមស្រកនោះឡើយ។ ជាមួយនឹងការវាយខ្លាំង វាយមិនចេះញញើតហើយ គេថែមទាំងជាម្ចាស់ខ្សែក្រវាត់ថែមទៀត។ ហាន ជាអ្នកប្រដាល់ម្នាក់ ដែលប្រកួត និងផ្ដួលគូប្រកួតដោយសារកម្លាំងបាយសុទ្ធសាធ។ គេអាងមានមុខវាយមិនសូវឈឺ ប៊ុន ហាន ដើរចូលវាយទៅលើគូប្រកួតជានិច្ច ។ កណ្ដាប់ដៃ និងកែងរាងគ្រាន់បើបន្តិច តែបើស្នៀតជង្គង់ឬល្បិចកលប្រកួតមិនជាប៉ុន្មានឡើយ។
ប៉ះជាមួយ ពុទ្ធ ឆាយរិទ្ធី ដែលមានកណ្ដាប់ដៃខ្លាំងដែរនោះ ប៊ុន ហាន អាចរាងយ៉ាប់ដែរ ព្រោះ ឆាយរិទ្ធី មានសកម្មភាពលឿន និងបន្លាស់ទីរហ័ស មិនអាចឲ្យ ប៊ុន ហាន វាយត្រូវងាយៗនោះទេ។
ពុទ្ធ ឆាយរិទ្ធី គេមានផ្លែសម្លាប់ ប៊ុន ហាន ត្រង់ទាត់ និងកណ្ដាប់ដៃ ឲ្យតែ ប៊ុនហាន ព្រហើនដើរចូលដោយគឃ្លើននោះ ច្បាស់ជាត្រូវនឹងប្រអប់ជើងរបស់ ឆាយ រិទ្ធី មិនខាន។ ចាំមើល ប៊ុនហានអាចយកឈ្នះ ឆាយ រិទ្ធី បានឬអត់ សម្រាប់ជំនួបគ្នាលើកនេះ?
ប៊ុនហាន ប្រកួតចុងក្រោយ គេផ្ដួល នូវ ស៊ីថា អ្នកប្រដាល់ក្លិបតាឡីដំរីមានរិទ្ធ ក្នុងទឹកទី៤ ខណៈដែលការប្រកួតចុងក្រោយរបស់ ពុទ្ធ ឆាយរិទ្ធី វាយឈ្នះ វ៉ែន សុវណ្ណ អ្នកប្រដាល់ក្លិបកងកេងមានរិទ្ធខេត្តបាត់ដំបងដោយពិន្ទុ៕
ឈាន ហុង ដែលត្រូវជួបជាមួយ A Noukvath អ្នកប្រដាល់ថៃ ប្រហែលជាអាចជួបការលំបាកហើយ ព្រោះថាអ្នកប្រដាល់ថៃរូបនេះ ជាជើងខ្លាំងនៅប្រទេសថៃ និងជាម្ចាស់ខ្សែក្រវាត់ថែមទៀត។ នេះបើតាមលោក ញាណ សុធី អ្នកផ្គូផ្គងប្រដាល់ប្រចាំសង្វៀនSEA-TVប្រាប់ឲ្យដឹង។ អ្នកប្រដាល់ថៃនេះ មិនធ្លាប់មកស្រុកខ្មែរឡើយ។
ទោះជាយ៉ាងណា ឈាន ហុង គេបានអះអាងថា គ្មានបញ្ហាអ្វីឡើយ តែឡើងសង្វៀនហើយ គឺវ៉ៃទាំងអស់ ឲ្យតែទម្ងន់ស្មើគ្នាគ្មានបញ្ហាអ្វីឡើយ។ ពួកគេទាំងពីរនឹងប្រកួតក្នុងទម្ងន់៦២គ.ក្រ។
ឈាន ហុង មានប្រវត្តិប្រកួតចំនួន៦៩ដង ក្នុងនោះឈ្នះ៥៧ដង ចាញ់១០ដង និងស្មើ០២ដង ។ ចំណែក A Noukvathវិញ គេមានកំណត់ត្រាប្រវត្តិរហូតដល់៩៩ដងឯណោះ ដោយវាយឈ្នះ៨០ដង ចាញ់១៥ដង និងស្មើ០៤ដង។
ចាំមើល ឈាន ហុង ជួបសំណាងល្អឈ្នះNvachayan Khamon នេះឬអត់? ការប្រកួតជាមួយបរទេសលើកចុងក្រោយរបស់ ឈាន ហុង គឺវាយចាញ់អ្នកប្រដាល់ថៃSett Sorplam ក្នុងទឹកទី២ កាលពីថ្ងៃទី១៧ ខែឧសភា ឆ្នាំ២០១៥កន្លងមក។
ចំពោះ ហុន ឈុនហេង ជើងខ្លាំងរបស់កម្ពុជានៅក្លិបសម្រែករាជសីហ៍បង្ក្រាបគ្រឿងញៀន នឹងត្រូវជួបប្រកួតជាមួយអ្នកប្រដាល់ថៃSen Thanong ក្នុងទម្ងន់៥១គ.ក្រ។ អ្នកប្រដាល់ថៃរូបនេះ គឺធ្លាប់ផ្ដួល ហុន ឈុនហេង ក្នុងទឹកទី៤ម្ដងហើយ កាលពីថ្ងៃទី២១ ខែធ្នូ ឆ្នាំ២០១៤កន្លងមក។ Sen Thanong គេមានប្រវត្តិប្រកួត៦៥ដង ឈ្នះ៥៧ដង ចាញ់០៧ដង និងស្មើ០១ដង។
ឈុន ហេង ជាអ្នកប្រដាល់ដែលមានការវ័យឆ្លាតក្នុងការប្រកួត ពោលគឺគេវាយមិនចេះតែប្រើកម្លាំងទាំងអស់នោះទេ គឺគេប្រើកលល្បិច និងបច្ចេកទេស។ កណ្ដាប់ដៃរបស់គេវាយចេញរហ័សណាស់ ហើយជង្គង់គេក៏មានផ្លែល្អដែរ។ គេធ្លាប់ជួបអ្នកប្រដាល់ថៃច្រើននាក់ហើយ ដោយវាយឈ្នះនិងចាញ់។ ហុន ឈុនហេង គេប្រកួតបាន៥៩ដង ដែលក្នុងនោះគេវាយឈ្នះចំនួន៥៤ដង ចាញ់៥ដង មិនដែលស្មើទេ។
ឈុន ហេង ធ្លាប់តែស៊ីថៃផុយ តែមកប៉ះជាមួយSen Thanong រាងពិបាកតែម្ដង ដោយសារអ្នកប្រដាល់ថៃរូបនេះ ជាម្ចាស់ខ្សែក្រវាត់ហើយវាយចេញចូលរហ័សលឿន ព្រមទាំងមានផ្លែល្អជាងឈុន ហេង ទៅទៀត ទើបគេអាចយកឈ្នះ ឈុន ហេង ដោយផុយនោះ។
ដូច្នេះ ការជួបប្រកួតជាមួយSen Thanong អ្នកប្រដាល់ថៃលើកនេះ ឈុន ហេង គឺរាងយ៉ាប់បន្តិចហើយ មិនដឹងថាគេអាចសងសឹកSen Thanongបានវិញឬអត់នោះទេ។ ចាំមើល រវាង ហុន ឈុនហេង និង Sen Thanong តើនរណាឈ្នះលើកនេះ? អ្នកប្រដាល់ ថៃ ប៊ុនហាន ក្លិបពោធិសែនជ័យ នឹងជួបប្រកួតសាកកណ្ដាប់ដៃជាមួយពុទ្ធ ឆាយរិទ្ធី អ្នកប្រដាល់ក្លិបពុទ្ធសេរីវង្សកីឡា។
ថៃ ប៊ុនហាន ពេលនេះ មិនដូចពីមុននោះដែលប្រកួតមានលក្ខណៈហើមស្រកនោះឡើយ។ ជាមួយនឹងការវាយខ្លាំង វាយមិនចេះញញើតហើយ គេថែមទាំងជាម្ចាស់ខ្សែក្រវាត់ថែមទៀត។ ហាន ជាអ្នកប្រដាល់ម្នាក់ ដែលប្រកួត និងផ្ដួលគូប្រកួតដោយសារកម្លាំងបាយសុទ្ធសាធ។ គេអាងមានមុខវាយមិនសូវឈឺ ប៊ុន ហាន ដើរចូលវាយទៅលើគូប្រកួតជានិច្ច ។ កណ្ដាប់ដៃ និងកែងរាងគ្រាន់បើបន្តិច តែបើស្នៀតជង្គង់ឬល្បិចកលប្រកួតមិនជាប៉ុន្មានឡើយ។
ប៉ះជាមួយ ពុទ្ធ ឆាយរិទ្ធី ដែលមានកណ្ដាប់ដៃខ្លាំងដែរនោះ ប៊ុន ហាន អាចរាងយ៉ាប់ដែរ ព្រោះ ឆាយរិទ្ធី មានសកម្មភាពលឿន និងបន្លាស់ទីរហ័ស មិនអាចឲ្យ ប៊ុន ហាន វាយត្រូវងាយៗនោះទេ។
ពុទ្ធ ឆាយរិទ្ធី គេមានផ្លែសម្លាប់ ប៊ុន ហាន ត្រង់ទាត់ និងកណ្ដាប់ដៃ ឲ្យតែ ប៊ុនហាន ព្រហើនដើរចូលដោយគឃ្លើននោះ ច្បាស់ជាត្រូវនឹងប្រអប់ជើងរបស់ ឆាយ រិទ្ធី មិនខាន។ ចាំមើល ប៊ុនហានអាចយកឈ្នះ ឆាយ រិទ្ធី បានឬអត់ សម្រាប់ជំនួបគ្នាលើកនេះ?
ប៊ុនហាន ប្រកួតចុងក្រោយ គេផ្ដួល នូវ ស៊ីថា អ្នកប្រដាល់ក្លិបតាឡីដំរីមានរិទ្ធ ក្នុងទឹកទី៤ ខណៈដែលការប្រកួតចុងក្រោយរបស់ ពុទ្ធ ឆាយរិទ្ធី វាយឈ្នះ វ៉ែន សុវណ្ណ អ្នកប្រដាល់ក្លិបកងកេងមានរិទ្ធខេត្តបាត់ដំបងដោយពិន្ទុ៕
Post a Comment