អ្នកប្រដាល់៤រូប នឹងឡើងប្រកួតដណ្ដើមពានអនុស្សាវរីយ៍បាយ័នលើកទី៥ សម្រាប់ប្រភេទទម្ងន់៥៧គីឡូក្រាម ឆ្នាំ២០១៥។
អ្នកប្រដាល់ទាំង៤រូបនោះរួមមាន ចាន់ ចំរើន មកពីក្លិបនិរោធមានជ័យ ,យិន បូរិន ក្លិបអាស៊ីកីឡា ,ងួន គា ក្លិបតាឡីដំរីមានរិទ្ធ និងគង់ ហ៊ូវ សមាគមកីឡាក្រសួងការពារជាតិ។
ពួកគេទាំង៤នាក់នេះ នឹងជួបប្រកួតគ្នានៅល្ងាចថ្ងៃសៅរ៍ ទី០៤ ខែកក្កដា ឆ្នាំ២០១៥នេះ នៅលើសង្វៀនបាយ័នស្ទឹងមានជ័យ។ ការប្រកួតប្រព្រឹត្តិទៅតាមរូបមន្តជាMarathon គឺចាញ់ហាលអាវ ឈ្នះត្រូវបន្តការប្រកួតទៀត ទាល់តែរកឃើញជើងឯកម្ចាស់ពានក្នុងពេលតែមួយ។
ការប្រកួតចែកចេញជា២ដំណាក់កាល ដែលដំណាក់កាលទី១-ប្រកួតជម្រុះ ដើម្បីជម្រុះចោល២នាក់ដែលចាញ់ ហើយ២នាក់ដែលឈ្នះនោះ ត្រូវឡើងទៅជួបគ្នាក្នុងដំណាក់កាលទី២ ដែលជាការប្រកួតផ្ដាច់ព្រ័ត្រដណ្ដើមពានអនុស្សាវរីយ៍របស់ស្ថានីយ៍ទូរទស្សន៍បាយ័ន។
គួរបញ្ជាក់ថា ការប្រកួតក្នុងដំណាក់កាលទី១ គឺប្រកួតតែ៣ទឹកប៉ុណ្ណោះ ដោយក្នុងមួយទឹកមាន៣នាទី និងការប្រកួតក្នុងដំណាក់កាលផ្ដាច់ព្រ័ត្រ គឺវាយ៥ទឹកតែមួយទឹកវាយតែ២នាទីទេ។
អ្នកប្រដាល់ទាំង៤រូបនេះ នឹងត្រូវចាប់ឆ្នោតមុនការប្រកួត ដែលមិនដឹងថានរណាត្រូវជួបជាមួយនរណាទេ គឺទាល់តែដល់ថ្ងៃប្រកួត និងក្រោយពីចាប់ឆ្នោតហើយ ទើបដឹងថាអ្នកណាជួបអ្នកណា។ ទោះជាយ៉ាងណា ក្នុងចំណោមអ្នកប្រដាល់ទាំង៤នាក់នេះ ក៏មានអ្នកធ្លាប់ជួបប្រកួតគ្នាកន្លងមកដែរ។
ដូចជា គង់ ហ៊ូវ គេធ្លាប់វាយឈ្នះ យិន បូរិន ម្ដងហើយកាលពីថ្មីៗកន្លងមកនេះ។ ឯ ងួន គា គេធ្លាប់វាយឈ្នះ ចាន់ ចំរើន ដោយពិន្ទុ កន្លងមកដែរ។ ងួន គា គេធ្លាប់ចូលរួមផ្សងសំណាងមួយលើកហើយ ក្នុងការប្រកួតដណ្ដើមពានបាយ័នទម្ងន់៥៧គ.ក្រកាលពីលើកទី២ តែមិនបានជោគជ័យ ។
ទោះជាយ៉ាងណាសម្រាប់ការប្រកួតដណ្ដើមពានបាយ័នលើកទី៥ ទម្ងន់៥៧គីឡូក្រាមលើកនេះ មិនដឹងថាធ្លាក់ទៅលើនរណានោះទេ ក្នុងចំណោម ចាន់ ចំរើន ងួន គា យិន បូរិន និងគង់ ហ៊ូវ នោះ។
គួរបញ្ជាក់ថា កាលពីប្រកួតដណ្ដើមពានបាយ័នទម្ងន់៥៧គ.ក្រ លើកទី១ ឆ្នាំ២០១៥នោះ គឺបានទៅលើអ្នកប្រដាល់ ជុន សាវុធ ក្លិបពោធិជ័យកីឡា បន្ទាប់ពីគេបានវាយឈ្នះ ម៉ៅ រិទ្ធី ក្លិបពន្លឺសាមគ្គីខេត្តបាត់ដំបងដោយពិន្ទុក្នុងវគ្គផ្ដាច់ព្រ័ត្រ។ សម្រាប់លើកទី២ បានទៅលើ ម៉ន ភីរម្យ ក្លិបការិយាល័យទី៥ កងទ័ពជើងគោក ក្រោយពីគេយកឈ្នះ មាស សារ៉ាក់ ក្លិបដួងសែនសុខគុនខ្មែរ ក្នុងវគ្គផ្ដាច់ព្រ័ត្រ។
លើកទី៣ បានទៅ រឿង សារ័ត្ន ក្លិបកងពលតូចទ័ពឆ័ត្រយោង៩១១ បន្ទាប់ពីគេឈ្នះ ស៊ឹម ប៊ុនឆៃ ក្លិបព្រៃទទឹងខេត្តបាត់ដំបងក្នុងវគ្គផ្ដាច់ព្រ័ត្រ និងលើកទី៤ បានទៅលើ ម៉ន ព្រំម៉ាញ ក្លិបការិយាល័យទី៥ កងទ័ពជើងគោក ដោយគេយកឈ្នះ ឯម សារ៉ាក់ ក្លិបឫទ្ធីពោធិសែនជ័យ ក្នុងវគ្គផ្ដាច់ព្រ័ត្រ៕
ពួកគេទាំង៤នាក់នេះ នឹងជួបប្រកួតគ្នានៅល្ងាចថ្ងៃសៅរ៍ ទី០៤ ខែកក្កដា ឆ្នាំ២០១៥នេះ នៅលើសង្វៀនបាយ័នស្ទឹងមានជ័យ។ ការប្រកួតប្រព្រឹត្តិទៅតាមរូបមន្តជាMarathon គឺចាញ់ហាលអាវ ឈ្នះត្រូវបន្តការប្រកួតទៀត ទាល់តែរកឃើញជើងឯកម្ចាស់ពានក្នុងពេលតែមួយ។
ការប្រកួតចែកចេញជា២ដំណាក់កាល ដែលដំណាក់កាលទី១-ប្រកួតជម្រុះ ដើម្បីជម្រុះចោល២នាក់ដែលចាញ់ ហើយ២នាក់ដែលឈ្នះនោះ ត្រូវឡើងទៅជួបគ្នាក្នុងដំណាក់កាលទី២ ដែលជាការប្រកួតផ្ដាច់ព្រ័ត្រដណ្ដើមពានអនុស្សាវរីយ៍របស់ស្ថានីយ៍ទូរទស្សន៍បាយ័ន។
គួរបញ្ជាក់ថា ការប្រកួតក្នុងដំណាក់កាលទី១ គឺប្រកួតតែ៣ទឹកប៉ុណ្ណោះ ដោយក្នុងមួយទឹកមាន៣នាទី និងការប្រកួតក្នុងដំណាក់កាលផ្ដាច់ព្រ័ត្រ គឺវាយ៥ទឹកតែមួយទឹកវាយតែ២នាទីទេ។
អ្នកប្រដាល់ទាំង៤រូបនេះ នឹងត្រូវចាប់ឆ្នោតមុនការប្រកួត ដែលមិនដឹងថានរណាត្រូវជួបជាមួយនរណាទេ គឺទាល់តែដល់ថ្ងៃប្រកួត និងក្រោយពីចាប់ឆ្នោតហើយ ទើបដឹងថាអ្នកណាជួបអ្នកណា។ ទោះជាយ៉ាងណា ក្នុងចំណោមអ្នកប្រដាល់ទាំង៤នាក់នេះ ក៏មានអ្នកធ្លាប់ជួបប្រកួតគ្នាកន្លងមកដែរ។
ដូចជា គង់ ហ៊ូវ គេធ្លាប់វាយឈ្នះ យិន បូរិន ម្ដងហើយកាលពីថ្មីៗកន្លងមកនេះ។ ឯ ងួន គា គេធ្លាប់វាយឈ្នះ ចាន់ ចំរើន ដោយពិន្ទុ កន្លងមកដែរ។ ងួន គា គេធ្លាប់ចូលរួមផ្សងសំណាងមួយលើកហើយ ក្នុងការប្រកួតដណ្ដើមពានបាយ័នទម្ងន់៥៧គ.ក្រកាលពីលើកទី២ តែមិនបានជោគជ័យ ។
ទោះជាយ៉ាងណាសម្រាប់ការប្រកួតដណ្ដើមពានបាយ័នលើកទី៥ ទម្ងន់៥៧គីឡូក្រាមលើកនេះ មិនដឹងថាធ្លាក់ទៅលើនរណានោះទេ ក្នុងចំណោម ចាន់ ចំរើន ងួន គា យិន បូរិន និងគង់ ហ៊ូវ នោះ។
គួរបញ្ជាក់ថា កាលពីប្រកួតដណ្ដើមពានបាយ័នទម្ងន់៥៧គ.ក្រ លើកទី១ ឆ្នាំ២០១៥នោះ គឺបានទៅលើអ្នកប្រដាល់ ជុន សាវុធ ក្លិបពោធិជ័យកីឡា បន្ទាប់ពីគេបានវាយឈ្នះ ម៉ៅ រិទ្ធី ក្លិបពន្លឺសាមគ្គីខេត្តបាត់ដំបងដោយពិន្ទុក្នុងវគ្គផ្ដាច់ព្រ័ត្រ។ សម្រាប់លើកទី២ បានទៅលើ ម៉ន ភីរម្យ ក្លិបការិយាល័យទី៥ កងទ័ពជើងគោក ក្រោយពីគេយកឈ្នះ មាស សារ៉ាក់ ក្លិបដួងសែនសុខគុនខ្មែរ ក្នុងវគ្គផ្ដាច់ព្រ័ត្រ។
លើកទី៣ បានទៅ រឿង សារ័ត្ន ក្លិបកងពលតូចទ័ពឆ័ត្រយោង៩១១ បន្ទាប់ពីគេឈ្នះ ស៊ឹម ប៊ុនឆៃ ក្លិបព្រៃទទឹងខេត្តបាត់ដំបងក្នុងវគ្គផ្ដាច់ព្រ័ត្រ និងលើកទី៤ បានទៅលើ ម៉ន ព្រំម៉ាញ ក្លិបការិយាល័យទី៥ កងទ័ពជើងគោក ដោយគេយកឈ្នះ ឯម សារ៉ាក់ ក្លិបឫទ្ធីពោធិសែនជ័យ ក្នុងវគ្គផ្ដាច់ព្រ័ត្រ៕
Post a Comment