តម្លៃសំបុត្រ ក្នុងការប្រកួតមិត្តភាពរវាងក្រុមជើងឯករង English Premier League មេឃខៀវ Manchester City ទល់នឹងក្រុមជម្រើសជាតិវៀតណាម នៅចុងខែនេះ បានចេញជាផ្លូវការហើយ ដោយតម្លៃកៅអីល្អបំផុតគឺ ៨៥ដុល្លារ ដែលជាតម្លៃមួយខ្ពស់ដាច់គេ ក្នុងប្រវត្តិសាស្ត្របាល់ទាត់វៀតណាម។
អ្នកតំណាងធនាគារ SHB Bank និងសហព័ន្ធបាល់ទាត់វៀតណាម បានប្រជុំគ្នាសម្រេច កាលពីថ្ងៃអង្គារ ដោយក្នុងនោះបានសម្រេចលក់សំបុត្រថ្លៃបំផុតគឺ ៨៥ដុល្លារ បន្ទាប់មកមានដូចជា ៧០ដុល្លារ, ៥០ដុល្លារ និង២៨ដុល្លារ ទៅតាមប្រភេទកៅអីខុសៗគ្នា។
ចំណែកឯកាលពី២ឆ្នាំមុន ដែល Arsenal មកលេងនៅវៀតណាមដែរនោះ គឺសំបុត្រថ្លៃបំផុត ៧០ដុល្លារ បន្ទាប់មកមាន ៥០ដុល្លារ, ៣០ដុល្លារ និង២០ដុល្លារ ខណៈដែលពេលនោះកាំភ្លើងធំ បានលត់ជម្រើសជាតិវៀតណាម ដល់ទៅ ៧-១។
តាមគម្រោង ក្រុម Man City នឹងត្រូវមកដល់ប្រទេសវៀតណាម នៅថ្ងៃទី២៥ ខែកក្កដានេះ ហើយពួកគេនឹងនៅប្រទេសតំបន់អាស៊ីអាគ្នេយ៍មួយនេះ រយៈពេល៣ថ្ងៃ ដើម្បីចូលរួមសកម្មភាពសង្គមមួយចំនួនទៀត ហើយក្លិបអង់គ្លេស បានសន្យាថា នឹងនាំតារាឆ្នើមៗរបស់ក្លិបមកចូលរួមផងដែរ ដូចជា Sergio Aguero, Vincent Kompany, Yaya Toure និង David Silva ជាដើម។
រីឯការប្រកួត នឹងត្រូវធ្វើឡើងនៅថ្ងៃទី២៧ ខែកក្កដា នៅកីឡដ្ឋានជាតិវៀតណាម My Dinh National Stadium នាទីក្រុងហាណូយ ដែលផ្ទុកអ្នកទស្សនាបានចំនួន ៤ម៉ឺននាក់៕
អ្នកតំណាងធនាគារ SHB Bank និងសហព័ន្ធបាល់ទាត់វៀតណាម បានប្រជុំគ្នាសម្រេច កាលពីថ្ងៃអង្គារ ដោយក្នុងនោះបានសម្រេចលក់សំបុត្រថ្លៃបំផុតគឺ ៨៥ដុល្លារ បន្ទាប់មកមានដូចជា ៧០ដុល្លារ, ៥០ដុល្លារ និង២៨ដុល្លារ ទៅតាមប្រភេទកៅអីខុសៗគ្នា។
ចំណែកឯកាលពី២ឆ្នាំមុន ដែល Arsenal មកលេងនៅវៀតណាមដែរនោះ គឺសំបុត្រថ្លៃបំផុត ៧០ដុល្លារ បន្ទាប់មកមាន ៥០ដុល្លារ, ៣០ដុល្លារ និង២០ដុល្លារ ខណៈដែលពេលនោះកាំភ្លើងធំ បានលត់ជម្រើសជាតិវៀតណាម ដល់ទៅ ៧-១។
តាមគម្រោង ក្រុម Man City នឹងត្រូវមកដល់ប្រទេសវៀតណាម នៅថ្ងៃទី២៥ ខែកក្កដានេះ ហើយពួកគេនឹងនៅប្រទេសតំបន់អាស៊ីអាគ្នេយ៍មួយនេះ រយៈពេល៣ថ្ងៃ ដើម្បីចូលរួមសកម្មភាពសង្គមមួយចំនួនទៀត ហើយក្លិបអង់គ្លេស បានសន្យាថា នឹងនាំតារាឆ្នើមៗរបស់ក្លិបមកចូលរួមផងដែរ ដូចជា Sergio Aguero, Vincent Kompany, Yaya Toure និង David Silva ជាដើម។
រីឯការប្រកួត នឹងត្រូវធ្វើឡើងនៅថ្ងៃទី២៧ ខែកក្កដា នៅកីឡដ្ឋានជាតិវៀតណាម My Dinh National Stadium នាទីក្រុងហាណូយ ដែលផ្ទុកអ្នកទស្សនាបានចំនួន ៤ម៉ឺននាក់៕
Post a Comment