ក្លិបបាល់ទាត់ខេត្តស្វាយរៀងបានចេញមុខបដិសេធ មិនទទួលយកការឧបត្ថម្ភពីអ្នកគាំទ្រដែលចង់ជួយដល់កីឡាករ James Micheal ដែលទទួលរង់របួសបាក់ជើង កាលពីម្សិលមិញ និងបានអះអាងថា ក្លិបមានលទ្ធភាពគ្រប់គ្រាន់សម្រាប់ការព្យាបាល ប៉ុន្តែក្លិបសូមទទួលយកដោយរីករាយចំពោះសន្តានចិត្តដ៏ថ្លៃថ្លារបស់អ្នកគាំទ្រដែល់ចង់ជួយឧបត្ថម្ភ។
លោក ឱក សំណាង អគ្គលេខាធិការក្លិបស្វាយរៀងបានប្រាប់ Sabay ថា ៖«ក្លិបស្វាយរៀងសូមទទួលយកសន្តានចិត្តរបស់អ្នកគាំទ្រដោយក្តីរំភើបរីករាយដែលចង់ជួយជាប្រាក់ដល់ក្លិបដើម្បីព្យាបាលដល់ James ប៉ុន្តែមិនទទួលយកប្រាក់ឡើយ ពីព្រោះក្លិបមានលទ្ធភាពគ្រប់គ្រាន់សម្រាប់ព្យាបាល។ ប្រសិនបើអ្នកគាំទ្រស្រលាញ់ពេញចិត្ត និងផ្តល់ជាប្រាក់ដល់កីឡាករផ្ទាល់ អ្នកគាំទ្រអាចជួនដល់គាត់ ខ្ញុំមិនហាមឃាត់ទេ តែបើផ្តល់មកក្លិបគឺអត់ទទួលយកទេ»។
លោកអគ្គលេខាធិការបញ្ជាក់ថា លោកប្រធានបានបញ្ជាក់ប្រាប់មកក្លិបហើយគឺមិនទទួលយកប្រាក់ពីអ្នកគាំទ្រឡើយ ពីព្រោះក្លិបមានលទ្ធភាពគ្រប់គ្រាន់សម្រាប់ការចំណាយលើការព្យាបាលកីឡាករ James។ លោកសង្ឃឹមថា អ្នកគាំទ្រនៅតែស្រលាញ់ពេញចិត្ត និងគាំទ្រដល់ក្លិបបាល់ទាត់ស្វាយរៀងបន្តទៀត។
លោក ឱក សំណាងបានសំណូមពរដល់គ្រប់ក្លិបបាល់ទាត់ទាំងអស់ដែលមានកីឡដ្ឋានផ្ទាល់ខ្លួនសូមពិនិត្យមើលទីលានឲ្យបានល្អ និងច្បាស់លាស់សម្រាប់ការប្រកួត។ ប្រសិនបើទីលានមិនល្អទេ អាចនឹងធ្វើឲ្យកើតមានគ្រោះថ្នាក់ដល់កីឡាករដោយប្រការណាមួយ។
ខ្សែការពារសញ្ជាតិនីហ្សេរីយ៉ារបស់ស្វាយរៀង James Micheal បានទទួលរង់របួសបាក់ជើងយ៉ាងធ្ងន់ធ្ងរកាលពីម្សិលមិញនៅពេលរូបគេរត់ដណ្តើមបាល់ជាមួយកីឡាករឃួន ឡាបូរ៉ាវីហើយក៏ក្រឡាច់ជើងដួលដោយខ្លួនឯងបណ្តាលឲ្យគ្រោះថ្នាក់តែម្តង។
James Micheal (ឈរលេខ៤៥) របួសបាក់ជើងម្សិលមិញ
លោក ឱក សំណាង អគ្គលេខាធិការក្លិបស្វាយរៀងបានប្រាប់ Sabay ថា ៖«ក្លិបស្វាយរៀងសូមទទួលយកសន្តានចិត្តរបស់អ្នកគាំទ្រដោយក្តីរំភើបរីករាយដែលចង់ជួយជាប្រាក់ដល់ក្លិបដើម្បីព្យាបាលដល់ James ប៉ុន្តែមិនទទួលយកប្រាក់ឡើយ ពីព្រោះក្លិបមានលទ្ធភាពគ្រប់គ្រាន់សម្រាប់ព្យាបាល។ ប្រសិនបើអ្នកគាំទ្រស្រលាញ់ពេញចិត្ត និងផ្តល់ជាប្រាក់ដល់កីឡាករផ្ទាល់ អ្នកគាំទ្រអាចជួនដល់គាត់ ខ្ញុំមិនហាមឃាត់ទេ តែបើផ្តល់មកក្លិបគឺអត់ទទួលយកទេ»។
លោកអគ្គលេខាធិការបញ្ជាក់ថា លោកប្រធានបានបញ្ជាក់ប្រាប់មកក្លិបហើយគឺមិនទទួលយកប្រាក់ពីអ្នកគាំទ្រឡើយ ពីព្រោះក្លិបមានលទ្ធភាពគ្រប់គ្រាន់សម្រាប់ការចំណាយលើការព្យាបាលកីឡាករ James។ លោកសង្ឃឹមថា អ្នកគាំទ្រនៅតែស្រលាញ់ពេញចិត្ត និងគាំទ្រដល់ក្លិបបាល់ទាត់ស្វាយរៀងបន្តទៀត។
លោក ឱក សំណាងបានសំណូមពរដល់គ្រប់ក្លិបបាល់ទាត់ទាំងអស់ដែលមានកីឡដ្ឋានផ្ទាល់ខ្លួនសូមពិនិត្យមើលទីលានឲ្យបានល្អ និងច្បាស់លាស់សម្រាប់ការប្រកួត។ ប្រសិនបើទីលានមិនល្អទេ អាចនឹងធ្វើឲ្យកើតមានគ្រោះថ្នាក់ដល់កីឡាករដោយប្រការណាមួយ។
ខ្សែការពារសញ្ជាតិនីហ្សេរីយ៉ារបស់ស្វាយរៀង James Micheal បានទទួលរង់របួសបាក់ជើងយ៉ាងធ្ងន់ធ្ងរកាលពីម្សិលមិញនៅពេលរូបគេរត់ដណ្តើមបាល់ជាមួយកីឡាករឃួន ឡាបូរ៉ាវីហើយក៏ក្រឡាច់ជើងដួលដោយខ្លួនឯងបណ្តាលឲ្យគ្រោះថ្នាក់តែម្តង។
Post a Comment