កីឡាករប្រដាល់ទេស សំខាន់ នៃក្លិបកងពលតូចលេខ ៧០ ដែលជាម្ចាស់គ្រងខ្សែក្រវាត់ចំនួនពីររួមមានខ្សែក្រវាត់ស្រាបៀរលីអូទម្ងន់ ៦០ គីឡូក្រាម និងខ្សែក្រវាត់ស្រាបៀរ Black Panther ទម្ងន់ ៦៣,៥ គីឡូក្រាម កំពុងជួបបញ្ហាលំបាកខ្លាំងក្នុងជីវភាព ក្រោយពីរូបគេបានរងរបួសយ៉ាងធ្ងន់អំឡុងការប្រកួត។
សំខាន់ ត្រូវបានកីឡាករថៃខ្វាន់ចៃ ឡូកមឿនឈុន ទាត់ផ្កាប់ចានមួយជើងឲ្យសន្លប់ និងបាក់ឆ្អឹងថ្គាមពីរកន្លែងក្នុងការប្រកួតកម្មវិធីប្រដាល់ដណ្តើមខ្សែក្រវាត់ភេសជ្ជៈគោជល់ កាលពីថ្ងៃ៣០ ខែឧសភា ឆ្នាំ ២០១៥ នៅសង្វៀនស៊ីធីអិនឫស្សីកែវ។
ការរងរបួសធ្ងន់ធ្ងរដែលតម្រូវឲ្យរូបគេត្រូវចូលសម្រាកព្យាបាលនៅមន្ទីរពេទ្យអស់រយៈពេលដ៏យូរ និងចំណាយអស់ជិត ២០០០ ដុល្លារហើយនោះ នាំឲ្យជីវភាពរបស់គ្រួសាររបស់ ទេស សំខាន់ ជួបវិបត្តិធ្ងន់ធ្ងរ ហើយលោកគ្រូពេទ្យបានអះអាងថា រយៈ១៤ ខែទៀតទើបអាចដឹងថា សំខាន់ ឡើងប្រកួតទៀតបាន ឬអត់។
ទេស សំខាន់ អាយុ ២៥ ឆ្នាំ កម្ពស់ ១,៧០ ម៉ែត្រ ជាកូនទី ៤ ក្នុងចំណោមបងប្អូនបង្កើត ៩ នាក់នៅភូមិឃុំំស្រឡៅពក ស្រុកចម្ការលើ ខេត្តកំពង់ចាម មានប្រវត្តិប្រកួតបានចំនួនជាង ១០០ ដង ចាញ់តែ ១៤ ដងប៉ុណ្ណោះ ហើយរយៈពេលតែជាង ៥ ខែនៅចុងឆ្នាំ ២០១៤ និងដើមឆ្នាំ ២០១៥ នេះ កីឡាកររូបនេះដណ្តើមបានខ្សែក្រវាត់ចំនួនពីរស្ថាប័នក្នុងប្រភេទទម្ងន់ផ្សេងពីគ្នា។
ទេស សំខាន់ បានប្រាប់ភ្នំពេញ ប៉ុស្តិ៍ ខណៈដែលរូបគេកំពុងតែសម្រាកព្យាបាលរបួសនៅឡើយថា៖ «ខ្ញុំកំពុងជួបការលំបាកខ្លាំងក្នុងជីវភាព ព្រោះថា ថ្លៃព្យាបាលជាដំបូង មានការវះកាត់ដាក់អបនូវដែកក្នុងថ្គាម ដែលត្រូវចំណាយអស់ប្រាក់ចំនួន ១១៨០ ដុល្លារ និងរង់ចាំ៦ខែទៀត ទើបវះយកដែកចេញដែលត្រូវចំណាយបន្ថែមទៀត ដោយមិនទាន់គិតពីថ្លៃថ្នាំ និងការហូបចុក សោហ៊ុយដែលគ្មានប្រភពចំណូលឡើយ»។
ទេស សំខាន់ បានត្អូញត្អែរថា៖ «ខ្ញុំមានការអាណិតប្រពន្ធខ្ញុំខ្លាំងណាស់ដែលទើបតែមានកូនក្នុងផ្ទៃពោះ ៤ ខែ បន្ទាប់ពីខ្ញុំបានរៀបការកាលពីថ្ងៃ ២៨ ខែមេសា ឆ្នាំ ២០១៥ ហើយដោយសាររបួសពីការប្រកួតនេះ ខ្ញុំបានយកលុយពីប្រពន្ធដែលបានសន្សំបានតាំងពីនៅក្រមុំដែលមានមាសចំនួន ៣ ជីបន្ថែមទៀតនៅតែមិនទាន់គ្រប់ក្នុងការព្យាបាល»។
កីឡាកររូបនេះបានរៀបរាប់ពីស្ថានភាពលំបាកនោះថា៖ «បើគិតពីរយៈព្យាបាលចំនួន ៦ ខែទៀត និងបន្ថែមរយៈពេល ៨ ខែដែលគ្រូពេទ្យតាមដាននោះ ខ្ញុំត្រូវចំណាយរយៈពេលចំនួន ១៤ ខែ ទើបទទួលបានដំណឹងច្បាស់ថា អាចរកប្រាក់បានតាមរយៈឡើងប្រកួតបាន ឬយ៉ាងណា»។
ប្រពន្ធរបស់ សំខាន់ ឈ្មោះ ផាន រី គឺជាកម្មការិនីរោងចក្រ ហើយដោយមានបញ្ហាចាញ់កូននោះ ប្រពន្ធរបស់គេបានវិលទៅនៅស្រុកមួយរយៈដែលទុកឲ្យ ទេស សំខាន់ នៅផ្ទះជួល តែម្នាក់ឯងដើម្បីងាយស្រួលក្នុងការទៅមន្ទីរពេទ្យ។
នាងផាន រីបាននិយាយថា៖ «ប្តីខ្ញុំគាត់រកប្រាក់តាមរយៈឡើងវ៉ៃប្រដាល់ ហើយយើងមើលឃើញថា ដូចជាបានច្រើន ពិសេសការឈ្នះបានខ្សែក្រវាត់ចំនួន ២ និងម៉ូតូ ១ គ្រឿង ប៉ុន្តែ ការចំណាយក្នុងជីវភាពប្រចាំថ្ងៃដោយរង់ចាំការឡើងប្រកួតវិញ យើងត្រូវចាយប្រាក់អស់ និងជំពាក់គេ ហើយដល់ពេលគាត់រងរបួសធ្ងន់អ៊ីចឹង ខ្ញុំពិតជាគ្មានលុយគ្រប់គ្រាន់ឡើយ ហើយក៏គ្មានចំណូលអ្វីដែរ»។
ផាន រី បានបន្តឲ្យដឹងថា៖ «ខ្ញុំមិនដឹងថាខាងណាខ្លះគេជួយឧបត្ថម្ភលុយព្យាបាលគាត់ទេ ប៉ុន្តែ ប្តីខ្ញុំបានយកឯកសារពេទ្យដែលចំណាយដំបូងអស់ចំនួន ១១៨០ ដុល្លារ ហើយបច្ចុប្បន្ន យើងទើបតែទទួលបានប្រាក់ ២០០ ដុល្លារ ហើយគេប្រាប់ថា នឹងជួយបន្ថែមទៀត ប៉ុន្តែ មិនដឹងថ្ងៃណាឡើយ។
នាងផាន រី បានអំពាវនាវសុំឲ្យសប្បុរសជន ឬអ្នកធំ និងអ្នកស្រឡាញ់រាប់អានទេស សំខាន់ មេត្តាជួយឧបត្ថម្ភដល់គាត់ផងពីព្រោះគ្មានទីពឹងទេ។
លោកវេជ្ជបណ្ឌិតចំរើន ដែលព្យាបាលរបួស ទេស សំខាន់ មានប្រសាសន៍ថា៖ «ទេស សំខាន់ បានបាក់ឆ្អឹងថ្គាមពីរកន្លែង ហើយឆ្អឹងត្រង់នេះងាយនឹងជាសះស្បើយទេ ប្រសិនបើយើងព្យាបាល ហើយអ្នកជំងឺធ្វើតាមការណែនាំរបស់គ្រូពេទ្យ»។
កន្លងមកកីឡាករប្រដាល់ដែលទទួលរងគ្រោះថ្នាក់ធំៗលើសង្វៀន តែងតែទទួលបានការឧបត្ថម្ភពីថ្នាក់ដឹកនាំសប្បុរសជនផងដែរដូចជាកីឡាករឯម វិចិត្រ ដែលធ្លាប់បាក់ថ្គាមដោយសារតែ ឈិន ក្វាន់ង៉ុយ នៅសង្វៀនលេខ ៣ ទទួលបានការឧបត្ថម្ភដើម្បីព្យាបាលពីលោកស្រី ហ៊ុន ម៉ាណា។
កាលពីសប្តាហ៍មុនថ្មីៗនេះ លោកស្រី ប៊ុន រ៉ានី ហ៊ុនសែន បានប្រកាសផ្តល់ប្រាក់ចំនួន ៥០០០ ដុល្លារឲ្យទៅកីឡាករវ៉ន វីវ៉ា ដែលត្រូវបានកីឡាករថៃ ទាត់ឲ្យបាក់ឆ្អឹងដៃនៅបាយ័ន។ ប៉ុន្តែ សំខាន់ ដែលបានបាក់ឆ្អឹងថ្គាមនៅសង្វៀនស៊ីធីអិនតាំងពីថ្ងៃទី ៣០ ខែឧសភា កំពុងតែវេទនា និងមិនទាន់ឃើញមានសប្បុរសជន ឬអ្នកធំណាជួយនៅឡើយទេ៕
សំខាន់ (កណ្តាល) កំពុងជួបផលវិបាកខ្លាំង និងស្រែករកជំនួយ ក្រោយបាក់ឆ្អឹងថ្គាម
សំខាន់ ត្រូវបានកីឡាករថៃខ្វាន់ចៃ ឡូកមឿនឈុន ទាត់ផ្កាប់ចានមួយជើងឲ្យសន្លប់ និងបាក់ឆ្អឹងថ្គាមពីរកន្លែងក្នុងការប្រកួតកម្មវិធីប្រដាល់ដណ្តើមខ្សែក្រវាត់ភេសជ្ជៈគោជល់ កាលពីថ្ងៃ៣០ ខែឧសភា ឆ្នាំ ២០១៥ នៅសង្វៀនស៊ីធីអិនឫស្សីកែវ។
ការរងរបួសធ្ងន់ធ្ងរដែលតម្រូវឲ្យរូបគេត្រូវចូលសម្រាកព្យាបាលនៅមន្ទីរពេទ្យអស់រយៈពេលដ៏យូរ និងចំណាយអស់ជិត ២០០០ ដុល្លារហើយនោះ នាំឲ្យជីវភាពរបស់គ្រួសាររបស់ ទេស សំខាន់ ជួបវិបត្តិធ្ងន់ធ្ងរ ហើយលោកគ្រូពេទ្យបានអះអាងថា រយៈ១៤ ខែទៀតទើបអាចដឹងថា សំខាន់ ឡើងប្រកួតទៀតបាន ឬអត់។
ទេស សំខាន់ អាយុ ២៥ ឆ្នាំ កម្ពស់ ១,៧០ ម៉ែត្រ ជាកូនទី ៤ ក្នុងចំណោមបងប្អូនបង្កើត ៩ នាក់នៅភូមិឃុំំស្រឡៅពក ស្រុកចម្ការលើ ខេត្តកំពង់ចាម មានប្រវត្តិប្រកួតបានចំនួនជាង ១០០ ដង ចាញ់តែ ១៤ ដងប៉ុណ្ណោះ ហើយរយៈពេលតែជាង ៥ ខែនៅចុងឆ្នាំ ២០១៤ និងដើមឆ្នាំ ២០១៥ នេះ កីឡាកររូបនេះដណ្តើមបានខ្សែក្រវាត់ចំនួនពីរស្ថាប័នក្នុងប្រភេទទម្ងន់ផ្សេងពីគ្នា។
ទេស សំខាន់ បានប្រាប់ភ្នំពេញ ប៉ុស្តិ៍ ខណៈដែលរូបគេកំពុងតែសម្រាកព្យាបាលរបួសនៅឡើយថា៖ «ខ្ញុំកំពុងជួបការលំបាកខ្លាំងក្នុងជីវភាព ព្រោះថា ថ្លៃព្យាបាលជាដំបូង មានការវះកាត់ដាក់អបនូវដែកក្នុងថ្គាម ដែលត្រូវចំណាយអស់ប្រាក់ចំនួន ១១៨០ ដុល្លារ និងរង់ចាំ៦ខែទៀត ទើបវះយកដែកចេញដែលត្រូវចំណាយបន្ថែមទៀត ដោយមិនទាន់គិតពីថ្លៃថ្នាំ និងការហូបចុក សោហ៊ុយដែលគ្មានប្រភពចំណូលឡើយ»។
ទេស សំខាន់ បានត្អូញត្អែរថា៖ «ខ្ញុំមានការអាណិតប្រពន្ធខ្ញុំខ្លាំងណាស់ដែលទើបតែមានកូនក្នុងផ្ទៃពោះ ៤ ខែ បន្ទាប់ពីខ្ញុំបានរៀបការកាលពីថ្ងៃ ២៨ ខែមេសា ឆ្នាំ ២០១៥ ហើយដោយសាររបួសពីការប្រកួតនេះ ខ្ញុំបានយកលុយពីប្រពន្ធដែលបានសន្សំបានតាំងពីនៅក្រមុំដែលមានមាសចំនួន ៣ ជីបន្ថែមទៀតនៅតែមិនទាន់គ្រប់ក្នុងការព្យាបាល»។
កីឡាកររូបនេះបានរៀបរាប់ពីស្ថានភាពលំបាកនោះថា៖ «បើគិតពីរយៈព្យាបាលចំនួន ៦ ខែទៀត និងបន្ថែមរយៈពេល ៨ ខែដែលគ្រូពេទ្យតាមដាននោះ ខ្ញុំត្រូវចំណាយរយៈពេលចំនួន ១៤ ខែ ទើបទទួលបានដំណឹងច្បាស់ថា អាចរកប្រាក់បានតាមរយៈឡើងប្រកួតបាន ឬយ៉ាងណា»។
ប្រពន្ធរបស់ សំខាន់ ឈ្មោះ ផាន រី គឺជាកម្មការិនីរោងចក្រ ហើយដោយមានបញ្ហាចាញ់កូននោះ ប្រពន្ធរបស់គេបានវិលទៅនៅស្រុកមួយរយៈដែលទុកឲ្យ ទេស សំខាន់ នៅផ្ទះជួល តែម្នាក់ឯងដើម្បីងាយស្រួលក្នុងការទៅមន្ទីរពេទ្យ។
នាងផាន រីបាននិយាយថា៖ «ប្តីខ្ញុំគាត់រកប្រាក់តាមរយៈឡើងវ៉ៃប្រដាល់ ហើយយើងមើលឃើញថា ដូចជាបានច្រើន ពិសេសការឈ្នះបានខ្សែក្រវាត់ចំនួន ២ និងម៉ូតូ ១ គ្រឿង ប៉ុន្តែ ការចំណាយក្នុងជីវភាពប្រចាំថ្ងៃដោយរង់ចាំការឡើងប្រកួតវិញ យើងត្រូវចាយប្រាក់អស់ និងជំពាក់គេ ហើយដល់ពេលគាត់រងរបួសធ្ងន់អ៊ីចឹង ខ្ញុំពិតជាគ្មានលុយគ្រប់គ្រាន់ឡើយ ហើយក៏គ្មានចំណូលអ្វីដែរ»។
ផាន រី បានបន្តឲ្យដឹងថា៖ «ខ្ញុំមិនដឹងថាខាងណាខ្លះគេជួយឧបត្ថម្ភលុយព្យាបាលគាត់ទេ ប៉ុន្តែ ប្តីខ្ញុំបានយកឯកសារពេទ្យដែលចំណាយដំបូងអស់ចំនួន ១១៨០ ដុល្លារ ហើយបច្ចុប្បន្ន យើងទើបតែទទួលបានប្រាក់ ២០០ ដុល្លារ ហើយគេប្រាប់ថា នឹងជួយបន្ថែមទៀត ប៉ុន្តែ មិនដឹងថ្ងៃណាឡើយ។
នាងផាន រី បានអំពាវនាវសុំឲ្យសប្បុរសជន ឬអ្នកធំ និងអ្នកស្រឡាញ់រាប់អានទេស សំខាន់ មេត្តាជួយឧបត្ថម្ភដល់គាត់ផងពីព្រោះគ្មានទីពឹងទេ។
លោកវេជ្ជបណ្ឌិតចំរើន ដែលព្យាបាលរបួស ទេស សំខាន់ មានប្រសាសន៍ថា៖ «ទេស សំខាន់ បានបាក់ឆ្អឹងថ្គាមពីរកន្លែង ហើយឆ្អឹងត្រង់នេះងាយនឹងជាសះស្បើយទេ ប្រសិនបើយើងព្យាបាល ហើយអ្នកជំងឺធ្វើតាមការណែនាំរបស់គ្រូពេទ្យ»។
កន្លងមកកីឡាករប្រដាល់ដែលទទួលរងគ្រោះថ្នាក់ធំៗលើសង្វៀន តែងតែទទួលបានការឧបត្ថម្ភពីថ្នាក់ដឹកនាំសប្បុរសជនផងដែរដូចជាកីឡាករឯម វិចិត្រ ដែលធ្លាប់បាក់ថ្គាមដោយសារតែ ឈិន ក្វាន់ង៉ុយ នៅសង្វៀនលេខ ៣ ទទួលបានការឧបត្ថម្ភដើម្បីព្យាបាលពីលោកស្រី ហ៊ុន ម៉ាណា។
កាលពីសប្តាហ៍មុនថ្មីៗនេះ លោកស្រី ប៊ុន រ៉ានី ហ៊ុនសែន បានប្រកាសផ្តល់ប្រាក់ចំនួន ៥០០០ ដុល្លារឲ្យទៅកីឡាករវ៉ន វីវ៉ា ដែលត្រូវបានកីឡាករថៃ ទាត់ឲ្យបាក់ឆ្អឹងដៃនៅបាយ័ន។ ប៉ុន្តែ សំខាន់ ដែលបានបាក់ឆ្អឹងថ្គាមនៅសង្វៀនស៊ីធីអិនតាំងពីថ្ងៃទី ៣០ ខែឧសភា កំពុងតែវេទនា និងមិនទាន់ឃើញមានសប្បុរសជន ឬអ្នកធំណាជួយនៅឡើយទេ៕
Post a Comment